4 C
Pontevedra
Domingo, 4 de Decembro de 2022
Máis
    HomeÉ NoticiaNovo ouro no Tourism Film Festival de Turquía para “Sigue o teu...

    Novo ouro no Tourism Film Festival de Turquía para “Sigue o teu instinto”

    A Deputación, que xa obtivo o galardón en 2020 con “Fame de Experiencias”, afianza os seus audiovisuais turísticos entre os mellores do mundo con 18 distincións nun ano

    O audiovisual turístico da Deputación de Pontevedra “Sigue o teu instinto”, peza central da campaña promocional do destino Rías Baixas – Pontevedra Provincia en 2020, continúa o seu paso triunfal polo circuíto de festivais internacionais. A cinta acaba de gañar o Ouro no Tourism Film Festival Turkey 2021 dentro da categoría de produto turístico, un galardón que a institución provincial xa obtivera o ano pasado con “Fame de experiencias”, a promoción de 2019. Con esta nova distinción xa son catro os recoñecementos internacionais que recibiu “Sigue o teu instinto”, que se suman aos 14 colleitados pola súa predecesora en 2020, o que afianza os audiovisuais turísticos da Deputación entre os mellores do mundo.

    O festival de Turquía, celebrado en Capadocia, premiou 30 cintas en seis categorías: cidades, países, rexións, produto turístico, servizos e vídeos de viaxe. A peza da Deputación, protagonizada pola actriz Celia Freijeiro, foi galardoada xunto a dúas cintas españolas e outros audiovisuais de Australia, Austria, Dinamarca, Grecia, Italia, Xapón, Lituania, México, Portugal, Eslovenia, Sudáfrica, Ucrania e Reino Unido .

    O novo recoñecemento a “Sigue o teu Instinto”, unha obra de Esmerarte Industrias Creativas, chega apenas unha semana despois de gañar o Ouro no festival ITTF África (Cape Town). Anteriormente a cinta foi distinguida en The Golden Gate Festival (Berlin); e no Fitur Travel Video Competition (Madrid), certame no que foi recoñecida como mellor vídeo de promoción de produto turístico. A Deputación tamén acadara este último premio con “Fame de Experiencias”, co que referenda o éxito dos seus audiovisuais no principal escaparate turístico do mundo.

    O festival de Turquía forma parte do CIFFT Circuit, unha prestixiosa competición  través de 14 festivais audiovisuais especializados no sector turístico na que son premiadas as consideradas mellores pezas do ano en todo o mundo. ”Fame de Experiencias” acadou 14 distincións neste circuíto en 2020, mentres “Sigue o teu instinto” avanza con paso firme para alcanzar tamén un gran palmarés internacional.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS