15.6 C
Pontevedra
Sábado, 25 de Setembro de 2021
Máis
    HomeÉ NoticiaO acto central do 8M da Deputación mesturará arte, reivindicación, palabra e...

    O acto central do 8M da Deputación mesturará arte, reivindicación, palabra e igualdade

    A Deputación de Pontevedra xa ten todo preparado para celebrar este venres no Pazo Provincial o acto central do Día Internacional da Muller, enmarcado na ampla programación de actividades que, baixo o nome de ‘Por nós, por todas’, se está a desenvolver nas sedes provinciais de Pontevedra e Vigo.

    Este venres, o hall do Pazo acollerá unha espectacular acción que mesturará arte, reivindicación, palabra e igualdade e que, como anunciou a pasada semana a presidenta Carmela Silva, “non deixará a ninguén indiferente, falará de mulleres poderosas e libres, e da nosa sororidade contra os negacionistas”.

    Os actos darán comezo ás 11.15 horas, cando se despregará a lona co lema da Deputación para este 8M, “Por nós, por todas”, da balconada da fachada principal do Pazo Provincial de Pontevedra. Esta pancarta permanecerá colgada durante todo o mes de marzo, ao igual que a que se despregará na sede da Deputación en Vigo.

    A continuación, ás 11.30 horas, o vestíbulo do edificio será o escenario da devandita acción artística, que será “rompedora, vangardista e chea de cor”, en palabras de Carmela Silva, e que está dirixida pola creadora Irene Silva. A este acto está prevista á asistencia de representantes de colectivos e asociacións de mulleres da provincia.

    Amais, pola noite, o Pazo Provincial e a sede da Deputación en Vigo iluminaranse de morado, a cor da igualdade de xénero, que tinguirá ambas as dúas sedes ata o 31 de marzo para unirse ás reivindicacións feministas do 8M.

    Despois do acto institucional, tanto a presidenta da Deputación como deputadas e deputados do goberno provincial, participarán ao longo desta fin de semana en diversas actividades e actos reivindicativos pola igualdade ao abeiro do Día da Muller, entre elas, os actos do Foro Universo Muller en Pontevedra; a mostra das federacións deportivas; ou a carreira pola igualdade do domingo á que asistirá Carmela Silva e na que a Deputación fará un reparto de camisetas.

    Por outra banda, tamén esta fin de semana a presidenta da Deputación asistirá ao ciclo de cine en feminino que se está a desenvolver na sede de Vigo. Tamén intervirá o sábado na apertura no salón de plenos do Pazo da décimo terceira edición do Encontro da Muller Xorda, organizado conxuntamente pola Federación de Asociacións de Persoas Xordas de Galicia e a Asociación de Persoas Xordas de Pontevedra (APXP). O lema da convocatoria é Na educación comeza o cambio. Igualdade para todas.

    Amais destes actos, a Deputación continuará coa súa extensa programación para este mes, conformada por unha vintena de actividades, entre as que se atopan exposicións, proxeccións cinematográficas, encontros de mulleres, accións artísticas, actos literarios, eventos de denuncia artística e reivindicación que tratan de poñer o foco sobre a desigualdade en todas as súas manifestacións.

    Así, a vindeira semana os concellos de Redondela e Cangas acollerán as novas accións do programa ‘Mulleres en acción: Violencia Zero’. O luns 9 Sheyla Fariña actuará no IES María Soliño de Cangas (13 horas) e o martes 10 a praza do Concello de Redondela será escenario ás 12.30 horas da actuación de Somdolilá. A Deputación tamén presentará o día 11 o libro ‘María Vinyals. A muller do porvir’, de Diego Piay, no Museo do Pobo Galego en Santiago (19.30 horas).

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS