14.7 C
Pontevedra
Domingo, 5 de Febreiro de 2023
Máis
    HomeÉ NoticiaCarlos Font exprésalle ao director do centro da UNED o compromiso da...

    Carlos Font exprésalle ao director do centro da UNED o compromiso da Deputación coa universidade a distancia

    Víctor González destacou a oportunidade que se abre co nomeamento de Pontevedra como cabeceira do campus Noroeste e ofertou a colaboración académica para actividades de formación tanto para a propia Deputación como para os concellos da provincia

    A Deputación de Pontevedra e a Universidade Nacional de Educación a Distancia reiteraron hoxe a súa vontade de “leal cooperación” durante a visita institucional na que o deputado Carlos López Font recibiu ao novo director do centro asociado provincial, Víctor González. “A relación entre a Deputación e a UNED sempre foi magnífica e así queremos que continúe sendo”, destacou o deputado.

    López Font deu a benvida ao director, que provén do centro asociado de Segovia, e que, co seu traslado, trae tamén a Pontevedra a sede central do campus Noroeste, o que significará a coordinación dos 14 centros asociados de Galicia, Asturias, Castela-León e Extremadura e un maior rango para o que xa, de facto, é o centro de maior tamaño do campus. Font desexoulle “os maiores éxitos” en nome da presidenta, Carmela Silva, e transmitiulle todo o seu apoio nesta andaina que comeza.

    O deputado subliñou que a Deputación cre no “gran potencial da UNED, que coa súa actividade, impregna a toda a provincia” e recalcou que a Deputación non está “só de xeito nominal na UNED, senón por convencemento no modelo que ofrece”. O deputado engadiu que xa antes da pandemia a Universidade Nacional de Educación a Distancia tiña demostrado ser “un instrumento moi válido e, agora, aínda máis”.

    Víctor González agradeceu o apoio e recalcou que a Deputación “non é que colabore, senón que é parte da UNED porque está no seu Consorcio”. Ao mesmo tempo destacou a oportunidade que se abre co nomeamento de Pontevedra como cabeceira do campus Noroeste. Neste eido ofertou a colaboración académica para actividades de formación tanto para a propia Deputación como para os concellos da provincia. “Estamos aquí para colaborar no que se nos demande”. O ofrecemento foi moi ben acollido con López Font, quen puxo o exemplo da recente implantación da Administración Electrónica nos concellos na provincia gracias ao soporte técnico achegado dende a Deputación.

    O novo director anunciou que en canto remate a rolda de presentacións e contactos tanto dentro como fóra do centro asociado convocará unha xuntanza da Xunta Reitora do Consorcio do Centro Asociado para expoñer as liñas de actuación que vai desenvolver neste curso e no futuro.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS