16.6 C
Pontevedra
Venres, 20 de Maio de 2022
Máis
    HomeÉ NoticiaAs farmacias galegas poderán subministrar os sistemas personalizados de dosificación de medicamentos...

    As farmacias galegas poderán subministrar os sistemas personalizados de dosificación de medicamentos antes de marzo

    As farmacias galegas poderán subministrar os sistemas personalizados de dosificación de medicamentos aos pacientes no primeiro trimestre deste ano. Así o anunciou, esta mañá, o conselleiro de Sanidade, Julio García Comesaña, nunha xornada organizada pola Asociación Española de Dereito Farmacéutico (ASEDEF).

    Tal e como apuntou, é unha das demandas máis reiteradas polos pacientes e os profesionais de farmacia, xa que supón mellorar o seguimento e adherencia ao tratamento. Coa Lei de ordenación farmacéutica de Galicia –aprobada en 2019 e en pleno desenvolvemento-, simplifícase ao máximo o procedemento administrativo, ao permitir ás oficinas de farmacia prestar este servizo mediante unha declaración responsable, sen necesidade de esperar a que se tramite unha autorización.

    Durante a sesión, celebrada en Madrid, o responsable da carteira de Sanidade da Xunta de Galicia salientou o avance no desenvolvemento da nova Lei farmacéutica de Galicia. Nestes momentos, están en pleno desenvolvemento outros cinco decretos que van regular: a planificación e autorización de novas oficinas de farmacia; os horarios e as quendas de garda; a sinalización, a publicidade e as actividades de promoción; a creación das unidades de farmacia de atención primaria; así como o subministro de medicamentos a domicilio. Todos eles, dixo, remataron o período de consulta pública o pasado venres.

    Con respecto a este último, García Comesaña lembrou que, durante os peores momentos de pandemia e de xeito extraordinario, as farmacias achegaron os fármacos ás casas daqueles galegos que non podían desprazarse ata o seu hospital de referencia nin tampouco ata a súa farmacia na procura da súa medicación. Coa este decreto, regúlase, pois, esta entrega, prestando un servizo esencial a doentes dependentes, crónicos, de idade avanzada ou que viven en zonas illadas.

    Unha normativa con marcado carácter de servizo público

    “Pioneira, ambiciosa e axustada ás necesidades de profesionais e usuarios”, así é como García Comesaña definiu a reforma que iniciou Galicia, hai xa uns anos, do seu sistema farmacéutico e no que a súa normativa está ben situada e avanzada de cara a aplicar a Estratexia farmacéutica que se vén de aprobar, a finais do pasado ano, na Comisión Europea. Ademais de ser un texto que vai na liña das demandas europeas, é dos máis modernos de España. Neste senso, resaltou o “marcado carácter de servizo público”, xa que “un galego, independentemente do lugar no que viva, ten garantido o acceso rápido, eficaz, oportuno, equitativo e racional á medicación”.

    Recordou o concurso público de apertura de novas oficinas de farmacia, que permitiu autorizar un total de 41 –o 76% delas no ámbito rural e semiurbano-, asegurando, así, que “todos os concellos de Galicia conten coa súa oficina de farmacia”. Puxo en valor a tramitación dun “proceso que foi modélico”: “Mentres noutras comunidades o tempo medio de duración de resolución é de entre cinco e dez anos, Galicia fíxoo nun tempo récord dun ano”.

    Por outra banda, o conselleiro de Sanidade fixo referencia ao programa de atención farmacéutica que, na actualidade, o Servizo Galego de Saúde ten estendido en máis de 100 centros sociosanitarios. Aproveitando o novo modelo residencial que a Xunta vai implantar nos centros de maiores e de persoas con discapacidade, o Sergas actualizará dito programa co fin de chegar a todos os centros de máis de 90 prazas da nosa Comunidade, acadando unha cobertura do 70% das prazas. 

    O sector farmacéutico, clave para afrontar a pandemia

    García Comesaña aproveitou a xornada para destacar, tamén, o modelo galego de xestión da pandemia, cuxo eixo central foi o seu comité de expertos, ao igual que a anticipación na implantación de medidas e a importancia da coordinación e a colaboración.

    Neste punto, tivo palabras de agradecemento para os profesionais farmacéuticos, claves na atención do cidadán: “As oficinas de farmacia foron unha extensión do sistema sanitario”. Así, lembrou o reparto de máscaras á poboación máis vulnerable, a entrega de medicamentos a domicilio, a emisión dos certificados covid ou o apoio na labor de vixilancia epidemiolóxica.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS