12 C
Pontevedra
Venres, 29 de Marzo de 2024
Máis
    HomeÉ NoticiaSmartPeme pon en marcha esta semana outros dous obradoiros online

    SmartPeme pon en marcha esta semana outros dous obradoiros online

    Os días 7 e 8 de setembro o programa de asesoramento tecnolóxico oferta cursos sobre Sendinblue e Instagram

    A Deputación de Pontevedra, a través de SmartPeme, oferta esta semana dúas accións formativas impartidas de xeito online, da carteira de obradoiros que se imparten de forma telemática. As accións versan sobre as diferentes contornas visuais dispoñibles en Instagram e a plataforma de email márketing Sendinblue.

    Este martes 7 impartirase o obradoiro ‘Contorna visual de Instagram: todo sobre contido de imaxe’, no que a titulada superior en Ensinos Artísticos de Deseño Gráfico, Lara Taboada, falará das diferentes contornas da rede social, o tipo de contido que debe prepararse para cada unha delas, formatos máis axeitados, tendencias e consellos para mellorar o perfil.

    Pola súa banda, o mércores 8, a posgraduada en Comunicación e Industrias Creativas Fátima Faílde, impartirá ‘Ferramentas de Email Márketing: Sendinblue’, obradoiro no que se centrará nesta ferramenta que fai máis áxil, eficiente e rápido o proceso de creación dunha estratexia de márketing dixital. No seu transcurso crearase unha campaña de email, editaranse diferentes modelos e explicarase o seu funcionamento.

    As persoas interesadas poden inscribirse a través do sitio web de SmartPeme na url de cada evento. Tamén é posible facelo enviando un correo ao enderezo info.smartpeme@depo.es ou no teléfono 886 202 020.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.