17.4 C
Pontevedra
Martes, 16 de Xullo de 2024
Máis
    HomeÉ NoticiaO Museo de Pontevedra únese ao Salón do Libro para contar un...

    O Museo de Pontevedra únese ao Salón do Libro para contar un conto dende as paredes do Edificio Sarmiento

    A exposición ‘Había outra vez’, abriuse hoxe ata o 21 de maio, reúne obras de Belén Padrón, Itziar Ezquieta, Manolo Figueiras e Xosé Carlos Seoane arredor dun texto de Manuel Lourenzo

    O Museo de Pontevedra abriu hoxe a exposición ‘Había outra vez’, unha mostra organizada ao abeiro do Salón do Libro, para contar un conto dende as paredes do Edificio Sarmiento unindo arte e literatura: arredor dun texto de Manuel Lourenzo González distribúese a obra de catro artistas ligados á cidade como son Belén Padrón, Itziar Ezquieta, Manolo Figueiras e Xosé Carlos Seoane.

    O director do Museo de Pontevedra, Xosé Manuel Rey, puxo en valor a colaboración entre as institucións provincial e local. Destacou que o Museo de Pontevedra tiña que estar implicado nunha das iniciativas máis salientables da programación cultural da cidade, como é o Salón do Libro, facéndoo ademais a través de persoas creados do país nunha ‘maridaxe’ perfecta.

    A concelleira responsable municipal do Salón, Carmen Fouces destacou tamén, na mesma liña, que coa exposición no Museo de Pontevedra séguese a robustecer a visión do Salón do Libro como punto de encontro e colaboración entre administracións. “Para nós esta mostra é como o resumo do Salón: aglutina todas as perspectivas que queremos traballar, a ligazón entre as diferentes disciplinas creativas (…) e a conexión e o traballo colaborativo entre administracións, ademais, nun evento aberto de balde para o público, e homenaxeando a autoras galegas e de Pontevedra. É un ‘combo’ completo”.

    Pola súa banda, a comisaria e tamén creadora participante na mostra, Itziar Ezquieta Llamas, subliñou que ‘Había outra vez’ ten unha ‘precuela’, a exposición ‘Había unha vez’ de Belén Padrón e Xosé Carlos Seoane, á que agora se incorporaron Manolo Figueiras e máis ela mesma “con personalidades e xeitos diferentes no traballo”.

    Sobre a relación da mostra coa literatura, Ezquieta destacou que “quizais si que é certo que as nosas creacións, as de todos, teñen moito de conto… no sentido de que cada cadro, cada imaxe conta unha historia , ten unha trama, unha poética e esconde unha parte de literatura. Aí e onde entra Manuel Lourenzo”: “que mellor xeito de xuntar as nosas historias que propoñerlle a un grande escritor desentramar esa nova historia compartida para todos nós?”, preguntouse. Por iso, explicou, concibiuse a exposición “non como una mostra corrente, senón como un proxecto que enfía á perfección Literatura e Arte. Porque quizais sexa unha mostra para ser lida… para xogar a mirar historias”, finalizou.

    A apertura finalizou cunha visita guiada pola sala da mostra a cargo de Manuel Lourenzo González, autor responsable dos primeiros Salóns do Libro e homenaxeado nesta edición, que creu un texto específico para o proxecto. Nel narra a enigmática viaxe dun mozo que se ve obrigado a camiñar por un escenario de rúas labirínticas á busca de sinais que lle proporcionen a clave para saír e recuperar a súa vida e o seu pasado; unha viaxe que fornece desde a literatura, a modo de xogo, fíos que consolidan esa converxencia da obra artística plural.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.