20.3 C
Pontevedra
Domingo, 17 de Outubro de 2021
Máis
    HomeÉ NoticiaO Grupo Socialista urxe á Xunta a incrementar os orzamentos para paliar...

    O Grupo Socialista urxe á Xunta a incrementar os orzamentos para paliar a crise do sector turístico de Galicia

    Leticia Gallego denuncia que no primeiro semestre do ano o goberno galego tan só executou o 13 por cento da partida para coordinación e promoción do turismo

    A portavoz de Comercio e Turismo do Grupo Socialista, Leticia Gallego, instou hoxe a Xunta a incrementar os orzamentos para paliar a crise na que está inmerso o sector turístico galego. “Esa é a única forma de salvar o turismo en Galicia”, proclamou a deputada socialista durante a comparecencia no Parlamento da directora da Axencia de Turismo de Galicia.

    Leticia Gallego cualificou de “incrible” que nun ano tan crítico para o sector a Xunta tan só executase no primeiro semestre de 2021 o 13 por cento da partida de coordinación e promoción do turismo. Gallego afirmou que esta circunstancia “demostra a mala xestión de Feijoo” neste eido.

    De maneira especifica, Leticia Gallego reclamou “investimentos significativos” para facer un “verdadeiro mantemento” dos Camiños de Santiago e para mellorar os albergues de peregrinos e peregrinas, moitos deles en malas condicións por mor da súa antigüidade. Nesta liña, solicitoulle a Nava Castro que revise todas as instalacións para que sexan accesibles e non discriminar ás persoas con mobilidade reducida. “Os albergues públicos”, defendeu a deputada socialista, “teñen que ser un espazo de integración de todas as persoas”.

    Por outra banda, tamén lembrou que moitos peregrinos e peregrinas seguen a ter a día de hoxe problemas para pernoctar nos albergues debido ás limitacións de aforo. Leticia Gallego lamentou a mala imaxe que se está a dar para o Xacobeo e para Galicia e reclamou unha solución inmediata ante a falta de previsión do goberno galego no medio dunha pandemia.

    Ao fío disto, Leticia Gallego tamén criticou as políticas da Xunta con respecto á desescalada para o sector da hostalería, unhas medidas que “foron incoherentes e froito da improvisación na que está sumido o goberno de Feijoo”. Polo miúdo, Gallego puxo o foco no impacto que está a ter no sector do ocio nocturno “a improvisación da Xunta na implantación das medidas para conter a covid”.

    A maiores, a portavoz de Comercio e Turismo do PSdeG tamén instou á Xunta a abrir un proceso de diálogo con concellos e deputacións para estudar e redefinir os posibles cambios no actual mapa de xeodestinos. “O mapa resultante dese proceso deberá adquirir un verdadeiro carácter oficial”, subliñou Gallego. Ademais, tamén instou á Xunta a falar con todas as vilas termais de Galicia para impulsar o seu potencial.

    Ademais de reclamar “máis orzamentos e máis execución orzamentaria”, Leticia Gallego tamén instou ao goberno galego a non promocionar só o Xacobeo, que “como produto é bo, pero a Xunta ten que ir máis aló e promocionar as nosas montañas, o noso interior, as nosas cidades, a nosa costa ou os nosos balnearios co obxectivo de “poder desestacionalizar o noso turismo e a nosa gastronomía”.

    Finalmente, Leticia Gallego sinalou que “o obxectivo da Xunta debería ser atraer cantidade e calidade turística”. Para iso, remarcou a parlamentaria do PSdeG, “é imprescindible impulsar a transformación dos nosos destinos turísticos cara á sustentabilidade e a dixitalización”.

    COLABORACIÓNS

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Francisco Castro, «O cemiterio de barcos»

    Francisco Castro regresa de novo á novela xuvenil, un territorio no que xa ten demostrado que se desenvolve con soltura, para presentarnos unha narración que se move en dous planos diferentes.

    Bizcocho de plátano

    No sé si consumir plátano canario en este momento puede ser una pequeña ayuda a los palmeros que están pasando por esta situación tan dolorosa, que desde aquí cuesta imaginar; pero si con esto podemos aportar un granito de arena, lo haremos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    46 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS