7.6 C
Pontevedra
Venres, 29 de Marzo de 2024
Máis
    HomeÉ NoticiaAreeiro advirte da necesidade de continuar en alerta polo mildio

    Areeiro advirte da necesidade de continuar en alerta polo mildio

    A Estación Fitopatolóxica Areeiro da Deputación vén de lanzar un novo aviso fitosanitario no que mantén as súas recomendacións para a vixilancia das viñas ante as condicións climatolóxicas previstas a curto prazo, cun tempo inestable e temperaturas nocturnas elevadas, pola potencial aparición de novos síntomas de mildio. En concreto, recomenda continuar en alerta especialmente naquelas viñas nas que estea próximo a concluír o período de protección do tratamento e renovar as intervencións, malia que o risco de novas infeccións diminuirá a medio prazo se se confirma unha maior estabilidade. Areeiro tamén aconsella retirar os gromos rotos polo vento nas viñas, ao fin de evitar que se instalen fungos por mor da humidade.

    Segundo sinala o aviso fitosanitario, as temperaturas nocturnas bastantes altas e a humidade provocaron a aparición de manchas novas nas plantas sen tratamento en todas as comarcas, así como nas vides de variedades pouco sensibles. Ademais, o persoal do centro recibiu avisos de predios con infeccións non controladas, e incluso síntomas en acios e pampos. Pola contra, naquelas viñas protexidas con funxicidas non se observa, en xeral, unha frutificación viable nin zonas de avance. Algo que concorda cos datos recollidos ao abeiro do programa europeo Plasmowine, o sistema de apoio á toma de decisión para determinar o momento óptimo para aplicar tratamentos contra o mildio, que indican que a concentración diaria de esporas segue a ser baixa, se ben os desta semana rexistraron os valores máis elevados de toda a campaña.

    No relativo ao pexegueiro, están a aparecer os primeiros síntomas de lepra, polo que resulta conveniente aplicar un tratamento fronte á enfermidade. Ademais, as condicións meteorolóxicas destas semanas favorecen aos patóxenos habituais das hortícolas en xeral, polo que, unha vez que finalicen as precipitacións, é preciso intervir. O aviso fitosanitario de Areeiro tamén fai mención ás maceiras, nas que debido á climatoloxía cálida e húmida actual, é recomendable aplicar produtos contra o moteado. Ademais, xa se rexistraron as primeiras colonias de pulgón cincento nas maceiras de Areeiro, polo que se recomenda iniciar a vixilancia. Por último, no que respecta ao buxo, se ven a semana pasada non se atoparon eirugas nas sebes baixo vixilancia, esta semana apareceu xa algunha ben desenvolvida.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.