12 C
Pontevedra
Venres, 29 de Marzo de 2024
Máis

    Tag: fame de experiencias

    Novo premio para ‘Fame de Experiencias’ no Festival de Turismo Mundial de Kioto en Xapón… e xa van catorce

    Xa son catorce os galardóns internacionais que o audiovisual 'Fame de experiencias', co que a Deputación de Pontevedra promoveu o destino turístico da provincia no 2019, acumula tras acadar un novo no Festival de Turismo Mundial de Kioto, en Xapón. “Se xa era un orgullo ser un dos 68 vídeos finalistas entre os 1.327 participantes, conseguir o premio e ternos situado con destinos como Australia, Grecia, Thailandia, Bali ou Xapón é unha noticia excepcional”, destacou a presidenta Carmela Silva.

    ‘Fame de experiencias’ pecha o seu paso polo circuíto de festivais internacionais de vídeo turístico da CIFTT con 12 premios e votos dende 41 países

    O destino Pontevedra Provincia deu en 2020 un gran paso adiante na súa proxección internacional tralo exitoso percorrido de 'Fame de Experiencias' polos festivais que compoñen o circuíto do Committee of Tourism Film Festivals (CIFFT), a cita máis prestixiosa do mundo na industria do marketing de vídeos de viaxes. A propia participación neste circuíto ten un efecto multiplicador na difusión do destino ao chegar ao público internacional que é, precisamente, un dos grandes retos que se marcou a Deputación de Pontevedra no Plan Estratéxico de Turismo.

    “Fame de experiencias?” gaña o primeiro premio do CIFFT e coróase como o mellor audiovisual de produto turístico do mundo

    “Fame de Experiencias?” non podía pechar mellor este ano 2020. Despois de conseguir ata 13 premios internacionais, o audiovisual da Deputación de Pontevedra, producido por Esmerarte, que representou á provincia na campaña de promoción do destino 2019, coróase como mellor película do mundo 2020 na categoría de produto turístico.

    ‘Fame de Experiencias’ continúa colleitando recoñecementos cun novo premio internacional en Grecia

    Xa son trece os galardóns que 'Fame de experiencias', o audiovisual da campaña de turismo 2019 da Deputación, producido pola produtora Esmerarte, vén de acadar dende a súa estrea en Madrid na Feira de Turismo de Fitur. Neste caso, trátase dun novo recoñecemento internacional, no XI International Amorgos Tourism Film Festival, o Festival Internacional de Cinema de Turismo da illa de Amorgos (Grecia), que tivo lugar esta fin de semana. O audiovisual da Deputación obtivo o Premio de Ouro ao mellor Produto Turístico-Turismo Gastronómico, impoñéndose ao resto das candidaturas.

    “Fame de experiencias” obtén o seu décimo recoñecemento internacional no Zagreb Tourfilm Festival

    “Fame de experiencias”, o audiovisual da campaña de turismo 2019 da Deputación de Pontevedra, vén de acadar un novo recoñecemento internacional e xa van dez acumulados dende a súa estrea. Neste caso o vídeo promocional, que xa ten un auténtico récord de premios, alzouse co galardón “á mellor película gastronómica” no Zagreb Tourfilm Festival de Croacia que, por mor da pandemia, celebrou unha “entrega virtual”.

    “Fame de experiencias”, a campaña turística da Deputación 2019, gaña o seu oitavo galardón internacional no Terres Festival

    O vídeo de promoción da campaña “Fame de experiencias” da Deputación de Pontevedra vén de acadar o seu oitavo galardón a nivel internacional no Terres Festival de Tortosa na categoría Films Turísticos, en concreto en “The best of - Gastronomic Experiences and Wine Tourism”. Este novo recoñecemento premia novamente a aposta da Deputación de Pontevedra por un modelo vangardista e sostible de promoción da provincia, despois dos premios recibidos en Fitur, nos Golden City Gate de Berlín, nos New York Festivals TV & Film Awards, no International Tour Film Fest de Bulgaria, no Festival de Turismo de Riga, no US International Film & Video Festival de Los Ángeles e no SilaFest de Serbia.

    ‘Fame de experiencias’, premiado no US International Film&Video Festival de Los Ángeles

    O vídeo de promoción da campaña 'Fame de experiencias' da Deputación de Pontevedra acada o seu sexto galardón a nivel internacional. Nesta ocasión trátase do Certificate Creative Excellence 2020 do US International Film & Video Festival de Los Ángeles na categoría de 'Produtos turísticos'. Nesta ocasión, o audiovisual producido pola empresa Esmerarte comparte o recoñecemento con outros seis traballos procedentes de Austria, Dinamarca, Serbia, Viena, Eslovenia e cun de España.

    ‘Fame de Experiencias’, medalla de prata nos ‘TV&Film Awards Festival’ de New York

    Novo recoñecemento internacional, e xa van tres, para a campaña “Fame de experiencias” coa que a Deputación de Pontevedra promoveu en 2019 o destino Pontevedra Provincia. O audiovisual, producido pola empresa Esmerarte, vén de alzarse coa medalla de prata nos TV&Film Awards Festivals de New York.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.