12 C
Pontevedra
Venres, 29 de Marzo de 2024
Máis
    HomeÉ NoticiaAumenta o orzamento destinado ao Consorcio Provincial Contra Incendios e Salvamento

    Aumenta o orzamento destinado ao Consorcio Provincial Contra Incendios e Salvamento

    O Consorcio Provincial Contra Incendios e de Salvamento, adscrito á Deputación de Pontevedra e participado ao 50 % coa Xunta de Galicia, disporá en 2023 dun orzamento de 3,9 millóns de euros para a prestación do servizo, (3.913.300 €), cun 0,45 % de incremento respecto ao ano 2022, trala aprobación provisional do pleno extraordinario celebrado hoxe no Pazo Provincial e cuxo expediente se incorporará para ser tramitado co orzamento xeral da Deputación no pleno do vindeiro día 21 de outubro.

    O pleno, presidido pola presidenta provincial, Carmela Silva, e coa asistencia do Director Xeral de Emerxencias, Santiago Villanueva, deu luz verde ás contas do vindeiro ano, as segundas desde o cambio de modelo co pase do servizo provincial á xestión cen por cen pública. Trátase dun orzamento equilibrado, que dá continuidade ao do pasado ano e cunha variación á alza, nos ingresos, produto do incremento da recadación pola contribución especial de UNESPA.

    A presidenta da Deputación, Carmela Silva, sinalou que o orzamento “contempla todo o que é necesario para o bo funcionamento do Consorcio” e destacou a “boa relación” e “colaboración exemplar” entre Xunta e Deputación de Pontevedra, “sempre aprobamos todo por unanimidade e tomamos decisións, algunhas complexas como pasar da xestión indirecta á directa, de mutuo acordo”. “Á xente, dixo, satisfaille escoitar que podemos estar de acordo, que compartimos ao 50% un consorcio e que as cousas funcionan ben”. Subliñou tamén que “estamos a piques de que remate todo o procedemento para tomar decisións de cara ao futuro” e enxalzou “a relación sindical que nos permite que tamén as traballadoras/es formen parte do proceso”.

    As palabras da presidenta foron ratificadas polo Director Xeral de Emerxencias, Santiago Villanueva, quen destacou “que todo se fai por consenso, sempre a partes iguais as dúas administracións” e cualificou de “fundamental garantir este servizo público en toda a provincia, tanto en momentos ordinarios como nos extraordinarios, como foi neste verán cos incendios forestais onde o Consorcio funcionou moi ben. Isto tense que ver reflexado nos acordos entre Xunta e Deputación e hoxe aprobamos un orzamento de case catro millóns de euros sen ningún tipo de obxección”. Villanueva amosou a vontade de “seguir traballando así, xuntos para dar este servizo ao conxunto da provincia sen ningún tipo de problema”.

    No orzamento de 2023 as achegas da Deputación e Xunta de Galicia serán de 963.500 € cada unha das administracións, sendo o Capítulo 1 o principal gasto do Consorcio, o 79 %. No capítulo de investimentos, a solvencia económica do Consorcio permitirá enfrontar sen maiores dificultades calquera contratación do servizo de mantemento e xestión xa que, segundo o avance da liquidación de 2022, ten actualmente un remanente de tesourería para gastos xerais de 4.744.139 euros, equivalente a 1,21 veces o orzamento que se aproba para o ano 2023. Con cargo a este remanente poderán realizarse as modificacións e suplementos de crédito para financiar os investimentos que resulten necesarios ao longo do exercicio.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.