Porriño 2017

O Porriño

O Porriño adquire un local para aula da UNED

O Concello de Porriño vén de adquirir esta semana un local de 260 metros cadrados na rúa Fernández López, nº 2 para radicar a aula da UNED nesta vila, dando cumprimento ó acordó plenario adoptado pola Corporación Municipal en maio de 2018. Pola súa banda, o Partido Popular cualificou de "arbitraria" a adquisición deste local comercial por máis de 276.000 euros, cando, sinala o seu portavoz e candidato á alcaldía, Alejandro Lorenzo, "existen outros locais que reunirían as condicións requiridas pola UNED, incluso o Concello dispón de instalacións que poderían ser acondicionadas a tal fin".

Eva García nega a "desatención" que denuncian os afectados polas canteiras de Atios

A alcaldesa do Porriño, Eva García de la Torre, lembrou que o Concello do Porriño "ten intermediado entre os afectados das canteiras de Atios e a firma Pocasa mediante senllas reunión que recentemente mantivo a propia alcaldesa ámbalas dúas partes na Casa do Concello". De la Torre nega, polo tanto, “a suposta desatención que denuncian os veciños de Atios”, un dos motivos que os afectados alegan coma un dos motivos para próximas movilizacions.

A veciñanza de Atios mobilízase contra os danos das canteiras

A Asociación de Afectados polas Canteiras de Vilafría e do Carbón vén de convocar a todos os veciños e veciñas de Atios a unha mobilización, o vindeiro domingo día 21, ás 12:00 hs., en protesta por como se está levando a cabo a restauración da canteira de Vilafría e para reclamar o pago das indemnizacións "que a industria do granito lle adebeda aos veciños polos danos causados nas súas vivendas", aseguran os convocantes.

O Centro Cultural do Porriño acollerá a exposición de fotografías de Ruth Matilda Anderson

A alcaldesa do Porriño, Eva García de la Torre e Paloma Vela, coordinadora adxunta da Área de Cultura de 'Afundación', Obra Social de Abanca, suscribiron este venres o convenio de colaboración que posibilita que o Centro Cultural do Porriño acolla, entre o 9 de maio e 2 de xuño, a exposición «Unha mirada de antano: Fotografías de Ruth Matilda Anderson en Galicia». Á sinatura asistiron tamén Lourdes Moure, concelleira de Educación de Porriño e mailo director de oficina de ABanca en Porriño, Jorge Luís García. 

Conclue no Porriño o obradoiro 'Coas mans na masa' sobre elaboración artesanal de conservas

Soledad Girón, concelleira de Servizos Sociais do Concello do Porriño entregou hoxe os diplomas acreditativos as quince persoas participantesno curso 'Coas as mans na masa' que rematou hoxe na Escola-Obradoiro do Multicentro Municipal de Torneiros. Trátabase dun cursiño para elaboración artesanal de conservas ó abeiro dos itinerarios formativos que desenrola 'Escola Eu Rural' que depende da Asociación de Desenvolvemento Galicia Suroeste.

O persoal de 'Levantina' acepta un ERE para 161 persoas delas 18 do Porriño

O cadro de persoal de 'Levantina y Asociados de Minerales', referente mundial no sector da pedra natural, decidiu en asemblea aprobar a proposta de ERE extintivo pactada entre a dirección e os sindicatos que contempla o despido de 161 traballadorese traballadoras en todo o Estado, 18 do Porriño. O grupo alacantino rebaixou a súa pretensión inicial, que pasaba por rescindirlle o contrato a máis de 300 persoas, 33 delas galegas.

Suscribirse a este canal RSS