26.8 C
Pontevedra
Venres, 29 de Maio de 2020

Tag: a guarda

Obras na rúa Galicia da Guarda, un paso máis na accesibilidade e mobilidade peonil

O Concello da Guarda deu inicio, esta semana, ás obras dunha das 'Áreas de Actuación' comprendidas no 'Plan de mellora da Accesibilidade na vila da Guarda' que abarca o treito da rúa Galicia comprendido entre o cruce con República Dominicana e o cruce con Concepción Arenal.

O Goberno da Guarda acusa ao BNG de “desinformar á cidadanía” para “descalifiar ao alcalde e ao equipo de Goberno”

O Goberno da Guarda vén de amosar públicamente o seu malestar pola difusión, por parte do BNG, de noticias que "dado que non se pode demostrar a súa veracidade, máis parecen orientadas a descalificar ao goberno municipal que a informar aos cidadáns", asegura o executivo que preside Antonio Lomba.

A veciñanza da Guarda valora positivamente o anteproxecto de senda de cirvunvalación ao monte Santa Trega

No acto, aberto a toda a cidadanía, participaron preto de 80 veciños e veciñas e o alcalde da Guarda, Antonio Lomba, estivo acompañado polo concelleiro de Infraestruturas e Mobilidade, Miguel Español, e a técnica responsable da empresa que redactou este anteproxecto. Lomba explicou aos asistentes as características da proposta para a Senda de Circunvalación ao Monte Santa Trega, cunha valoración moi positiva deste anteproxecto por parte dos alí presentes.

Instituto Social da Marina e Capitanía Marítima confirman o mantemento dos seus servizos na Guarda

O alcalde da Guarda, Antonio Lomba, reuniuse con representantes tanto do Instituto Social da Marina coma da Capitanía Marítima diante "da alarma provocada polo BNG guardés nos medios de comunicación denunciando o peche das oficinas".

Amplo programa de actividades na Guarda con motivo do Día Internacional da Muller

A Guarda conmemora o Día Internacional da Muller 2020 con diversas actividades nas que se inclúen un programa de Cinema da Muller con 3 proxeccións, un obradoiro de biodanza e unha concentración reivindicativa. O Centro Cultural da Guarda será o escenario para as tres proxeccións do programa de Cinema da Muller, os días 6 de marzo, 20 de marzo e 3 de abril, todas as proxeccións contarán cunha charla coloquio previa ás 20:00 h e posterior proxección ás 21:00 h.

A Guarda conmemora o ‘Día de Rosalía’ cun recital poético

Como en anos anteriores, A Guarda ten moi presente a figura de Rosalía concentrando diferentes actividades abertas á participación cidadá para recordar a súa figura en torno a data de conmemoración do seu 183 aniversario, o 24 de febreiro. A Casa dos Alonso acolleu este luns día 24 de febreiro un Recital de Poemas

A Guarda aumenta o número de prazas de estacionamento disuasorio

O pasado xoves día 20 de febreiro o Alcalde da Guarda, Antonio Lomba e o representante da Inmobiliaria LaGuardia S.A., José Luis Moreira Carrero, asinaron un convenio de cesión de uso da parcela do antigo estadio do Trega, situada no centro da Guarda e que conta cunha superficie total de 10.900 m2.

A Guarda da a benvida ao Entroido cun espectacular ‘desfile dos coles’

A programación do Entroido 2020 na Guarda arrancaba na mañá deste venres día 21 de febreiro co tradicional Desfile dos Colexios da vila, no que participaron a case totalidade dos alumnos e alumnas dos centro educativos, cun percorrido polo casco urbano, onde luciron os sempre espectaculares e coloridos disfraces de entroido.

A Guarda mellorará a contorna dos colectores soterrados para limitar o seu impacto visual

O Concello da Guarda procederá ao acondicionamento da contorna dos contedores soterrados do porto da Guarda de cara a limitar o impacto visual dos mesmos dende a zona peonil e de terrazas, á vez que se mellora o sistema de recollida por parte dos operarios. O proxecto inclúe a ampliación do muro existente cun banco corrido das mesmas características, incorporando un respaldo de madeira tropical.

O ‘desfile dos coles’ da a benvida ao Entroido 2020 da Guarda

A Concellería de Cultura e a Concellería de Turismo do Concello da Guarda preparan unha animada e divertida programación para este Entroido 2020 con actividades para todas as idades e que arranca xa na xornada deste venres día 21 de febreiro co tradicional Desfile dos Colexios da vila.

«Falemos do Camiño» achega o legado do Camiño Portugués da Costa á Guarda

O pasado sábado día 15 de febreiro realizouse na Guarda a segunda das actividades do proxecto “O Camiño Aguárdate”, coa que o concello participa no programa O Teu Xacobeo da Xunta de Galicia. Consistiu nunha andaina guiada entre A Pasaxe, punto de entrada dos peregrinos en Galicia no Camiño Portugués da Costa, e a Praza da Guía, no casco urbano do municipio.

A Guarda homenaxea aos seus e súas deportistas na XIII Gala do Deporte

O Centro Cultural da Guarda acolleu o pasado venres día 14 de febreiro de 2020 a XIII edición da Gala do Deporte, un evento que estivo presentado polo xornalista Terio Carrera. Neste evento recoñecéronse os diferentes logros e méritos deportivos acadados durante o pasado ano polos deportistas, os clubs e as entidades deportivas da Guarda, poñendo así en valor o traballo, esforzo e compromiso das numerosas persoas que forman parte do ámbito deportivo local.

O comercio da Guarda estuda as oportunidades que ofrece o Camiño Portugués pola Costa

O pasado mércores día 12 de febreiro, e promovida polas Concellerías de Turismo e Deenvolvemento Rural, tivo lugar na Guarda unha reunión dirixida ao comercio para estudar as oportunidades de negocio que ofrece o Camiño Portugués pola Costa, tanto polo seu crecemento exponencial coma coa vista posta na celebración do Xacobeo 2021.

Comezan os traballos para a mellora de accesos á Praia do Muíño na Guarda

O pasado luns día 10 de febrero de 2020 iniciáronse os traballos para o acondicionamento dos accesos á praia de O Muíño, porta do espazo natural protexido do Esteiro do Río Miño. O alcalde da Guarda, Antonio Lomba e o deputado de Cooperación Transfronteiriza e director do AECT Rio Minho, Uxío Benítez, visitaron o inicio dos traballos acompañados pola concelleira de Patrimonio, Montserrat Magallanes, o concelleiro de Vías e Obras, Miguel Español, así coma representantes da empresa adxudicataria e a arquitecta que deseñou este proxecto.

Comeza o acondicionamento do acceso a praia do Muíño na Guarda ao abeiro do proxecto «Visit Rio Minho»

O deputado de Cooperación Transfronteiriza e director do AECT Rio Minho, Uxío Benítez, anunciou hoxe o inicio das obras de acondicionamento do acceso á praia guardesa de O Muíño, porta do espazo natural protexido do Esteiro do Río Miño, durante unha visita a este enclave onde estivo acompañado polo alcalde da Guarda, Antonio Lomba.

A Guarda percorre a vida de Rosalía de Castro a través das fotografías de Xurxo Lobato

A Casa dos Alonso acolleu o pasado sábado o acto de inauguración da Exposición 'Airiños aires, Rosalía' unha mostra na que a través das fotografías e Xurxo Lobato, faise un percorrido pola vida e obra da poetisa. No acto inaugural contouse coa presenza de Xurxo Lobato e Anxo Angueira, presidente da Fundación Rosalía de Castro, así coma o alcalde da Guarda, Antonio Lomba, a concelleira de Cultura, Montserrat Magallanes e máis de medio cento de asistentes.

A Guarda e Povoa de Varzím inician os trámites para o irmandamento entre os dous municipios

O Concello da Guarda e a Câmara Municipal de Póvoa de Varzím comezaron a dar, este pasado mercores, os primeiros pasos do irmandamento entre ámbalas dúas localidades ou o que é o mesmo, facer oficial un sentimento de proximidade e vinculación existente dende hai anos, de xeito 'non oficial', entre as poboacións das dúas localidades.

Unha andaina guiada amosa a pegada xadobea no Camiño de Santiago na Guarda

O vindeiro sábado día 15 de febreiro terá lugar na Guarda a segunda das actividades do proxecto 'O Camiño Aguárdate', coa que o concello participa no programa O Teu Xacobeo da Xunta de Galicia. A finalidade deste proxecto é divulgar os valores do camiño entre a poboación local e buscar un maior achegamento entre estes e os peregrinos.

O Camiño Portugués pola Costa confírmase como a ruta Xacobea de maior crecemento

A Oficina do Peregrino, encargada da elaboración das estatísticas das e dos peregrinos que se achegan as súas instalacións para acadar a Compostelá ou o diploma que acredita a peregrinación ata Santiago de Compostela, vén de confirmar o espectacular crecemento do Camiño Portugués pola Costa que pechou o 2019 con 22.291 peregrinos, o que supón un incremento dun 61% respecto ao 2018 (13.841 persoas).

A Guarda abre a inscrición para acudir á manifestación en defensa da sanidade pública

Despois da aprobación por parte da Corporación guardesa no pleno celebrado o venres 31 de xaneiro, o Concello da Guarda porá autobuses a disposición da cidadanía para asistir á manifestación. Dende este luns todos os veciños e veciñas interesados en asistir a dita concentración, poden acudir á Alcaldía ou chamar ao 986 610 000 (Alcaldía) para reservar á súa praza para o autocar que os levará a Santiago de Compostela na mañá deste domingo día 9 de febreiro.

