Tag: aucosa
Redondela remite o resultado da análise do verquido de maio á Xunta que apunta a Aucosa
O departamento de Medio Ambiente do Concello de Redondela enviou á dirección xeral de Cambio Climático da Xunta de Galicia, á de Gandería e a Augas de Galicia sendas copias co resultado do informe analítico do verquido detectado nas inmediacións da ponte de Rande o pasado 26 de maio.
Os informes do axente medioambiental de Redondela apuntan a que a vertedura á ría do día 26 tivo a súa orixe en Aucosa
No día de onte a ría de Vigo sufriu unha nova industrial no litoral de Redondela a altura de Cabanas. Segundo informa á Concellería de Medio Ambiente que xestiona Roberto Villar, sobre as 15:27 horas o axente de medio ambiente do Concello foi alertado por unha veciña de Cabanas e pola central da policía local da existencia dunha mancha de grandes dimensións na ría á altura da praia de Cabanas.
O Concello de Redondela acusa á Xunta de inacción ante os reiterados incumprimentos de Aucosa para poñer fin aos malos cheiros
A alcaldesa de Redondela, Digna Rivas, e o concelleiro de Medio Ambiente, Roberto Villas anunciaron hoxe a remisión á Xunta de Galicia dun oficio no que se detallan polo miúdo, os reiterados incumprimentos de Aucosa á hora de acometer obras que rematen cos malos cheiros que afectan “gravemente á calidade de vida dos veciños e veciñas”.
O Goberno local estuda cos servizos xurídicos do Concello as medidas a adoptar para poñer fin ao problema medioambiental provocado por Aucosa
Os servizos xurídicos do Concello de Redondela, trala reunión mantida coa alcaldesa Digna Rivas e co concelleiro de Medio Ambiente, Roberto Villar, estudan as actuacións a desenvolver para obrigar a que o organismo competente en materia ambiental, neste caso a Dirección Xeral de Ambiental, Sostibilidade e Cambio Climático, “actúe e leve a cabo as medidas oportunas para o cese dos malos cheiros provocados pola empresa Aucosa”.
O Concello insta a Xunta de Galicia a paralización dan entrada de materia prima na planta de Aucosa
O Concello de Redondela vén de pedir á Xunta de Galicia que paralice a entrada de materia prima na planta de Aucosa mentres non se teñan rematadas as obras de acondicionamento que eviten os malos cheiros e as verteduras como a constatada o pasado día 24 de novembro polo policía local de medio ambiente que acudiu atendendo unha chamada da veciñanza dando conta da circunstancia.
A Xunta intervén no problema de Aucosa grazas á presión veciñal e ao traballo do Goberno de Redondela
A Xunta de Galicia, a través da Dirección Xeral de Calidade Ambiental, comunicou esta mañá ao Concello de Redondela, a decisión de suspender temporalmente a entrada de materia prima na planta de Aucosa ata que non estean instalados os novos equipos que eliminen o problema dos malos cheiros denunciados, reiteradamente dende hai máis dun ano, tanto por parte dos veciños e veciñas coma do Concello de Redondela.
O Goberno de Redondela paralizará a obra da instalación de gas licuado de Aucosa “ao non estar incluída na licencia solicitada pola empresa”
O Goberno de Redondela lanzou hoxe unha mensaxe de tranquilidade á veciñanza de Cabanas, Rande e Chapela ante a alerta ocasionada polas obras de construción dunha instalación de gas licuado nos terreos da empresa Aucosa, traballos “que non figuraban na licencia solicitada pola empresa” e, en consecuencia, o Concello “adoptará medidas de restauración da legalidade urbanística”.
O Goberno de Redondela lamenta que a Xunta ignore á veciñanza co problema de Aucosa
O Goberno de Redondela cualificou hoxe de “incomprensible” que a Xunta de Galicia “dea as costas e ignore á veciñanza” no problema medioambiental que supoñen os cheiros provocados pola empresa auxiliar conserveira Aucosa, que procesa restos de peixe para a súa transformación en pensos.
Redondela esixe á Xunta unha “reunión urxente” para tratar o problema de Aucosa
A alcaldesa de Redondela, Digna Rivas, e o concelleiro de Medio Ambiente, Roberto Villar, mantiveron unha xuntanza na mañá do venres coa veciñanza de Cabanas e Chapela que reclama o traslado de Aucosa, empresa dedicada á transformación de derivados do peixe, a un polígono industrial xa que, ao entender de afectados e afectadas, o planeamento vixente en Redondela só permite o establecemento de “industrias limpas” nesa zona limítrofe coa Rede Natura 2000.
LIBROS
A pegada de «Ronsel»
A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.
Dores Tembrás, «Enxertos»
A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades
Queridos Reis Magos…
Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.