10.4 C
Pontevedra
Xoves, 28 de Marzo de 2024
Máis
    HomeÉ NoticiaCarmela Silva coñeceu as propostas do II Concurso de Decoración de Nadal

    Carmela Silva coñeceu as propostas do II Concurso de Decoración de Nadal

    Traballadores dos servizos da Deputación de Pontevedra participan por segundo ano, e tralo parón do 2020 debido á pandemia, no concurso de decoración de Nadal organizado pola institución baixo o lema “Espírito do Nadal”, e cuxas propostas coñeceu Carmela Silva, que visitou os departamentos. En todas as candidaturas aos premios, as e os traballadores teñen empregado materiais reciclados, dentro da aposta da institución pola sostibilidade e o medio ambiente. Tras ver as iniciativas desenvolvidas polo persoal nos distintos centros de Príncipe Felipe, o Pazo Provincial e o Edificio Administrativo, a presidenta provincial amouse “moi orgullosa” da gran acollida e participación agradeceu a “inmensa” implicación no concurso, cuxos premios daranse a coñecer mañá xoves 23 no transcurso do tradicional acto previo á Noiteboa no que todos os anos se homenaxea ao persoal que se xubila.

    A visita comezou en Príncipe Felipe, onde Carmela Silva puido coñecer xunto ao persoal e nenos e nenas residentes a decoración no Centro Infantil, a Escola Fogar, o Centro Agarimo e a cafetería, con propostas orixinais nas que participaron as crianzas destes centros, entre as que hai que citar unha aldeíña de Nadal, unha árbore elaborada a base de xornais ou a espectacular cheminea na que nestas datas aparecerán de seguro moitos agasallos. A película “Charlie e a fábrica de chocolate” serviu de inspiración para varias destas propostas.

    No Edificio Administrativo, a presidenta detívose especialmente nos servizos de Igualdade e Cooperación, así como os de Novas Tecnoloxías, Gabinete Lingüístico e Telefonía. Neste inmoble puido ver desde o ambiente discotequero co emprego de numerosos elementos tecnolóxicos, ata unha árbore creada cos escudos dos 61 concellos da provincia, outra a base de libros, e unha terceira cos abanos vermellos deseñados para o certame Mulleres no Foco, co lema #Haimulleres. Xa no Pazo Provincial, Carmela Silva visitou ás áreas de Intervención, Protocolo, Medio Ambiente, Deportes, Cultura e Comunicación Institucional. Nesta sede destacan entre outras propostas un trono de desexos, unha zorra elaborada a base de cartón, un plató de cinema e, sobre todo, a animación amosada polos e polas traballadoras, que incluso se atreveron con coreografías de Nadal. No certame tamén participou de xeito activo o persoal da Finca Mouriscade, a Estación Fitopatolóixica Areeiro, das oficinas do ORAL, do Parque de Maquinaria e da sede de Turismo Rias Baixas , ata onde se achegaron tamén hoxe deputadas e deputados provinciais que subliñaron as súas orixinais iniciativas. 

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.