O Concello da Guarda apoia a manifestación en defensa da sanidade pública do 9 de febreiro

A Corporación Municipal guardesa aprobou por unanimidade, no pleno celebrado o venres 31 de xaneiro, unha proposta da xunta de portavoces para apoiar a mobilización que terá lugar en Santiago o día 9 de febreiro ás 12 da mañá. A corporación quere así reivindicar melloras no seu centro de saúde e por extensión na sanidade pública. O Concello da Guarda porá autobuses a disposición da cidadanía para asistir á manifestación.

Case que toda a poboación da Guarda terá acceso á fibra óptica antes do remate do 2021

O Plan de Banda Larga 2020 está a promover no concello da Guarda os despregamentos de redes ultrarrápidas de acceso a Internet, que permitirán dispor de fibra óptica nos principais núcleos de poboación do municipio.

Concello da Guarda e Xunta reúnense para avanzar na mellora das instalacións deportivas do municipio

O alcalde da Guarda, Antonio Lomba e a concelleira de Deportes, Montserrat Magallanes, mantiveron na tarde deste venres 31 de xaneiro na sede da Casa do Deporte da Xunta de Galicia en Vigo, unha reunión co secretario xeral para o Deporte, José Ramón Lete Lasa e o xefe do servizo de Deportes de Pontevedra, Daniel Benavides Alonso de cara a trasladarlles as demandas existentes sobre o Pavillón Municipal de Deportes da Sangriña na Guarda, valorando a necesidade dunha reforma e ampliación.

O comercio da Guarda satisfeito pola Campaña de Nadal

Unha vintena de comerciantes da Guarda, xunto con representantes das asociacións de empresarios ACIGU e Marcaguarda, participaron o mércores nunha xuntanza convocada polo departamento de Desenvolvemeno Local, que xestiona Fátima Rodríguez, de cara a analizar os resultados da Campaña de Nadal.

Medio cento de persoas participan na Guarda na andaina e reforestación de «O Camiño Aguárdate»

A pasada fin de semana realizouse na Guarda a primeira das actividades do proxecto 'O Camiño Aguárdate', coa que o concello guardés participa no programa O Teu Xacobeo da Xunta de Galicia e na que participaron máis de 50 persoas, tanto a veciños da Guarda, como da contorna, que fixeron un roteiro polo Camiño Portugués da Costa e plantaron especies autóctonas en terreos da Comunidade de Montes de Camposancos.

O Club Remo «Robaleira» quenta motores para a tempada 2020

O Club remo Robaleira vén de celebrar o pasado sábado a presentación da Tempada 2020. Xunto a deportistas, familiares, amigos e patrocinadores/colaboradores, o Club fixo un pequeno repaso das categorías coas que se conta para esta vindeira tempada.

A Guarda segue a reclamar un futuro para o seu porto

O antigo local da confraría de pescadores da Guarda acolleu, este pasado venres 24 de xaneiro, unha reunión informativa na que estaban presentes todas as asociacións que reclaman un futuro para o porto guardés. O alcalde Antonio Lomba e os membros da Comisión de Seguimento –Confraría de Pescadores, Piuerio, ORPAGU e Alagua), informaron sobre o contido da reunión mantida en Santiago, o pasado 15 de xaneiro, coa Conselleira do Mar, Rosa Quintana e a presidenta de Portos, Susana Lenguas.

A “pasividade” da Xunta obriga á Guarda a redactar un anteproxecto para a circunvalación ao Santa Trega

O Concello da Guarda vén de anunciar o encargo da redacción dun anteproxecto de ancheamento da calzada da PO-552, –vía que circunvala o monte Santa Trega– e para dotala dunha senda peonil e un carril bici. O encargo do Concello guardés prodúcese, logo da "pasividade" da Consellería de Infraestruturas e Mobilidade, organismo ante o que a Alcaldía da Guarda fixo reiteradas xestións sen que houbera resposta.

Veciños e veciñas esixen o seu dereito a entrar na Comunidade de Montes da Guarda

A Plataforma de Afectados e afectadas pola Comunidade de Montes da Guarda, vén de dar conta das actuacións que están a desenvolver para exercer o seu dereito e solicitar a sua alta como comuneiros, na antedita Comunidade xa que, aseguran, "o monte é de todos e todas...

Antonio Lomba: “Concepción Arenal funciona como nós a concibimos, un lugar para estar e convivir”

Ten a costume Antonio Lomba, pouco dada as veces na denominada clase política, de falar claro e chamarlles as cousas polo seu nome. Comedido nas súas formas, ás veces non o é tanto no fondo o que lle ten levado a discrepar con propios e estraños porque como ten repetido en máis dunha ocasión, defender os intereses das veciñas e veciños, “ten que ser a primeira prioridade dun alcalde”.

