10.2 C
Pontevedra
Venres, 29 de Marzo de 2024
Máis
    HomeÉ NoticiaAreeiro insiste na revisión das viñas por risco extremo de mildio

    Areeiro insiste na revisión das viñas por risco extremo de mildio

    A Estación Fitopatolóxica Areeiro, centro dependente da Deputación de Pontevedra, vén de lanzar este luns un novo aviso fitosanitario no que insiste en que é imprescindible revisar as viñas ante o “risco extremo” de desenvolvemento do mildio, cunhas previsións meteorolóxicas que anuncian para estes días precipitacións e temperaturas nocturnas mínimas elevadas.

    Tralas chamadas recibidas por parte de persoas viticultoras alertando da aparición de síntomas de mildio en viñas de diferentes variedades, persoal da EFA comprobou que tamén están a aparecer manchas nas viñas da propia parcela de Areeiro, especialmente nas plantas testemuña.

    Por esta razón e polas citadas previsións meteorolóxicas, recomenda a revisión detallada das viñas para comprobar o seu estado, aínda que estean teoricamente protexidas. Areeiro sinala que, en caso de ter que actuar, se realice igualmente aproveitando os momentos de claros.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.