12.1 C
Pontevedra
Luns, 30 de Xaneiro de 2023
Máis
    HomeÉ NoticiaArranca o #SocialHack, primeiro Hackatlon online de innovación para o tercer sector...

    Arranca o #SocialHack, primeiro Hackatlon online de innovación para o tercer sector que lanza a Deputación a través da SmartPeme

    Máis de 30 socialhackers de Galicia, Madrid, Andalucía e Cataluña compiten esta fin de semana para desenvolver as solucións tecnolóxicas máis innovadoras

    Durante esta fin de semana terá lugar o “#SocialHack”, o primeiro Hackathon online de innovación, un reto tecnolóxico para o terceiro sector que lanza a Deputación de Pontevedra a través de SmartPeme. En total, danse cita virtualmente neste reto tecnolóxico máis de 30 persoas procedentes de Galicia, Madrid, Andalucía e Cataluña, que concursarán desenvolvendo as solucións tecnolóxicas máis innovadoras para facilitar a xestión das entidades sociais xa que, como sinalou a condutora do acto, Adriana Muñoz, de minube,“os momentos que vivimos están a demostrar que son clave e que sen elas non haberá crecemento intelixente. Temos que axudar a quen axuda”. O luns coñeceranse xa os proxectos gañadores deste orixinal reto de innovación que promove a Deputación e que arrancou esta tarde coa presenza da presidenta provincial, Carmela Silva, e da deputada de Novas Tecnoloxías, Ana Mejías.

    “Queremos impulsar a innovación e o talento tamén nas entidades do terceiro sector”, asegurou a presidenta no acto de apertura do #SocialHack, “e para elo imos valorar as propostas máis orixinais e creativas, as más innovadoras, inclusivas, que fomenten a igualdade e teñan vínculo coa provincia de Pontevedra”. Carmela Silva puxo en valor as ideas, “que son as que cambian o mundo”, e animou ás e aos socialhackers a desenvolver propostas que axuden a mellorar coas TIC a xestión da comunicación entre a comunidade e as entidades sociais, así como a acadar maior eficiencia na captación de persoas e fondos para estes colectivos”. A presidenta puxo en valor ao terceiro sector ”que ten que xogar un papel moi importante porque os seus valores están ligados á inclusión, á igualdade e a economía circular, que xa é a economía do presente”

    Carmela Silva: “O terceiro sector ten que xogar un papel moi importante porque os seus valores están ligados á inclusión, á igualdade e a economía circular, que xa é a economía do presente”

    Na elección dos proxectos gañadores tamén se valorará o grao de desenvolvemento das propostas, o seu deseño, a súa dificultade técnica e a presentación final. As mellores solucións, que se coñecerán o luns, recibirán un primeiro premio de 2.000 €, un segundo premio de 1.000 € e un terceiro de 500 €.

    Aínda que non é a primeira vez que a institución provincial lanza un hackathon, xa que o primeiro tivo lugar en 2019 sobre turismo, si é o primeiro que se centra no terceiro sector e que se celebra online. Amais, ao celebrarse de xeito telemático, ampliouse a participación a persoas de todo o territorio español, ben sexan estudantes ou profesionais de áreas como o desenvolvemento de apps, deseño gráfico, terceiro sector ou da súa área de negocio. Así, máis de trinta persoas procedentes de Barcelona, Cerdanyola, A Coruña, A Guarda, Madrid, Oia, Pontevedra, Santiago, Torremolinos, Verín e Vigo competirán esta fin de semana en liña en grupos multidisciplinares, de entre tres e cinco persoas, para desenvolver a solución tecnolóxica máis innovadora para revolucionar as entidades do terceiro sector. Contarán para elo co apoio dun equipo de persoal experto en tecnoloxía e desenvolvemento de apps que irá resolvendo as dúbidas que vaian xurdindo durante o reto.

    O “#SocialHack” enmárcase na programación impulsada por SmartPeme no marco da súa carteira de servizos para o terceiro sector, lanzada en xullo de 2020.O obxectivo desta nova carteira é prestar formación e asesoramento tecnolóxico a estas entidades, fundamentais no desenvolvemento da provincia, para mellorar a súa eficiencia e capacidade de comunicación. Con “SmartPeme Terceiro Sector” a Deputación está xa a ofrecer asesoramento a través dunha diagnose inicial, na que se determina o grao de madurez tecnolóxica das entidades para ofrecerlles produtos e solucións TIC adaptadas. Tamén está achegando formación sobre ferramentas de xestión, redes sociais, ciberseguridade, imaxe dixital, innovación, ou dixitalización e comunicación, e pon á súa disposición o Centro Provincial de Economía Dixital. Deste xeito, ao longo destes seis meses de funcionamento de “SmartPeme Terceiro Sector” realizáronse xa 14 asesoramentos a 7 entidades de Pontevedra, Vigo, O Porriño e Lalín.

    COLABORACIÓNS

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Árbol de Navidad relleno de chocolate

    Aunque estas fechas tienen sus dulces típicos, no a todo el mundo le gustan los turrones, polvorones y demás. Lo que casi con seguridad gusta a todo el mundo (y sobre todo a los peques) es el chocolate y este postre une la Navidad y el chocolate de una forma muy muy sencilla.

    Isabel Blanco, «Bambú»

    Xa comentamos nalgunha ocasión neste mesmo espazo que os límites entre xéneros literarios estanse a difuminar de maneira progresiva e que os autores e autoras contemporános pescudan sen apuro nese terreo bretemoso que son as lindes entre narrativa, teatro e poesía.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    77 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS