Tag: eu son
Blanca Francés deixa a súa acta de concelleira de EU Son do Porriño por motivos de saúde e José Manuel Villa ocupará o seu posto
EU Son do Porriño vén de dar a coñecer que na asemblea celebrada onte, 30 de xaneiro, a concelleira Blanca Francés informou, tanto á militancia coma simpatizantes, a decisión de "deixar a súa acta como concelleira por motivos de saúde". Este paso, comunicado hai xa meses ao resto do Consello, viuse aprazado dada a complicada situación que se vivía no Concello do Porriño.
EU Son cualifica ao Porriño como “cidade inimiga da infancia e das persoas maiores”
O grupo municipal de EU Son O Porriño, logo do recoñecemento do municipio por parte da UNICEF como 'Cidade amiga da infancia' e aspirante a 'Cidade amigable coas persoas maiores' –previo pago de traballos de consultoría de máis de 10.000 €, que unha vez acadada a distinción colócanse os letreiros que dan fe–, vén de asegurar que os feitos amosan unha realidade ben distinta polo que non dubida en cualificar ao municipio como "cidade inimiga da infancia e das persoas maiores".
EU-Son O Porriño presenta unha moción para establecer un Plan de Vixilancia Ambiental sobre a actividade das canteiras en Budiño
O Grupo Municipal de EU-Son no Porriño deu conta da presentación dunha moción encamiñada a que o Concello do Porriño inste á Xunta de Galicia, concretamente á Consellería de Medio Ambiente, Territorio e Vivenda, ao deseño e execución dun Plan de Vixilancia Ambiental sobre a actividade mineira na parroquia de Budiño artellando, de ser o caso, os cambios normativos precisos para acadalo.
EU-Son do Porriño denuncia que se parase a gravación do Pleno para “agochar a unha alcaldesa fóra de control”
O grupo municipal de EU-Son no Porriño vén de denunciar que no Pleno celebrado o día 31/03/21 "paránronse tanto a gravación como a transmisión en directo da sesión" un feito que segundo as concelleiras de EU "aconteceu xustamente cando a alcaldesa ameazou á nosa voceira coa intervención policial se non abandonaba o salón de plenos por non retirar o que ela cualificou como insulto mentirosa". Así o manifestou o xefe de prensa con un "la grabación está parada".
EU do Porriño négase a seguir formando parte dunha Comisión de Seguimento da COVID “totalmente inoperante”
O Grupo Municipal de EU Son do Porriño anunciou a súa intención de non seguir formando parte "dunha Comisión de Seguimento da COVID sen contido e usada a a conveniencia para lexitimar a inoperancia, a desidia e incapacidade de xestión".
EU do Porriño convoca unha nova concentración para reclamar unha sanidade digna
Un xoves, EU Son do Porriño vén de convocar unha concentración en defensa da Atención Primaria, concentracións que desenvolve a formación asemblearia dende hai xa tres anos. Esta vez será o xoves 29 de outubro ás 20 horas diante do Centro de Saúde, en reclamación da atención presencial e baixo o lema "a atención primaria non é atención telefónica".
EU Son do Porriño advirte que non teñen que xustificarse ante o PP “porque nin somos goberno nin temos que renderlle contas aos Populares”
EU Son do Porriño saiu onte ao paso, de xeito claro e contundente, ás declaracións realizadas en días anteriores polo PP porriñés na que adiantaba a súa postura de solicitar a comparecencia da alcaldesa Eva García de la Torre e da voceira de EU Son, Patricia Sío, pola polémica xurdida sobre a suposta decisión da alcaldesa de dimitir.
EU Son do Porriño presenta unha moción “por un comezo de curso seguro”
O grupo municipal de EU Son no Porriño vén de presentar unha moción para os eu debate plenario que recollen unha serie de puntos que permitirían, ao seu entender, "un comezo de curso seguro" tendo en conta o inminente inicio do curso escolar en Educación Infantil e Primaria, –10 de setembro–, e en Secundaria, –16 de setembro–. Un inicio de curso que, sinala EU Son, está cheo "de novas que enchen de inquedanza á comunidade educativa e especialmente ás familias e o alumnado".
EU Son do Porriño denuncia a falta de transparencia nas medidas adoptadas polo Goberno en relación co COVID-19
O Grupo municipal de EU Son do Porriño lamentou hoxe a "falta de transparencia e ausencia de información" sobre as medidas que está a desenvolver o Goberno local porriñes con respecto ao coronavirus. Na pasada semana, o grupo municipal de Esquerda Unida xa manifestara o seu "malestar" pola ausencia de reunións ou Plenos para dar conta, ao resto dos grupos da Corporación, das xestións realizadas e as medidas adoptadas nesta crise.
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.