23.8 C
Pontevedra
Domingo, 2 de Outubro de 2022
Máis
    HomeÉ NoticiaAreeiro informa da boa saúde xeral da viña cara á vendima

    Areeiro informa da boa saúde xeral da viña cara á vendima

    A Estación Fitopatolóxica de Areeiro da Deputación de Pontevedra, vén de lanzar un novo aviso fitosanitario no que advirte de que a pesares dos cambios meteorolóxicos das pasadas xornadas, o estado fenolóxico da viña evoluciona correctamente, polo que a saúde da uva e bo de cara á vindeira época de vendima. Areeiro tamén informa de que segundo as mostras de uva recollidas para analizar o grao alcohólico do viño, resultaron valores comprendidos entre os 8,73 graos e os 9,99 graos.

    No que se refire ó mildio, a pesar das precipitacións que se rexistraron durante a semana, observáronse moi poucos brotes de este patóxeno. os ventos do norte que se están a producir e o tempo estable que prognostican para os próximos días, farán que  siga sendo improbable a aparición de novos síntomas. No caso do oídio, o persoal de Areeiro observou a semana pasada, nalgunhas das súas plantas testemuña un incremento significativo de follas con síntomas deste patóxeno, pero non evolucionaron dende entón.

    Por outra banda, a pesar de producirse algunhas precipitacións, na maioría dos casos foron lixeiras e non suficientes como para manter durante tempo a humidade na vexetación, polo que non se esperan danos de importancia producidos pola botrite. Areeiro tamén informa de que xa se observaron os primeiros acios en fase de maduración afectados por paxaros, por tanto recomenda a vixilancia nas viñas. Tamén aconsella que se sigan controlando os síntomas de golpe de sol, de plantas con alteracións de madeira, e da aparición de máis cepas con síntomas de estrés hídrico.

    A tamén aconsella continuarcomprobando a evolución dos trips nas plantas, xa que avisa de que se atoparon síntomas de alimentación destes insectos en dúas viñas. Compre manter a vixilancia por si houbera que aplicar un tratamento. En canto ós ácaros, continúan observándose síntomas de acariose nas parcelas de seguimento aínda que séguese percibindo unha poboación relativamente importante de ácaros beneficiosos.

    O persoal de Areeiro informa de que se Incrementou o número de perforacións das eirugas nos acios, aínda que sen acadar os limiares que xustificarían unha intervención, polo menos de momento, é necesario vixiar a evolución durante a vindeira semana para determinar si hai que actuar ou non contra as avelaíñas do acio. No caso dos cicadélidos, o persoal da Estación Fitopatolóxica, volveu a capturar esta semana algúns exemplares de Scaphoideus titanus, o vector da flavescencia dourada. Os novos resultados das mostras recollidas esta semana tamén resultaron negativas, é dicir, ausencia do fitoplasma da flavescencia.

    Ademais, Areeiro recomenda manter o seguimento da bolboreta do buxo xa que atoparonse as primeiras eirugas e síntomas da nova xeración de Cydalima perspectalis, aínda que son casos moi puntuais polo que de momento non é necesario tratar. No que respecta á procesionaria do piñeiro descendeu o número de capturas, nestas datas están próximos os nacementos das primeiras eirugas.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS