31.5 C
Pontevedra
Sábado, 11 de Xullo de 2020

Tag: covid-19

Redondela intensifica a atención aos colectivos e persoas máis vulnerables durante o estado de alarma

O Concello de Redondela vén de reforzar o servizo que, dende o pasado día 14, se presta aos colectivos e persoas máis vulnerables ou en risco de exclusión, iniciativas encamiñadas tanto a garantirlles os produtos de primeira necesidade coma a proporcionarlles asistencia e axuda nas diferentes situacións que se lle poidan presentar ao longo do estado de alarma.

O Rosal en colaboración coa psicóloga Andrea Iglesias, elabora unhas recomendacións xerais para o illamento

Comeza a terceira semana de corentena para loitar contra a crise sanitaria provocada polo COVID-19, unha semana que chega con endurecementos nas medidas do estado de alarma e maiores restricións de mobilidade. Un confinamento forzoso do que toda a sociedade é consciente pero que carrexa efectos emocionais.

Zona Franca habilita un módulo informativo na web con todas as axudas económicas e laborais de apoio ás empresas

Ante unha situación de excepcionalidade como a que se está atravesando no país, desde a Zona Franca de Vigo veñen de intensificar as accións de comunicación de relevancia para as empresas de Galicia polo que, desde hoxe, pódese ter acceso desde a súa páxina web ás diferentes medidas de apoio á actividade económica ben sexan estatais, autonómicas, locais e como da propia Zona Franca.

A Cidade da Cultura lanza un programa en liña para nenos e nenas a través de xogos artísticos en familia

A Xunta de Galicia pon en marcha esta semana na Cidade da Cultura o programa Aventuras no monte das artes, unha actividade en liña que achegará ás familias contidos para que a cativada explore as súas habilidades artísticas a través de xogos e divertidos desafíos. Trátase de ofrecer recursos culturais e de lecer neste momento de confinamento e no marco da campaña da Consellería de Cultura e Turismo #aculturasegue.

As Neves intensifica os traballos de desinfección en toda a vila para reducir ao máximo as posibilidades de contaxio

O Concello das Neves segue adiante cos traballos de limpeza en todas as parroquias e no centro, de cara a reducir ao máximo a posibilidade de contaxio por COVID-19. Á labor desenvolvida para a desinfección realizada nos lugares máis transitados-coma gasolineiras, farmacias, supermercados, panaderías, bancos, parada de taxis, tendas, o Centro de Saúde, prazas ou a oficina de Correos, –ademais de todos os edificios públicos– seguiu esta pasada fin de semana a das illas e contedores do lixo, repartidos por 331 puntos das Neves.

A Deputación paraliza toda a obra pública en cumprimento do novo Real Decreto do Goberno

A Deputación de Pontevedra paralizará desde este luns toda obra pública para cumprir co novo Real Decreto Lei do Estado na loita común contra a crise sanitaria provocada polo coronavirus. A decisión foi o principal acordo da reunión do Comité de Seguimento, que se reuniu esta mañá, coa presidencia de Carmela Silva e a vicepresidencia de César Mosquera, para coñecer en profundidade o Real Decreto e tomar medidas de aplicación.

Nigrán suspende os prazos de pagamento que constan no calendario fiscal mentres dure o estado de alarma

Desde Aqualia iniciarán o periodo voluntario de pago unha vez remate o estado de alarma e inciden en que non se cortará ningún subministro, teñan ou non a condición de vulnerables

O Goberno da Guarda informa á Xunta de Portavoces das medidas adoptadas polo COVID-19

Na mañá do sábado día 28 de marzo o Salón de Plenos acolleu unha Xuntanza de Portavoces na que o alcalde, Antonio Lomba, e a tenente de alcalde, Montserrat Magallanes, deron conta das diferentes medidas adoptadas polo COVID-19 no municipio, así como todas as accións para evitar novos contaxios e para a súa prevención

COGAMI mantén contacto continuo coas persoas usuarias dos centros de recursos que ten en toda Galicia

Tralo peche forzoso dos centros de recursos pola alarma sanitaria do Coronavirus, dende a Confederación Galega de Persoas con Discapacidade (COGAMI) mantense o contacto vía telefónica e Whatsapp coas persoas usuarias. Se ben esta situación non permite o contacto presencial a Confederación está a disposición das persoas con discapacidade tanto a través do teléfono 981 574 698 como a través do mail correo@cogami.gal.

Nigrán realiza unha entrega adicional de alimentos frescos e produtos de limpeza ás familias máis vulnerables

O Concello de Nigrán emprendeu esta mañá un reparto especial a domicilio de alimentos frescos e produtos de hixiene corporal e limpeza entre medio cento de familias en situación de vulnerabilidade, acción que se complementa coa entrega a semana pasada de produtos non perecedoiros e que continuará a inicios da próxima co primeiro envío de carne fresca e iogures. Todo foi mercado en pequeno comercio local ou procede de doazóns.

A Xunta pon a disposición da cidadanía os recursos culturais online da provincia coa campaña #aculturasegue

A Xunta de Galicia, a través de todos os seus departamentos e centros dependentes da Consellería de Cultura e Turismo, propón durante este período de confinamento unha programación con abondosas actividades de lecer cultural en rede na provincia de Pontevedra. Trátase de propostas pensadas para toda a familia que poden seguirse a través da campaña #aculturasegue nos portais e redes sociais de máis dunha vintena de dotación como museos, bibliotecas ou arquivos, entre outros.

Grande acollida dos concellos ás axudas da Deputación de Pontevedra pola crise sanitaria do COVID-19

As medidas extraordinarias impulsadas esta mesma semana pola Deputación de Pontevedra para que os concellos máis pequenos da provincia puidesen dispoñer de recursos para facer fronte ao COVID-19 están a espertar unha grande acollida ás poucas horas de ser aprobadas. Deste xeito, ata as 14.00 deste venres, xa eran 40 as solicitudes de achegas provinciais dun total de 37 concellos, tanto no marco da nova liña de axudas extraordinaria, dotada con 1,3 millóns de euros, como á das axudas básicas de emerxencia.

Ponteareas reforza a desinfección diaria das rúas cun tractor atomizador

Desde a noite do pasado martes, o Concello de Ponteareas reforzou a desinfección diaria de rúas coa posta en servizo do tractor municipal de desbroces dotado cun atomizador para pulverización. O atomizador, unha sulfatadora de grandes dimensións con capacidade para 1.500 litros, foi facilitado desinteresadamente por adegas Martín Codax.

O BNG denuncia que o alcalde de Mondariz Balneario “ignora” o estado de alarma e continúa cos procedementos selectivos

O portavoz municipal do BNG no Concello de Mondariz Balneario, César Gil, Após a declaración do estado de alarma motivada pola crise sanitaria que estamos a vivir, os concellos de todo o país están esforzándose en minimizar os riscos de propagación da enfermidade, declinándose polo teletraballo e soamente realizando traballo presencial seguindo protocolos estritos de protección e coa finalidade de garantir servizos esencias.

Os Servizos Sociais das Neves amplía a 12 horas diarias o seu servizo de atención telefónica

O Concello das Neves vén de ampliar o horario de atención telefónica do seu departamento de Servizos Sociais co obxectivo de "facilitar a atención a todas aquelas veciños e veciñas que o precisen", cando enfrontamos a segunda semana de confinamento e logo de que estea previsto que este se alongue, cando menos, dúas semanas máis.

A Biblioteca de Tui prorroga os empréstitos de libros ata o fin do estado de alarma

Ante o peche da Biblioteca Municipal de Tui, como medida de actuación ante a situación actual de contención da propagación dos contaxios por coronavirus, a concellería de Cultura, que dirixe Sonsoles Vicente Solla, vén de informar dunha prórroga dos empréstito bibliotecarios. Todos os empréstito que tiñan a data de vencemento a partir do 13 de marzo quedan prorrogados ata o 30 deste mes.

A Deputación garante a “xestión segura” dos centros de compostaxe comunitaria durante a crise do COVID-19

Os centros de compostaxe comunitaria (CCC) en uso na provincia ao abeiro do Revitaliza considéranse como “xestión segura” debendo sempre manter as precaucións de uso. Así o indica hoxe a Deputación de Pontevedra nun documento no que se facilitan á cidadanía indicacións de como tratar o lixo nos domicilios durante a crise sanitaria do COVID-19.

A Guarda intensifica a desinfección de limpeza de espazos públicos

O Concello da Guarda iniciou a pasada fin de semana unha serie de desinfeccións e limpezas extraordinarias de diferentes espazos públicos e municipais para conter e previr novos contaxios polo coronavirus COVID-19. Neste senso o pasado sábado procedeuse ás limpezas e desinfeccións completas da Praza de Abastos Municipal, das instalacións da Policía Local, do GES, de Servizos Sociais, as instalacións do vello edificio do Concello, do Novo e dos vehículos municipais.

O PP de Ponteareas pide ao Concello atrasar os cobro de impostos e habilitar axudas para autónomos

O Grupo Municipal do PP rexistrou tres propostas para propoñer ao Goberno local unha serie de melloras que axuden a paliar os graves efectos económicos que carrexará o Covid-19. Estas iniciativas únense á presentada, hai uns días, na que os populares instan o alcalde Represas a actuar xa na Residencia de maiores e protexer a todos os empregados municipais.

Salceda resiste fronte ao COVID-19

Salceda de Caselas mantense ata o de agora con un único positivo entre as cartillas do seu centro de saúde. Cada dous días reúnese o comité de seguemento do COVID 19, presidido pola alcaldesa, con participación da concelleira de sanidade, o portavoz da oposición e a xefa de servizo do centro de saúde, no que se actualizan os datos da área sanitaria de Vigo e no que se establecen as medidas precisas a tomar por prevención, así como o protocolo de actuación cando xurde algún positivo no municipio.

O Rosal aproba, por unanimidade, o recoñecemento extraxudicial de crédito para pagamento a provedores

O Concello do Rosal vén de aprobar en pleno por unanimidade o expediente de recoñecemento extraxudicial de crédito, 350.000 euros que irán destinados a pagar inmediatamente a todos os provedores municipais. Con esta medida o Goberno municipal busca paliar os efectos económicos negativos que a crise sanitaria por COVID-19 poida causar en empresas, PEMES e autónomos da localidade.

Aqualia cede ao Concello de Nigrán dúas furgonetas para o reparto de alimentos

O Concello de Nigrán recibiu a semana pasada da man da xefa de Servizo de Aqualia en Nigrán, Marián Lago, a cesión de dúas furgonetas Citroën Berlingo para optimizar o reparto do servizo de axuda a persoas especialmente vulnerables ante o Covid-19 (reparto de alimentos a domicilio, menciñas, libros…). Estes vehículos, unha vez se supere esta crise sanitaria do Covid-19, se engadirán á actual frota do Servizo Municipal de Augas no Concello de Nigrán que sumará así cinco.

Protección Civil de Redondela percorre as parroquias informando á veciñanza con especial atención as persoas maiores que viven soas

Voluntarios e voluntarias de Protección Civil percorren as parroquias de Redondela para atender ás necesidades das veciñas e veciños durante a crise do COVID-19, unha labor que vai dende ofrecer información á veciñanza das medidas de protección que teñen que adoptar para evitar o contaxio, ata ocuparse especialmente daquelas persoas maiores que viven soas.

Carmela Silva salienta o “excelente traballo” do persoal do Príncipe Felipe para garantir a saúde das e dos menores

A presidenta da Deputación de Pontevedra, Carmela Silva, participou nunha nova xuntanza do Comité de Seguimento do COVID19, creado especificamente no Centro Príncipe Felipe para deseñar as medidas preventivas e de protección da saúde do alumnado e do persoal, así como para garantir o adecuado desenvolvemento psicosocial e pedagóxico dos nenos/as durante o...

Tomiño cancela a recollida de voluminosos para priorizar a desinfección de colectores es espazos públicos

O Concello de Tomiño vén de anunciar a cancelación do servizo de recollida de voluminosos co fin de intensificar a desinfección de colectores e espazos públicos de tránsito. Nestes días, tamén na xestión do lixo, se precisa a colaboración de toda a cidadanía para tirar o mínimo lixo posible e nada fora do colector correspondente.

A Guarda adopta o primeiro paquete de medidas económicas fronte a alarma do coronavirus

Ante a situación de emerxencia sanitaria provocada polo COVID-19 e a situación de declaración de estado de alarma por parte do Goberno de España, estado que alongarase, en principio, ata o 11 de abril, o Concello da Guarda vén de adoptar unha serie de medidas para afrontar a situación de crise das que se deu traslado aos diferentes grupos políticos.

O PSOE cualifica de “vergoñento” o envío da Xunta de material de autoprotección aos concellos

"Ridículo, vergoñento e insultante" son algúns dos cualificativos cos que o PSdeG-PSOE da provincia de Pontevedra cualificou o envío de material de autoprotección para os concellos da provincia de Pontevedra, realizado onte “a bombo e platillo” pola Xunta de Galicia.

Baiona pon en marcha un dispositivo de axuda ás persoas e colectivos máis vulnerables

O Concello de Baiona porá en marcha, a partir do mércores 25 de marzo, un dispositivo especial de asistencia “aos colectivos máis vulnerables”, tal e como deu a coñecer o alcalde Carlos Gómez quen, no anuncio desta iniciativa, estaba acompañado por Pedro Alonso, inspector xefe da Policía Local de Baiona e Iago Álvarez, do servizo de Protección Civil do Val Miñor.

O Centro de Saúde de Ponteareas aplica o protocolo de Triaxe ante o estado de alerta polo COVID-19

O Servizo de Atención Primaria de Ponteareas, que presta servizo a pacientes de Mondariz, As Neves, Salvaterra, Covelo e Ponteareas, vén de aplicar o protocolo de Triaxe, recibindo na porta do centro aos e ás pacientes para derivalos á zona do centro de saúde donde serán atendidos reducindo así a posibilidade de contaxios tanto entre pacientes como entre o propio persoal sanitario.

As Neves reparte mascarillas a todos os establecementos que teñen que estar abertos ao público

Como parte das medidas impulsadas dende o Goberno local das Neves para controlar a expansión do COVID-19, este pasado comezouse co reparto de mascarillas destinadas a "todos os establecementos que están abertos ao público", sinala a concelleira de Servizos Sociais, Pilar González Casas.

O Concello de Ponteareas advirte que denunciará a quen utilice os cans como excusa para pasear

O Concello de Ponteareas advertíu que a Policía Local controlará a saída de persoas con cans á vía pública logo de detectarse que algúns propietarios de mascotas as utilizan como excusa para pasear incumprindo as normas do estado de alarma. O Concello lembra que unicamente se permite circular con mascotas o tempo imprescindíbel para que realicen as súas necesidades nas proximidades do domicilio.

O Porriño habilita unha axuda extraordinaria de emerxencia social para as familias con menos recursos

O Concello do Porriño vén de habilitar unha partida orzamentaria de 20.000 euros, mediante crédito extraordinario, para que ás familias con menos recursos e as persoas con dificultades económicas poidan abastecerse de alimentos frescos e produtos de primeira necesidade. Tratase de unha acción extraordinaria motivada polo actual estado de alarma pola pandemia do coronavirus e que complementa á axuda periódica que distribue o Banco de Alimentos 'SOS Porriño'.

O servizo contra incendios inicia a desinfección do CAPD de Chapela logo de terse detectado un positivo en COVID-19

O Servizo de Prevención e Defensa contra Incendios, a instancias da Xunta de Galicia, comezou hoxe a desinfección dos exteriores do Centro de Atención a Persoas con Discapacidade (CAPD) de Redondela, no marco do operativo activado a nivel galego nas residencias de maiores, persoas con discapacidade e centros de saúde de 200 concellos galegos. Mañá mesmo unha empresa contratada pola Xunta de Galicia procederá tamén a limpeza do interior.

O Areeiro elabora unha Guía de Limpeza e Desinfección de espazos públicos para todos os concellos da provincia

A Deputación de Pontevedra está a enviar a tódolos concellos da provincia unha guía gráfica cos protocolos de limpeza, baldeo e desinfección correctos na limpeza viaria para combater a pandemia causada polo coronavirus. O documento, elaborado polos técnicos da Estación Fitopatolóxica O Areeiro, parte do protocolo publicado polo Ministerio de Sanidade e incorpora pautas e consellos moi útiles para que o persoal municipal encargado deste servizo poida realizalo coa maior eficacia

A Comisión de Seguimento do COVID-19 da Guarda intensifica as medidas para mellorar o servizo que se presta á veciñanza

A reunión da Comisión Municipal de Seguimento do COVID-19, celebrada hoxe no Salón de Plenos do Concello da Guarda, fixo unha valoración da situación dos primeiros días da crise. Logo do informe do alcalde, Antonio Lomba, os demais membros da comisión aportaron ideas para mellorar a eficiencia das medidas tomadas, e inclusive se propuxeron a adopción de novas accións "para que o concello mellore o servizo que presta a cidadáns e empresas mentres dure esta situación de confinamento pola declaración do Estado de Alarma".

Redondela reforza o servizo de a limpeza e desinfección en rúas e espazos públicos

A alcaldesa de Redondela, Digna Rivas, anunciou a posta en marcha, dende este luns, de medidas de reforzo aos equipos de hidrolimpeza e desinfección que xa viñan actuando en Redondela dende o inicio do estado de alarma. Ao servizo que funcionaba ata agora, engádese un camión de emerxencias para as rúas e prazas tanto do casco urbano coma das parroquias, e un vehículo máis pequeno que se ocupará de realizar os traballos de desinfección nas rúas secundarias.

Ponteareas limita a atención telefónica aos servizos esenciais

O Concello de Ponteareas vén de informar aos veciños e veciñas que os teléfonos de atención ao cidadán quedarán cinguidos "só aos servizos esenciais". Con esta medida o Goberno que preside Xosé Represas busca recudir "ao mínimo" a presenza de traballadores e traballadoras en dependencias ou instalacións municipais.

O CIM de Mos habilita un teléfono 24 horas para prevención da violencia de xénero durante o confinamento

O departamento municipal de Política Social atópase funcionando "a pleno rendemento", asegurou hoxe o Concello de Mos, comezando polo CIM (Centro de Información á Muller), que habilitou un teléfono de atención 24 horas, 673 069 866, aberto a todo o mundo pero orientado especialmente a extremar a protección das mulleres vítimas de violencia de xénero na actual situación de confinamento.

Arbo suspende a Festa da Lamprea pola crise do COVID-19

O Concello de Arbo vén de anunciar a suspensión da Festa da Lamprea que se tiña que celebrar do 26 ao 28 de abril por mor da crise do COVID-19, unha suspensión que supón un duro golpe á economía local xa que, como apunta o alcalde Horacio Gil, febreiro, marzo, abril e maio "marcan a tempada da lamprea en Arbo e cando máis traballan os nosos restaurantes, casa de turismo rural en todos os demais sectores relacionados co turismo de Arbo, o que supón unha perda económica moi importante para este concello".

Vila Nova de Cerveira limpa e desinfecta os espazos públicos considerados “sensibles”

A Câmara Municipal de Vila Nova de Cerveira e as Xuntas de Freguesía do concello proceden, nestes días, a accións de limpeza e desinfección profunda de rúas e espazos públicos sensibles, é dicir, aqueles nos que se da "unha maior mobilidade de persoas por necesidade de acceso a servizos e bens esenciais".

Colaboradores