7.6 C
Pontevedra
Venres, 29 de Marzo de 2024
Máis
    HomeÉ NoticiaA VI edición do "Practicum Depo" da Deputación, porá en marcha máis...

    A VI edición do “Practicum Depo” da Deputación, porá en marcha máis de 100 mobilidades en Europa para alumnado e docentes de FP

    Carmela Silva: “A formación ten que ser a gran prioridade, non podemos mirar a outro lado aínda que esteamos nunha situación de pandemia”

    “A formación ten que ser a grande prioridade, non podemos mirar a outro lado aínda que esteamos nunha situación de pandemia”. Baixo esta premisa, a presidenta da Deputación de Pontevedra, Carmela Silva, informou da xeración de crédito para o programa “Practicum Depo 2020”, aprobada este venres pola Xunta de Goberno do ente local. “Temos que seguir poñendo en marcha proxectos de formación para todo o alumnado”, polo tanto, este Practicum Depo “levarase a cabo con todas as medidas e garantías”. Para esta nova edición do programa o ente provincial aporta 162.976 euros do total do orzamento, que ascende a 734.027 euros. O resto da contía, 571.051 euros, é aportada polo Servizo Español para a Internacionalización da Educación (SEPIE), adscrito ao Ministerio de Universidades.

    A través desta sexta edición de “Practicum Depo” poranse en marcha 96 mobilidades de alumnas e alumnos e 11 de formación de persoal docente. No programa participan 37 centros educativos de 21 concellos da provincia, que enviarán ás e aos participantes en Practicum Depo 2020 a países como Irlanda, Italia, Portugal, Malta, Alemaña, Grecia, Finlandia e Países Baixos durante os 24 meses que durará esta iniciativa.

    Carmela Silva lembrou que “o obxectivo deste programa é levar a cabo a mobilidade de estudantes graduados de Formación Profesional de ciclos medios co fin de colaborar na súa integración no mundo laboral, a través de prácticas laborais en empresas e institucións estranxeiras. Do mesmo xeito, o programa tamén serve para que os profesorado poida beber de novas fontes de coñecemento para poder aplicalas despois nas aulas da nosa provincia”.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.