15.6 C
Pontevedra
Sábado, 25 de Setembro de 2021
Máis
    HomeÉ NoticiaGonzalo Caballero propón "rescatar para o público" o hospital Álvaro Cunqueiro

    Gonzalo Caballero propón “rescatar para o público” o hospital Álvaro Cunqueiro

    O líder socialista esixe á Xunta “transparencia e seriedade” e chama a manter “todas as alertas acendidas” para que non haxa “retrocesos” na loita contra os contaxios de covid

    O secretario xeral do PSdeG, Gonzalo Caballero, visitou onte o Hospital Álvaro Cunqueiro de Vigo para esixir a súa incorporación plena ao sistema sanitario público, logo de que o principal socio da concesionaria vendera a súa parte a un fondo de inversión francés. En compañía do voceiro de Sanidade do PSdeG no Parlamento, Julio Torrado; da deputada viguesa Isaura Abelairas e do responsable do PSdeG en Vigo, Abel Losada, Gonzalo Caballero anunciou unha iniciativa neste sentido que se debaterá no pleno do Parlamento da semana que vén.

    Porque, como dixo o líder dos socialistas galegos, a incorporación do HAC ao Sergas “pódese facer, reduciría os custes do hospital para as arcas públicas” e isto “será garantía de que o hospital está en mans dos vigueses e das viguesas, e non en mans dun fondo de investimento francés”.

    De feito, Gonzalo Caballero incidiu en que a citada venta da concesionaria do hospital vigués “evidencia a gran farsa de Feijóo” e urxiu “un cambio”. “Feijóo enganou en tantos temas á cidade de Vigo… en cuestións como as caixas, as infraestruturas, a ETEA, a área metropolitana, e tamén no ámbito da sanidade pública”, criticou.

    Ao fío disto, o máximo responsable socialista en Galicia preguntou como se pode afirmar que o Álvaro Cunqueiro é un hospital “plena e integramente público” cando “parte dese hospital (máis dun 40 %) está en mans dunha sociedade de investimento francés”.

    Ademais, o líder do PSdeG recordou que a Xunta “paga ao redor de 73 millóns de euros a unha sociedade privada para poder dar o servizo sanitario” dende o hospital Álvaro Cunqueiro, unha fórmula “pouco eficiente” e que “resultou extremadamente custosa e gravosa para as contas públicas”.

    Neste senso, Gonzalo Caballero sinalou que “este pago é máis custoso que reverter as condicións no mercado actual”, polo que instou a “aproveitar” que “o ano que vén hai uns orzamentos expansivos”, “máis fondos en sanidade” e “que as condicións financeiras do mercado permiten conseguir fondos de xeito máis accesible”.

    Máis de 150 millóns ao ano para pagar a empresas privadas

    O voceiro de Sanidade do Grupo Parlamentario Socialista, Julio Torrado, criticou que o sistema público “estea pagando 73 millóns de euros no Hospital Álvaro Cunqueiro e 75 millóns de euros nas cotas de Povisa”, o que supón “150 millóns de euros ao ano para pagar a empresas privadas o traballo que debe ser público”.

    “Os socialistas cremos que a sanidade debe ser unha competencia plenamente pública e esa é a nosa proposta”, destacou. Así, Torrado incidiu en que “a operación é grande, pero é posible” e recalcou que “só necesitamos que o PP decida se quere que a sanidade sexa plenamente pública”.

    Por último, lembrou que a proposta presentada polo goberno progresista de Emilio Pérez Touriño para o Hospital Álvaro Cunqueiro implicaba un custe duns “400 millóns de euros” de investimento e “1.200 camas”, pero “chegou o comandante e mandou parar”: A entrada de Feijóo no goberno supuxo “duplicar o gasto” do hospital e poñer menos camas a funcionar de forma efectiva.

    “Temos en Vigo unha anomalía no sistema. Hoxe, un cidadán de Vigo ten, probablemente, a súa atención non plenamente no sistema público, senón que a ten nun centro coma este, que ten cotitularidade privada, ou nun centro privado que está axudado polo sistema público, como Povisa”, aseverou o socialista.

    Restricións

    En paralelo, en relación ás novas restricións por mor da pandemia, Gonzalo Caballero pediu ao goberno galego “que tome todas as decisións en base aos criterios do comité clínico” e “que sexa transparente á hora de explicar á cidadanía e ás administracións locais cales son as decisións que se toman en cada concello e en base a que criterios e protocolos se toman”.

    O líder dos socialistas galegos lembrou que en concellos como Santiago se adoptaron medidas que, posteriormente, houbo que modificar por “risco de rebrotes” que “poñen en ameaza todo aquilo conseguido” ata o de agora.

    Así, instou á “responsabilidade ante unha crise difícil de xestionar” e pediu ao goberno galego “mellorar en materia de transparencia, onde a Xunta amosou debilidades e déficits evidentes”.

    Por último, fixo un “chamamento á prudencia” ante a “apertura de certas medidas que poden supor riscos de rebrotes e contaxios”. Así, instou a amosar “todas as cautelas necesarias” de cara ás festas de Nadal, “nas que todo o mundo quere atoparse coa familia, pero nas que a prudencia e a loita contra o virus teñen que ser a regra”.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS