A Xunta de Galicia informa que xa están agotadas as 25.000 autocitas para a vacinación da mocidade de 16 a 21 anos. Os ocos esgotáronse a primeira hora da tarde, despois de que a elevada demanda obrigara a poñer en marcha un plan de continxencia co fin de aliviar o tráfico na rede, incluso antes das 9 da mañá. Precisamente, a programación destas 25.000 novas autocitas se fixo en xornada de fin de semana para evitar repercusión nos sistemas asistenciais.
Tras unha primeira hora máis lenta no proceso, a partir das dez da mañá, xa se estaban citando arredor dunhas 300 persoas cada 10 minutos, ata chegar ás 2.000 cada 10 minutos, ao longo do día.
Sinalar que antes das nove da mañá xa había múltiples solicitudes, e que, nalgún momento houbo máis de 50.000 por minuto, alcanzándose, nas primeiras dúas horas, 1,6 millóns de solicitudes. A pesar deste volumen, o plan de continxencia previsto e o reforzo de recursos humanos e materiais previsto funcionou, e, ás 14 horas, xa había 6.000 autocitas dadas e, ao redor das 16 horas, se esgotaron as 25.000.
A Xunta de Galicia xa abrira a autocita no mes de xullo para persoas maiores de 50 anos e para os estudantes de ERASMUS; e, días despois, puxéronse uns 17.000 ocos e hoxe outros 25.000. A alta demanda demostra o interese da mocidade á hora de vacinarse, feito polo que debemos congratularnos.
A Xunta asegura que Galicia non recibirá ningunha das Pfizer prometidas polo Goberno do estado
A Xunta de Galicia asegurou tamén que “vese obrigada a reprogramar a vacinación da semana que vén”, tras comunicarlle o Goberno central que só recibirá a metade das doses de Moderna comprometidas e ningún dos viais de Pzifer que anunciara o presidente do Goberno. O conselleiro de Sanidade, Julio García Comesaña, non entende porque se penaliza a Galicia, unha das comunidades autónomas que máis rápido está a vacinar.
Segundo a información remitida polo Ministerio de Sanidade á Xunta de Galicia, as doses de Moderna se reducen á metade e argumentan que se compensan con 8.700 doses de Pzifer, o que obriga, unha vez máis, a reprogramar o operativo para garantir a segunda administración da vacina de Moderna a moitos cidadáns galegos. A isto hai que engadirlle a confirmación de que Galicia non recibirá ningunha dos viais anunciados polo presidente do Goberno a semana pasada.
Este anuncio prodúcese unhas horas despois de que o conselleiro de Sanidade remitira unha carta á ministra de Sanidade, Carolina Darias, exisindo información puntual e clara sobre o reparto de vacinas, para poder programar e seguir inmunizando á nosa poboación.
Así mesmo, o conselleiro refería na misiva que “sería, tamén, un bo momento para incorporar esa información a un informe completo, que non tivemos desde o inicio do proceso, sobre os criterios que se foron aplicando nas sucesivas reparticións ata hoxe”.
Criterios de repartición
Para o conselleiro, “na repartición destas novas doses debe seguir contemplándose o criterio de poboación diana que se nos dixo que se fixou desde un comezo, tendo en conta, tamén, outros factores como o número de casos positivos que tivo cada comunidade autónoma, e que, por tanto, requiren unha dose menos para recibir a pauta completa”.
Considera, así mesmo, o máximo responsable galego, que no axuste debe considerarse, igualmente, os positivos que se teñen dado en cada comunidade, pois, no caso dos menores de 65 anos, so precisan dunha dose e non de dúas, tal e como figura na propia extratexia de vacunación.
A Xunta de Galicia confía en que o Goberno rectifique esta decisión unilateral e non comunicada ata onte mesmo, unha semana despois do anuncio do presidente Pedro Sánchez.
