11.6 C
Pontevedra
Martes, 19 de Marzo de 2024
Máis
    HomeO CondadoSalvaterra de MiñoSalvaterra abre a inscrición para os Cursos/Cata da Festa do Viño do...

    Salvaterra abre a inscrición para os Cursos/Cata da Festa do Viño do Condado do Tea

    Salvaterra de Miño vive, estas datas, inmersa nos preparativos da Festa do Viño do Condado do Tea que, con esta, chega a súa 60 edición. Dentro da programación desta festa, o Concello vén de abrir a inscrición para as catas comentadas que, cada ano, contan cun maior número de seguidores.

    As catas comezarán o luns 19 de agosto, cunha cata comentada de Viños Brancos da DO Rías Baixas. O martes 20 a cata comentada estará dirixida aos Viños Brancos das DO Galegas e o curso/cata rematará o mércores 21 de agosto coa cata comentada de Viños Brancos e Tintos da Subzona do Condado do Tea incluída na DO Rías Baixas.

    Para participar é preciso inscribirse, xa que as prazas son limitadas, e a inscrición pode facerse a través do teléfono 986 658 126 ou no enderezo de correo electrónico animacion@concellodesalvaterra.com.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.