14.5 C
Pontevedra
Martes, 19 de Marzo de 2024
Máis
    HomeBaixo MiñoTuiGastronomía e música pechan este sábado a Festa do Miño

    Gastronomía e música pechan este sábado a Festa do Miño

    Tui vivirá este sábado a Festa do Miño que se pechará a partir das 20 h na rúa Compostela coa Festa Gastronómica, nun evento que volverá a congregar a centos de persoas nesta céntrica rúa.

    As asociacións culturais Seixos Albos de Areas, Traxe Tradicional de Tui, Xuntanza de Randufe, Aloia de Pazos de Reis, Arume de Malvas, Cristo da Agonía de Baldráns, Darraia, Laxes de Paramos, Lembranzas da Terra de Guillarei, Muiñeiros do río Tripes, O Mosteiro de Pexegueiro, San Roque e San Bartolomeu, San Fins de Rebordáns e Santa Columba de Ribadelouro serán as encargadas das distintas elaboracións de pratos tradicionais da nosa gastronomía.  O menú que ofertarán será amplo dende tortillas, empanadas, empanadillas, bocadillos, chouripan, xamón asado, callos, zorza, orella, croquetas,  paninis ou paella… Nas preparacións doces haberá biscoitos, filloas, torta da avoa, rosquillas, tartas de queixo, tres chocolates, de cenoura, de améndoa, de mazá,  leite fritida, bica, arroz con leite, cremoso de millo, flan de café, chulas de cabaza …entre moitas outras. Os prezos oscilarán entre 1 € e os 4 €.

    Non faltará a animación na rúa Compostela. Dende ás 19.30 h Troula Animación con ‘Rufina e Benito’ percorrerán a festa coa súa alegría e ritmo cun carro xigante da compra.  Latexo Percusión fará un pasarrúas ás 20.30 h e outro ás 22 h cun espectáculo de animación único, dinámico e versátil. A súa percusión, baseada na batucada brasileña, transportaranos a distintos lugares do mundo con ritmo e movemento.   A festa está tamén garantida nos pasarrúas da electrocharanga Mekanika Rolling Band, que actuará ás 21.15 h e ás 22.45 h, interpretando cancións  de rock and roll, ska e reggae e temas propios coma “Maruxaina”

    A concelleira de Cultura, Sonsoles Vicente, amosa o seu agradecemento ás catorce asociacións participantes neste evento, ao tempo que salienta que a Festa do Miño é “un día grande, un día de festa en Tui”.  Tamén explicaba coma este ano optouse por  pasarrúas musicais ao longo do recinto festivo, máis que por un gran concerto coma noutras edicións, propiciando así a interrelación do público coa música nun evento cun marcado carácter social e festivo.

    Coa Festa Gastronómica concluirá unha xornada festiva que arrancará ás 12 h na ribeira de Caldelas coa romaría popular. Dende aquí sairá ás 16.00 h o Descenso Popular do Miño con máis de 500 persoas inscritas. Ás 18.30 h dende Salvaterra sairá o Descenso Internacional do Miño, coa participación de 48 clubs e máis de 500 padeeiros e padeeiras. A entrega de premios está prevista para ás 20 h na rúa Olímpicos Tudenses.

    Avisos tráfico

    Debido á celebración da Festa Gastronómica dende mañá venres ás 8 h até o domingo ás 8 h estará pechada ao tráfico e non se poderá estacionar na rúa Compostela no tramo comprendido entre as rúas Ourense e Betanzos.  Amais o sábado dende ás 8 h non se poderá circular nin estacionar na rúa Mondoñedo no tramo comprendido entre as rúas Lugo e Irmáns Maristas.

    Festa do Miño

    Programa

    • Ás 12 h na ribeira de Caldelas Romaría popular
    • ÁS 16 h saída do Descenso Popular do Miño dende a Ribeira de Caldelas
    • Ás 18.30 h saída do Descenso Internacional do Miño dende Salvaterra
    • Ás 20.00 h Festa Gastronómica na rúa Compostela 
    • Coa participación das asociacións culturais Seixos Albos de Areas, Traxe Tradicional de Tui, Xuntanza de Randufe, Aloia de Pazos de Reis, Arume de Malvas, Cristo da Agonía, Darraia, Laxes de Paramos, Lembranzas da Terra de Guillarei Muiñeiros do río Tripes, O Mosteiro de Pexegueiro, San Roque e San Bartolomeu, San Fins de Rebordáns e Santa Columba de Ribadelouro. 
    • Actuación de
      • Ás 19.30 h Troula Animación con Rufina e Benito
      • Ás 20.30 h Latexo Percusión
      • Ás 21.15 h Mekanika Rolling Band
      • Ás 22.00 h Latexo Percusión
      • Ás 22.45 h Mekanika Rolling Band

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.