As Neves

As neves remata a reposición da sinalización en diferentes localizacións da vila

A área panorámica do monte de San Nomedio, e as entradas nas Neves que veñen de Arbo, Salvaterra, Ponteareas e Vilasobroso contan xa con novos sinais, logo de que o Concello rematara, con cargo a fondos dunha achega da Deputación, a reposición de sinalización en diversos lugares. Do mesmo xeito, e de cara a impulsar o ámbito turístico, hai xa sinalización do Sendeiro dos Frades e o Camiño dos Pescadores e, en relación con este último, está en marcha o proxecto para a indicación da ‘Ruta Circular’ do camiño nas parroquias e dentro das Neves.

Marcelino Couto aposta por "reorientar as prioridades" do Concello das Neves para a veciñanza

“Temos que reorientar as prioridades do Concello para a veciñanza” afirmou Marcelino Couto na súa presentación, este martes e ante a veciñanza das Neves, como o candidato socialista á alcaldía nas próximas eleccións de maio. “Os últimos catro anos de cogoberno non foron fáciles”, asegurou Couto ante un salón dun restaurante da vila cheo ata os topes, facendo mención aos incendios e riadas que sufriu a vila.

O alcalde das Neves expoñerá en Bruxelas a realidade da proliferación do eucalipto

O alcalde das Neves, Xosé M. Rodríguez Méndez, viaxa este xoves a Bruxelas para manter unha entrevista con Karmenu Wella, número dous da Comisaría de Medio Ambiente, e coa directora de Coordinación de Cambio climático. Rodríguez Méndez, acude á capital europea xunto cos rexedores de Baños de Molgas, Rianxo e Ribadeo, ademais de voceiros de diferentes plataformas ambientais galegas.

O BNG das Neves á procura dunha maioría que permita realizar proxectos de futuro

O Bloque Nacionalista Galego das Neves tentará acadar o apoio suficiente das veciñas e veciños para poder levar adiante os proxectos que permitan o desenrolo da "nosa vila”, segundo sinalaba o alcalde e candidato á reelección pola forza nacionalista, Xosé Manuel Rodríguez Méndez quen aseguraba que "este é o obxectivo dos homes e mulleres que forman parte da candidatura do BNG para as vindeiras Eleccións Municipais".

As Neves consegue que a Xunta poña solución ao xiro no cruce de Setados

O Concello das Neves vén de conseguir que a Xunta de Galicia poña solución ao xiro no cruce da PO-400 na parroquia de Setados, cambiando a sinalización horizontal, mellorando a visibilidade e reforzando a seguridade. As xestións feitas polo Goberno local das Neves diante da Consellería de Infraestruturas e Mobilidade, deron resultado.

Suscribirse a este canal RSS