18.9 C
Pontevedra
Mércores, 22 de Setembro de 2021
Máis
    HomeÉ NoticiaAreeiro advirte do incremento das capturas da avelaíña da mazá

    Areeiro advirte do incremento das capturas da avelaíña da mazá

    O persoal do centro dependente da Deputación tamén pon o foco no seguimento do mildio

    A Estación Fitopatolóxica Areeiro, centro dependente da Deputación de Pontevedra, acaba de lanzar un novo aviso fitosanitario no que recomenda ás persoas viticultoras seguir pendentes ante o mildio e a botrite nas viñas e no que advirte así mesmo sobre o incremento das capturas da avelaíña da mazá.

    No que respecta ao mildio, o persoal da EFA destaca que as condicións meteorolóxicas dos últimos días foron favorables ao seu desenvolvemento e, deste xeito, observouse un avance da presencia de manchas esporuladas nos gromos terminais das viñas que levan tempo sen tratar, e tamén a aparición significativa de rebuscos afectados nestas mesmas parcelas. Non obstante, as previsións da climatoloxía para as vindeiras xornadas, con algunha precipitación feble e posterior estabilización, non deberían, segundo Areeiro, xerar problemas maiores, dada a elevada densidade de vexetación deste ano.

    En canto á botrite, non se atoparon nas parcelas visitadas síntomas desta enfermidade, aínda que o cambio da meteoroloxía para os próximos días fai máis previsible a instalación do patóxeno, pero si se ten mantido unha boa sanidade da uva non é probable que se produzan danos. De instalarse puntualmente o fungo, pódense eliminar os grans/acios afectados ou ben aplicar un funxicida (salvo nos casos en que as adegas limiten os tratamentos) con moi curto prazo de seguridade.

    Capturas de Cydia pomonella nunha semana

    Do mesmo xeito, dende a Estación indican que se observou un incremento da presenza de síntomas do oídio, en especial nas follas e pampos máis tenros das plantas testemuña e naquelas viñas que levan máis tempo desprotexidas. Por esta razón, o persoal de Areeiro sinala que, nalgún caso, poderá será conveniente aplicar un tratamento despois da vendima, non só fronte este patóxeno senón tamén fronte ao mildio.

    Doutra banda, no que respecta á avelaíña do acio, dende a Estación destacan que nesta semana tamén producíronse poucas capturas de machos de Lobesia botrana nas trampas, e o número de ovos e penetracións das eirugas foi tamén moi reducido nas viñas visitadas.

    E no que atinxe aos cicadelidos, volvéronse capturar dous exemplares do mosquito Scaphoideus titanus, mentres que no caso dos demais cicadelidos, o número de insectos mantívose reducido tamén, coma no resto da campaña nas viñas controlada pola EFA. A última referencia ás viñas vén marcada polo incremento da presenza de plantas con síntomas de estrés hídrico debido ás altas temperaturas, así coma da intensidade dos síntomas de patoloxías da madeira nas plantas onde xa apareceran.

    O aviso fai referencia a outros cultivos e, no caso da maceira, Areeiro advirte que esta semana se produciron as maiores capturas da avelaíña nas trampas instaladas na EFA  (15 machos).  E apunta que é bo momento de instalar as bandas-trampa de cartón nas maceiras para capturar as  eirugas que se retirarán a  invernar; xa que ao retirar e destruír estas bandas antes da primavera, elimínase parte da poboación para a seguinte campaña. Por último, non se observaron eirugas da bolboreta do buxo nas revisións, só se atoparon crisálides e a brotación das plantas é máis xeneralizada.

    COLABORACIÓNS

    Saliente de guardia

    El volumen de la canción y un discreto codazo de mi mujer me devolvieron a la realidad. El homenajeado sonreía frente a las velas encendidas de la tarta y los invitados entonaban el 'cumpleaños feliz'. Yo tenía la mirada perdida pero, tras el aviso, me incorporé a las últimas notas y al aplauso final.

    Entrevista a Carlos García Vaso

    Escribir sobre Azul y Negro es un orgullo, ya no solo por ser parte de la historia de nuestra música (¿Quién no recuerda las melodías / himnos que hicieron para varias Vueltas Ciclistas a España?) sino por que nunca fueron de divos y siempre estuvieron cerca de sus fans. Acaban de publicar nuevo disco (el Covid los volvió a unir a la formación original) y por tal motivo charlamos con Carlos.

    ¡Indultos!

    Hace unas semanas fue la época de los indultos. Por un lado, se indultaron a los "díscolos catalanes" que quisieron "separarse de la madre patria" para ocultar las vergüenzas de tantos años de corrupción ya que, si no no se entiende. Ni historia ni, sobre todo los datos económicos, lo sostienen por ningún lado.

    Xesús Constenla, «O peso do cerebro»

    Xesús Constenla xa nos ten acostumados a unha narrativa arriscada e alonxada de tópicos, o que non deixa de ser un aliciente para calquera lector. Agora, con «O peso do cerebro», mantense firme nesta liña de traballo para adentrarse no confuso mundo de don Honorio, un vello afectado de demencia senil que un día, aproveitando un despiste da súa neta, Paula, sae da casa e vaga sen rumbo pola cidade de Barco (doadamente identificable co Ferrol natal do autor), un espazo que, coma o protagonista, coñeceu mellores tempos.

    Colaboradores

    Alberto Aliaga Sola
    12 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    4 POSTS0 COMMENTS
    Manrique Fernández
    44 POSTS0 COMMENTS
    Paz de la Peña
    34 POSTS0 COMMENTS
    Ricardo Canosa Bastos
    1 POSTS0 COMMENTS
    Roberto Mera
    2 POSTS0 COMMENTS