11.4 C
Pontevedra
Venres, 30 de Setembro de 2022
Máis
    HomeÉ NoticiaO físico Jorge Mira abordará este xoves a controversia sobre o cambio...

    O físico Jorge Mira abordará este xoves a controversia sobre o cambio de hora na nova conferencia do Ciclo Aida Fernández Ríos

    O catedrático de Electromagnetismo e recoñecido divulgador científico impartirá esta webinar ás 19 horas e as inscricións poden realizarse a través da web da Deputación

    A controversia sobre o cambio de hora centra a nova charla do I Ciclo de Conferencias Científicas Aida Fernández Ríos, que se desenvolverá este xoves 22 de outubro ás 19 horas e estará impartida polo catedrático de Electromagnetismo do Departamento de Física Aplicada da Universidade de Santiago de Compostela Jorge Mira Pérez. Ao igual que as anteriores conferencias deste ciclo, que a Deputación de Pontevedra organiza en colaboración coa Real Academia de Ciencias, a charla, que leva por título “Cambio estacional de hora e fuso horario en España”, desenvolverase en formato webinar e abrirase un coloquio para que as persoas asistentes poidan formular as súas preguntas. As inscricións poden realizarse a través do formulario habilitado na web da Deputación (www.depo.gal).

    Jorge Mira Pérez é licenciado en Física pola Universidade de Santiago (1991)  e doutorouse nesta especialidade en 1995. A súa actividade investigadora está centrada no estudo do comportamento magnético e eléctrico de materiais e a nanotecnoloxía e ten publicado máis dun cento de artigos de investigación en revistas internacionais. Outro dos seus campos de actividade son a mellora de sistemas de imaxe médica para enfermidades reumáticas e o estudo de sistemas sociais (dinámicas lingüísticas producidas en áreas con presencia de dous idiomas ou modelado en epidemioloxía).  É membro da Real Academia Galega desde 2016 e no ano 2018 foi nomeado membro da comisión de expertos do Goberno de España para a reforma da hora oficial. Amais da súa labor científica e académica, desde finais dos anos 90 é un activo divulgador científico, colaborador en diversos medios de comunicación e autor de dous libros: “La ciencia en el punto de mira” (2010) e “¿A qué altura está el cielo?” (2016).

    Na súa extensa traxectoria profesional tamén acumula numerosos galardóns, entre eles o Premio do Colexio de Físicos de España (2010) ou o Premio da Real Academia Galega de Ciencias ao proxecto “Predico” impulsado este ano polo Instituto de Saúde Carlos III e que Mira liderou, sobre a predición de expansión do coronavirus. Tamén neste 2020 foi galardoado co Premio de Divulgación Científica da Real Academia de Ciencias e da Xunta de Galicia, en recoñecemento a súa labor durante máis de vinte anos en todos os campos do coñecemento e o seu esforzo continuado por acercarlle a ciencia á sociedade a través de múltiples canais. Entre os premios que atesora figura tamén o Premio de Investigación en Ciencia e Tecnoloxía da Deputación de Pontevedra (2001).

    O I Ciclo de Conferencias Aida Fernández Ríos ten por obxectivo achegar a ciencia á sociedade, así como estimular futuras  vocacións científicas. Ademais, con este ciclo, que leva nome de muller, tamén se está a visibilizar ás mulleres científicas, que imparten varias das charlas programadas. A intelixencia artificial, a tecnoloxía das cadeas de bloques, a incerteza do ciclo económico, as microalgas e os beneficios do consumo dos produtos da pesca e acuicultura son os temas sobre os que versarán as seguintes conferencias deste ciclo.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS