É noticia...

'María Vinyals. Un talento rebelde' chega aos institutos de Mos e Baiona

Coa presenza da deputada de Igualdade, Isaura Abelairas, a Deputación de Pontevedra presentou este martes o libro 'María Vinyals. Un talento rebelde' no IES de Mos, diante de 136 alumnos e alumnas de 2º da ESO. Mañá mércores, 10 de abril, ás 13:00 horas, será a quenda do IES Primeiro de Marzo de Baiona, no que o libro será presentado ante 54 rapaces e rapazas de 1º da ESO. O obxectivo destes dous actos é dar a coñecer a historia de María Vinyals e levar o seu legado a prol da igualdade aos centros educativos da provincia.

A política local 'Con Voz de Muller'

Por vez primeira o PSdeG-PSOE de Pontevedra promoveu hoxe un acto no que fixo gala da forza feminina progresista coa que o partido concorre nas vindeiras eleccións municipais. Baixo o título 'A política local con Voz de Muller' as e os socialistas pontevedreses reuniron no Salón José Peña de Cambados a máis de 300 persoas que serviu para presentar ás candidatas ás alcaldías que concorren na provincia que representan un 44% do total das candidaturas que o PSdeG-PSOE de Pontevedra presenta.

'O Mar das Mulleres', proxecto para a visibilización das mulleres do mar

A presidenta da Deputación de Pontevedra, Carmela Silva, xunto á profesora universitaria, María Álvarez Lires, deu a coñecer hoxe a novidosa iniciativa 'O mar das mulleres' froito da colaboración entre a institución provincial e a Universidade de Vigo e no marco do proxecto 'Mar en Feminino', que lidera a Facultade de Ciencias da Educación do Campus de Pontevedra. Silva destacou que se trata dun paso máis, o terceiro, trala creación da web marenfeminino.campusdomar.gal e a posta en marcha da exposición itinerante 'Achegas das mulleres á sustentabilidade do mar'.

O Consello Consultivo ratifica a estratexia 'Río Miño Transfronteirizo 2030'

O Consello Consultivo do AECT Rio Minho, presidido polo director do agrupamento, Uxío Benítez, reuniuse onte na Escola Superior de Ciencias Empresariais de Valença, para dar o seu visto e prace a ‘Estratexia Río Miño Transfronteirizo 2030’. Ata 26 organismos de Galicia e Portugal, incluídas cámaras de comercio e asociacións de empresas, participaron no encontro, ao que tamén asistiu a secretaria de Estado de Desenvolvemento Rexional do país luso, María do Céu Albuquerque, en representación do Ministerio de Planeamento portugués.

Montserrat Boix, Desirée Vila e África González pechan as xornadas 'Muller e Poder'

A presidenta da Deputación, Camela Silva, clausurou esta tarde “Muller e Poder”, a xornada anual da Escola María Vinyals no Castelo de Soutomaior, sinalando que “nestes 4 anos confirmamos esta escola como un espazo de encontro para a cidadanía polo que fago un recoñecemento a todas e a todos que a fixeron posible“. A presidenta provincial definiu a Escola como un lugar “para reflectir, para formarnos e para que entendamos que o feminismo é a filosofía máis potente nunca creada, baseada nun mundo de igualdade onde todos e todas tiñamos o que nos corresponde.

Altamira Gonzalo revindica leis que "removan os obstáculos que impiden avanzar cara a igualdade"

A xornada matinal de “Muller e poder”, no marco da Escola de Igualdade María Vinyals, rematou coa conferencia “A igualdade desde a perspectiva xurídica” a cargo de Altamira Gonzalo, na que se analizou o papel do dereito no avance cara a igualdade real das mulleres. Gonzalo é avogada e vicepresidenta da asociación de Mulleres Juristas Themis.

Suscribirse a este canal RSS