31.5 C
Pontevedra
Sábado, 11 de Xullo de 2020

Tag: covid-19

O Concello de Redondela flexibiliza o pago fraccionado de taxas para facelo “máis sinxelo, áxil e eficaz”

O Concello de Redondela vén de aprobar a modificación da ordenanza reguladora da xestión de aprazamentos e fraccionamentos das taxas municipais, unha medida coa que o Goberno local busca “flexibilizar, axilizar e facer máis sinxelos os trámites para o fraccionamento” e, dese xeito, diminuír o impacto que a crise provocada pola COVID-19 poida ter entre a veciñanza.

Redondela lanza unha nova batería de axudas para Pemes, traballadoras e traballadores autónomos e pequenas empresas

O Concello de Redondela vén de anunciar o lanzamento dunha nova convocatoria de axudas, –a segunda dende que comezou a crise do coronavirus– dotada con 110.000 € e dirixida ao mantemento dos sectores económicos máis prexudicados como consecuencia da COVID-19.

A Deputación lanza a primeira aceleradora para o comercio cara a súa adaptación tecnolóxica como freo á crise da COVID-19

Impulsar a reactivación do tecido comercial da provincia trala crise sanitaria causada pola Covid19 é o obxectivo da nova aceleradora destinada ao comercio que a Deputación de Pontevedra pon en marcha desde este próximo luns mediante a transformación dixital de pequenas e medianas empresas a través do seu programa de fomento da innovación tecnolóxica empresarial SmartPeme.

O Concello de Ponteareas abre as pistas de tenis muncipais desinfectándoas para cada uso

A concelleira de Deportes do Concello de Ponteareas, Nahir Covelo, acompañada polo concelleiro de Mocidade, Miguel Bouzó, supervisou as tarefas de desinfección e limpeza realizadas nas pistas de tenis municipais co obxectivo de abrilas ao público nas mellores condicións sanitarias e de hixiene.

Tui baliza as praias de Areeiros e O Penedo e coloca paneis con informativos coas medidas preventivas da COVID-19

O Concello de Tui vén de ser o primeiro concello en balizar a súas praias neste verán. Está xa colocado o balizamento da praia de Areeiros en Guillarei e mañá acometerase o do Penedo en Caldelas, sinalizando deste xeito a zona de baño. No acceso ás praias colocáronse carteis informativos coas medidas preventivas da COVID19. Así recoméndase acceder calzado á praia, e no caso de Guillarei tamén ao pantalán.

Os socialistas de Oia piden no Pleno máis axudas a Pemes e autónomos ante a crise da COVID-19

A Casa do Concello de Oia acolleu hoxe xoves, 28 de maio, a celebración dun Pleno extraordinario a petición do Grupo Municipal Socialista e que, na orde do día, trataba das medidas encamiñadas a paliar os efectos económicos da crise do COVID-19 nas pemes e autónomos do municipio.

Redondela reforza a seguridade das dependencias municipais coa instalación de felpudos desinfectantes

As medidas de seguridade sanitaria das dependencias municipais do Concello de Redondela, veñen de ser incrementadas coa colocación, nesta semana, de felpudos desinfectantes situados nos lugares de paso obrigado de acceso público.

Bandeiras a media hasta e minuto de silencio en Redondela en lembranza das vítimas da COVID-19

Durante dez días, as bandeiras do Concello de Redondela ondearán a media hasta, en cumprimento do loito oficial que o Goberno da nación vén de decretar en lembranza de todas as vítimas da pandemia da COVID-19.

O Concello de Ponteareas inicia o pagamento das axudas directas a negocios afectados pola COVID-19

O goberno do BNG-PSOE informa que nestas primeiras semanas, dende o inicio do prazo de presentación de solicitudes, o Concello de Pontearas recibíu algo máis de 500 peticións de subvencións de 500 euros por peche de actividade ou de 300 euros por perdas superiores ao 40%. O prazo de presentación estará aberto ata 30 días despois de finalizado o estado de alarma.

O Rosal pon en marcha un programa formativo para a transformación dixital do comercio local

Bota a andar o programa formativo para a transformación estratéxica e dixital do comercio local do Rosal, unha iniciativa posta en marcha polo Concello co obxectivo de dar ferramentas ao pequeno comercio para axudalo a innovar e adaptarse a unha realidade cambiante. O programa, totalmente online e de balde, arrancará este xoves 28 co seu primeiro obradoiro virtual, centrado nas claves do comercio na era post-COVID

O Concello da Guarda ofrece información á veciñanza sobre a Fase 2 da ‘desescalada’

Tanto en Galicia como no resto do estado están mellorando cada día os datos referidos a pandemia provocada polo virus COVID-19. Isto permite ir relaxando as medidas de confinamento provocadas pola crise sanitaria. Así, Galicia entrou na fase 2 da desescalada o pasado luns 25 de maio.

Luís Bará reclama a Xunta “que apoie aos concellos do Miño” e reclame máis pasos para os traballadores transfronteirizos

“Irracional e absurda”. Así cualificou hoxe o cabeza de lista do BNG pola provincia de Pontevedra, Luís Bará, a situación que están a vivir os concellos do Miño pola existencia dun único paso na fronteira con Portugal que está a crear grandes sobrecustos económicos e de tempo ás traballadoras e traballadores transfronteirizos para acudir aos seus postos.

O Concello de Oia convoca un Pleno extraordinario “con menos quorum” a petición do grupo municipal do PSdeG-PSOE

O Concello de Oia celebrará, a petición do grupo municipal socialista, un Pleno Extraordinario que debido á imposibilidade de facerse por medios telemáticos, dos que o Concello carece, farase con "menos quorum" para permitir que concelleiros e conselleiras poidan gardar as distancias de seguridade marcadas pola situación de pandemia da COVID-19. Asi, nesa sesión extraordinaria só estarán 4 representantes do PP, 2 do PSdeG-PSOE e o concelleiro do BNG.

O Concello de Tui lembra que para a instalación de terrazas na vía pública precísase licenza municipal

A instalación de mesas e cadeiras cunha terraza na vía publica está suxeita a licenza municipal. Así o lembra o alcalde de Tui, Enrique Cabaleiro, nun bando emitido nos últimos días, onde se indica que así o recolle o artigo 42 da lei 9/2013 de emprendemento e competitividade de Galicia modificada pola lei 10/2017 de espectáculos públicos e actividades recreativas de Galicia. Aquelas terrazas que carezan de licenza deberá regularizar a súa situación e en caso contrario procederase a iniciar expediente sancionador.

O Servizo de Apoio Familiar de Tomiño traballa en rede coas familias para acompañalas no confinamento

Desde hai máis de 2 meses, debido á excepcional situación de confinamento no fogar, o Servizo de Educación e Apoio Familiar (SEAF) traballa en consecuencia para acompañar ás familias en todo o proceso e salvagardar o seu benestar, a través de varias iniciativas.

‘É Tui’ pon ao comercio local a un clic do consumidor

'É Tui' é o nome da plataforma comercial en liña que lanza o Concello de Tui para apoiar ao tecido comercial local. Trátase dunha plataforma moi visual, de imaxe atractiva, doado uso e identidade propia que marcará a diferencia do comercio tudense. Incorpora importantes novidades respecto a outras plataformas similares do mercado. Estará accesible en 4 idiomas: galego, castelán, portugués e inglés. Está previsto que comece a funcionar na primeira semana de xuño.

O Porriño entra na Fase 2 cun pórtico de control na Casa do Concello e a reincorporación do persoal municipal

A entrada en vigor da denominada Fase 2 do Plan para a transición cara a unha nova normalidade, estrouse hoxe no Porriño cun portico de control de temperatura e medidas de hixiene de obrigada utilización para todas as persoas que accedan ao interior do edificio consistorial.

A execución de proxectos vencedores OPT da Eurocidade Cerveira-Tomiño pasa ao 2021 e cancélase a edición deste ano

Ante o actual contexto de pandemia Covid-19, o Comité de Xestión Estratéxica (CXE) da Eurocidade Cerveira-Tomiño decidiu, esta semana, cancelar a próxima edición do Orzamento Participativo Transfronteirizo (OPT) Cerveira-Tomiño, e prorrogar para 2021 a execución dos proxectos vencedores do ano pasado.

Nigrán permite o acceso as súas prias ao baño “sempre que se cumpra cos requirimentos de seguridade”

O Concello de Nigrán, coincidindo coa fase 2 da desescalada, permitirá o acceso aos seus areais este luns 25 de maio sempre que se cumpran os requerimentos sanitarios esixidos, tal e como especificará en diferentes lonas informativas a pé de praia.

Arbo presenta un plan de reactivación para o turismo, comercio local e empresas fronte aos efectos da COVID-19

O Concello de Arbo estuda medidas de reactivación para o sector turístico, comercio local e empresarial de Arbo, a través dun plan de reactivación deseñado polo Goberno municipal. O alcalde, Horacio Gil, reuniuse con representantes dos distintos sectores, para presentar o Plan e abordar medidas de reactivación ante a crise sanitaria e social polo coronavirus, así como para recoller as propostas e demandas de todos os sectores de Arbo.

A Feira de Redondela reabrirá as súas portas o día 6 de xuño “con todas as medidas se seguridade precisas”

O vindeiro día 6 de xuño, a Feira de Redondela retomará a súa actividade logo dunha suspensión de case que dous meses provocada pola crise sanitaria da COVID-19 e pola declaración do estado de alarma e volverá a celebrarse, como era habitual, os días 6 e 21 de cada mes.

Agora Cañiza esixe do alcalde a adopción de medidas urxentes pola COVID-19

O voceiro de Agora Cañiza, Alexandre Iglesias, mantivo unha reunión co alcalde da Cañiza, Luís Piña, na que lle presentou un Documento de Propostas para afrontar as consecuencias económicas e sociais xeradas polo COVID-19 no municipio.

Nigrán abre o Rexistro este luns mediante cita previa e a Biblioteca só para préstamos e devolucións

O Concello de Nigrán, coincidindo coa fase 2 da desescalada, reabrirá este luns 25 de maio a Biblioteca Municipal de 9:00 a 15:00 sólo para préstamos e devolucións e o Rexistro de momento só mediante cita previa (será así mentres os prazos administrativos continúen suspendidos). As persoas que precisen acudir ao Rexistro deberán solicitar cita no 986 365 000 ou a través do mail rexistro@nigran.org.

Tui ampliará o prazo para solicitar as axudas da ARI no Conxunto histórico

O Concello de Tui vai ampliar o prazo para solicitar as axudas da ARI, Área de Rehabilitación Integral do Conxunto Histórico, que rematou inicialmente este martes, 19 de maio. Tendo en conta a declaración do estado de alarma dende o Concello decidiuse ampliar este prazo, un proceso que está agora en tramitación administrativa, co obxectivo de que poida ser maior o número de persoas propietarias de inmobles nesta zona da cidade as que se poidan beneficiar destas axudas.

O Concello de Redondela retoma a súa actividade presencial pero con cita previa

O luns 25 de maio, veciñas e veciños de Redondela poderán realizar trámites presenciais nas distintas dependencias do Concello, aínda que terán que facelo solicitando cita previa no teléfono 986 400 300, onde se lles indicará a data e hora e as recomendacións de seguridade a seguir.

Un grupo adegueiro do Rosal doa 2.000 máscaras cirúrxicas ao Concello

O tecido asociativo, veciñal e empresarial do Rosal continúa a dar mostras da súa enorme solidariedade. O grupo adegueiro Méndez-Rojo, que conta con novas instalacións no municipio rosaleiro, acaba de doar 2.000 máscaras cirúrxicas ao Concello. Trátase de máscaras dun so uso que teñen función preventiva que cun uso correcto permite evitar que a persoa que a leva posta poida contaxiar á xente da súa contorna.

Nigrán bonificará o 75 % do imposto de terrazas e flexibilizará a súa ampliación

O alcalde de Nigrán, Juan González, asinou co presidente da asociación de empresarios Ovalmi, José Luis Froiz, un convenio de colaboración para que desde o Concello se bonifique o 75 % da taxa de terrazas e, ao mesmo tempo, se sexa flexible de cara a sua ampliación.

ACiP urxe ao Goberno local a crear novos aparcadoiros públicos gratuítos

Alternativa Ciudadana de Ponteareas, a través do seu portavoz, Juan Carlos González Carrera, vén de demandar ao Goberno local que as instalacións do Colexio Virxe dos Remedios "sexan destinadas, de maneira provisional, a aparcamento gratuíto para vehículos" e lembra que, amais "de reunir condicións" xa foi utilizado en anos anteriores a este fin "en épocas puntuais".

A presión do Goberno local e da veciñanza das Neves logra que Abanca volva a abrir de luns a venres

A oficina de Abanca nas neves abrirá as súas portas de luns a venres a partir do luns día 25. Logo das presións do Goberno local e da veciñanza, a entidade bancaria atenderá ao público os cinco días da semana de 8 horas a 14:15 horas, nun horario que era o habitual antes da declaración do estado de alarma e, ademáis, volverá a contar con dúas persoas na sucursal.

Nigrán realiza un reparto adicional de alimentos cárnicos e produtos de limpeza entre 78 familias vulnerables

O Concello de Nigrán realizou entre onte e hoxe un novo reparto de alimentos adquiridos no pequeno comercio local para paliar os efectos socioeconómicos do Covid-19 en 78 familias do municipio, 57 máis que antes do inicio da crise sanitaria. A achega desta ocasión constou de alimentos cárnicos (491 € en polo enteiro e peitugas e 191 € de lombo de porco mercados a prezo de custe na carnicería Óscar de Panxón) e 1.020 € en produtos de limpeza e hixiene da tenda a granel 4Eco de Nigrán e Chevere de A Ramallosa.

O Pleno de Ponteareas aproba, por unanimidade, modificar o orzamento para paliar os efectos da COVID-19

O Concello de Ponteareas aprobou este luns por unanimidade a modificación do orzamento por un importe de 1.137.000 euros, dos que máis de 650.000 € teñen como finalidade intentar paliar os efectos da crisis sanitaria do coronavirus no Concello. Este foi o segundo punto da orde do día da sesión extraordinaria e urxente celebrada onte, sendo o primeiro pleno virtual da historia de Ponteareas, utilizando o sistema telemático que permite a realización de Plenos, Comisións e Xuntas de Goberno Local non presenciais.

Redondela aposta pola celebración dunha Festa da Coca “distinta e participativa” ante as restricións pola COVID-19

A Festa da Coca, unha das celebracións de máis sona do municipio de Redondela e un dos seus “símbolos de identidade”, estará marcada nesta edición do 2020, polas restricións impostas pola pandemia da COVID-19, situación que non impedirá que o municipio viva esta celebración “dun xeito diferente e, ao mesmo tempo, máis participativo”, sinala o Goberno redondelán.

COGAMI presta apoio a máis de 500 persoas sobre como proceder ante o COVID-19

A Confederación Galega de Persoas con Discapacidade de Galicia (COGAMI) amosou hoxe a súa preocupación ante a situación de vulnerabilidade na que poden quedar moitas das persoas con discapacidade e familias tralas medidas de illamento decretadas, o peche de centros ocupacionais, de día, sociais, educativos e a práctica desaparición das súas redes de apoio.

Alcaldesas e alcaldes do Baixo Miño reclaman a apertura das fronteiras con todos os medios de control e seguridade precisos

As alcaldesas e alcaldes do Rosal, Tomiño, Tui e A Guarda mantiveron unha nova reunión virtual esta semana no marco da Mancomunidade Intermunicipal do Baixo Miño para analizar o efecto que ten nestes catro municipios o peche das fronteiras entre España e Portugal, concellos cun alto número de traballadoras e traballadores que cada día deben cruzar o Miño para acudir ao seu posto no país veciño.

O Concello de Salceda reabre as súas portas con tódalas medidas de seguridade

A Casa do Concello de Salceda e a Casa da Cultura Castelao volven abrir as súas portas ao público este xoves 21 de maio, unha vez que se conte con tódalas medidas de seguridade precisas tanto para salvagardar o cadro de persoal como a veciñanza. En ámbolos dous edificios só se atenderá con cita previa, que se pode solicitar a través de teléfono ou empregando a sede electrónica.

Un taller de costura do Rosal confecciona 1.000 máscaras hixiénicas reutilizables

Voluntarios de Protección Civil distribuirá as máscaras entre o comercio local, que será o encargado de repartilas entre á veciñanza O Concello do Rosal colabora con costureiras rosaleiras e co comercio local para repartir 1.000 mascarillas hixiénicas reutilizables entre a veciñanza. Varias costureiras foron as encargadas de confeccionar estas máscaras no taller de María Araújo en Viso dos Eidos.

Salceda de Caselas recupera a normalidade comercial

O Concello de Salceda de Caselas, xunto coas dúas asociacións de comerciantes existentes no municipio, veñen de facer unha valoración positiva da primeira semana de apertura de comercio minorista e terrazas. O maior movemento notouse, sen dúbida, no casco urbano, pero noutras zonas comerciais como a da Tabernanova tamén se empeza a notar esa volta á nova normalidade pouco a pouco.

A Deputación amplía o seu apoio aos concellos cun novo servizo da súa plataforma informática: a cita previa para atención cidadá

A Deputación de Pontevedra continúa a mellorar a súa Plataforma Informática para ofrecer novos servizos aos 53 concellos da provincia e tres mancomunidades que están adheridos á administración electrónica para que poidan dar resposta ás novas necesidades de xestión municipal derivadas do COVID-19.

A Concellería de Emprego do Porriño realiza unha sondaxe para coñecer as necesidades de empresas e autónomos

O Concello do Porriño está a realizar unha sondaxe entre empresas e autónomos porriñeses para coñecer as súas demandas de axuda para reiniciar a a súa actividade económica "e polo tanto para axudarnos a definir que tipo de axudas pode prestar a administración municipal dentro das súas competencias", explica David Alonso, concelleiro responsable de Emprego.

A Feira Semanal de Vila Nova de Cerveira reanuda a súa actividade cun plan de continxencia que prima a seguridade

A CIM Alto Miño consensuou, este luns, o reinicio da actividade das feiras en todos os concellos do distrito a partir do día 25 de maio, unha vez que o Goberno luso incluíu este sector na 2ª fase do plan de desconfinamento da Covid-19. Con todo, este regreso vén marcado por un conxunto de medidas restritivas plasmadas nun plan de continxencia.

Colaboradores