8.5 C
Pontevedra
Venres, 29 de Marzo de 2024
Máis
    HomeÉ NoticiaDeputación e Coordinadora Galega de ONGD, visibilizan o papel das mulleres mesoamericanas...

    Deputación e Coordinadora Galega de ONGD, visibilizan o papel das mulleres mesoamericanas defensoras de dereitos humanos

    A mostra itinerante “Defensoras. Sementes de cambio” inaugurarase este sábado en Pontevedra e chegará tamén a Gondomar e A Estrada

    Por terceiro ano consecutivo a Deputación de Pontevedra e a Coordinadora Galega de ONGD impulsan ‘Defensoras de Dereitos’, un proxecto que ten por obxectivo visibilizar o papel que as mulleres mesoamericanas están a desenvolver para defender a equidade e os dereitos humanos. Neste 2020, o proxecto contempla a exposición itinerante ‘Defensoras. Sementes de cambio’ que percorrerá Pontevedra, Gondomar e A Estrada, un encontro online con mulleres que están a traballar na procura dos dereitos e a presentación duns libros de Lara Dopazo para concienciar á mocidade de secundaria.

    A mostra ‘Defensoras. Sementes de cambio’ será inaugurada por Carmela Silva e a portavoz da coordinadora Galega de ONGD María Paz este sábado, 21 de novembro, ás 11.00 horas nas Galerías da Oliva de Pontevedra. A exposición, que tamén se poderá ver dende o luns 23 de novembro en Gondomar e dende o martes na Estrada, atoparase nos escaparates dos comercios locais ata mediados de decembro e porá rostro a través de carteis ás defensoras de dereitos, concretamente a 10 mulleres de Honduras, Guatemala, El Salvador, México e Nicaragua.

    Xunto á mostra ‘Defensoras. Sementes de cambio’, no marco do proxecto tamén se presentarán uns libros de Lara Dopazo para concienciar á mocidade de secundaria sobre o papel das mulleres mesoamericanas na defensa dos dereitos humanos. Deste xeito, as publicacións amosan a historia de Miriam Suazo, Mª Magdalena Cuc Choc e Mª Estela Mondragón, tres mulleres que protagonizarán, amais, un encontro online aberto á cidadanía no que explicarán as tarefas que desenvolven a prol da equidade e do desenvolvemento humano.

    Neste 2020 a Deputación e a Coordinadora Galega de ONGD colaboran na visibilización das mulleres de IM-Defensoras (Iniciativa Mesoamericana de Mujeres Defensoras de Derechos Humanos), unha entidade que comezou a traballar en 2010 para dar resposta integral e rexional ao aumento da violencia contra as defensoras de dereitos humanos nesta zona americana (México, O Salvador, Guatemala, Honduras e Nicaragua).

    Nas anteriores edicións de “Defensoras de Dereitos” a Deputación e a Coordinadora impulsaron a mostra ‘Tecedoras de cambio’, unha feira de comercio xusto e trouxeron ata a provincia a defensoras de dereitos humanos como as dúas mulleres indíxenas guatemaltecas Juventina López e Manuela (Ita) Xocol e as activistas Georgina de los Ángeles Molina e Alicia Valencia.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.