8.7 C
Pontevedra
Xoves, 28 de Marzo de 2024
Máis
    HomeÉ NoticiaOs cachorros arroxados nun colector en Sanxenxo recupéranse no CAAN da Deputación

    Os cachorros arroxados nun colector en Sanxenxo recupéranse no CAAN da Deputación

    O Centro de Acollida e Protección de Animais recolleu o pasado venres outras dúas cadeliñas de dous meses abandonadas xunto coa súa nai en Vilaboa

    Os seis cachorros que a pasada semana foran arroxados nun colector en Sanxenxo recupéranse coa súa nai no Centro de Acollida e Protección de Animais (CAAN) da Deputación de Pontevedra. Os cans e cadelas chegaron nun estado moi delicado, con apenas horas de vida e cunha grave hipotermia, e de momento están a ser aleitados pola súa nai e evolucionan de xeito favorable , con especial vixilancia por parte do persoal do centro, aínda que pola súa curta idade seguen a ter un gran risco.

    Os cachorros son catro femias “Brisa”, “Brétema”, “Laias” e “Centella” e dous machos, “Mauro” e “Allo”, que foron recollidos nun dispositivo conxunto da Garda Civil e a Policía Local de Sanxenxo tras ser abandonados nun colector de lixo. Tras localizar ao propietario, contra quen o Seprona instruíu dilixencias por un presunto delito de maltrato animal, este deixou que a nai, “Lúa”, fose levada ao centro da Deputación para aleitar as súas crías. De seguir a súa boa evolución, os cachorros sairán en adopción unha vez teñan completada a súa pauta de vacinación completa, aproximadamente aos tres meses de idade.

    Lamentablemente, o problema do abandono animal segue a amosar tristes exemplos estes días e estes non foron os únicos cachorros recollidos polo CAAN. Persoal do centro desprazouse a Vilaboa o pasado venres tralo aviso de Protección Civil para recoller tamén a unha nai, “Tela”, e as súas dúas crías, “Mini” e “Lola”, que teñen dous meses e medio e que apareceron abandonadas na zona de Postemirón. Tamén neste caso os animais están a evolucionar favorablemente nas dependencias do CAAN.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.