A nova Escola Infantil da Guarda, máis preto de facerse realidade logo de anos de xestións municipais

Despois de anos de xestións do alcalde da Guarda, Antonio Lomba e de miles de quilómetros en viaxes a Santiago, acompañado, a maioría das veces, pola anterior concelleira de Servizos Sociais, Tere Vicente, a construción da nova Escola Infantil da Guarda plasmarase na sinatura dun convenio entre a Xunta e o concello en próximas datas.

A Guarda amosará o seu potencial turístico na 40 edición de Fitur

Un ano máis, o Concello da Guarda estará presente na Feira Internacional de Turismo de Madrid (FITUR), unha das grandes citas europeas en materia turística, para dar a coñecer todo o seu potencial. A Guarda promocionarase no stand de Turismo de Galicia do 22 ao 26 de xaneiro. O mércores 22 de xaneiro participará na presentación oficial do Xeodestino Ría de Vigo Baixo Miño co seu primeiro produto coa temática 'Benvidos ao primeiro reino medieval de Europa'.

A Guarda pide á Consellería do Mar un futuro para o seu porto

O mércores 15 de xaneiro do 2020 representantes das asociacións guardesas, ORPAGU, Piueiro, Alagua e Confraría de Pescadores, encabezados polo alcalde, Antonio Lomba, mantiveron unha reunión en Santiago coa conselleira do Mar, Rosa Quintana, e a presidenta de Portos de Galicia, Susana Lenguas, para trasladarlle as demandas da cidadanía guardesa, en relación ao futuro do porto, expresadas a través das súas asociacións.

Unha avaría obriga a suspender temporalmente o servizo de ferry entre A Guarda e Caminha

Dende a tarde deste mércores día 15 de xaneiro unha avaría obriga a cancelar as viaxes do Ferry Boat que comunica A Guarda e Caminha. A previsión é que se resolva a incidencia na xornada do venres 17 e se recupere a normalidade no servizo.

O Goberno da Guarda denuncia que o PP «intenta estrangular a xestión municipal»

O Concello da Guarda celebrou, ounte, 14 de xaneiro de 2020, un Pleno extraordinario co fin de aprobar a Conta Xeral do ano 2018 como estipula a lei. A conta xeral, segundo o Goberno local, "cumpre todos os requisitos para a súa presentación e aprobación no pleno, como son: o dictame da Comisión de Contas e a exposición publica da mesma, (sen que ninguén fixese alegacións) ademais de contar co informe favorable de intervención".

O Concello da Guarda convoca unha reunión co comercio local para valorar a Campaña de Nadal

A Concellería de Desenvolvemento Local da Guarda vén de convocar unha reunión co sector do comercio local de cara a facer unha análise da pasada Campaña de Nadal 2019/2020. Neste encontro tamén terán cabida as proposta e ideas que permitan perfilar futuras liñas de actuación de cara á dinamización comercial durante esta e as vindeiras anualidades.

A Guarda convídache a coñecer o Camiño de Santiago plantando unha árbore autóctona

O fin de semana do 25 e 26 de xaneiro terá lugar a primeira das actividades do proxecto 'O Camiño Aguárdate', coa que o concello guardés participa no programa 'O Teu Xacobeo' da Xunta de Galicia. A finalidade do proxecto é divulgar os valores do camiño entre a poboación local e buscar un maior achegamento entre estes e os peregrinos.

Curso de «Elaboración artesanal de ungüentos naturais» na Guarda

A Guarda acollerá, os días 3 e 4 de febreiro, un curso de 'Elaboración artesanal de ungüentos naturais' que se desenvolverá entre as 16:30 horas e as 20:30 horas. As xornadas son de balde e a inscrición farase a través da web www.eurural.org, dirixíndose ao apartado denominado Escola.

«Igual a nós», actividade de dinamización en igualdade, chega á Guarda

A Secretaría Xeral de Igualdade, en colaboración coa Consellería de Política Social, están levando a cabo por diferentes provincias de Galicia, xornadas para a prevención e sensibilización sobre igualdade e violencia de xénero, denominadas 'Igual a Nós' e orientadas principalmente a mulleres maiores.

A Guarda pecha este domingo a Programación de Nadal

Este domingo, 12 de xaneiro, A Guarda pechará oficialmente a programación e actividades do Nadal 2019/2020 co apagado do alumeado e o peche da Pista de Xeo da Alameda. Malia que inicialmente as previsións era manter a pista en funcionamento ata o vindeiro día 19 de xaneiro, a empresa que xestiona a mesma optou por adiantar o seu peche ante a baixa afluencia de público.

Colaboradores