12.2 C
Pontevedra
Luns, 25 de Outubro de 2021
Máis
    HomeÉ NoticiaA proposta de #DefensorasdeDereitos e a Deputación para sementar o cambio dende...

    A proposta de #DefensorasdeDereitos e a Deputación para sementar o cambio dende a lectura

    A colección estréase con tres títulos que narran as vidas e o compromiso coa xustiza de tres activistas de Honduras, México e Guatemala

    Defender os dereitos humanos como proxecto vital e político nunha das rexións máis perigosas do mundo para levalo a cabo. Este é o nexo en común das tres protagonistas da colección ‘Defensoras de Dereitos’ que onte presentouse no Museo de Pontevedra nun acto que contou coa presidenta provincial Carmela Silva, a portavoz da Coordinadora Galega de ONGD, Lorena Seijo, e Marusia López, Co-fundadora de IM-Defensoras, que se conectou desde México. Os libros, escritos pola xornalista Lara Dopazo, están enmarcados no proxecto da Deputación e a Coordinadora, en colaboración coa Iniciativa Mesoamericana de Mujeres Defensoras de Derechos Humanos, e narran as vidas e o compromiso de Miriam Suazo, Estela Ángeles Mondragón e María Cuc Choc, tres activistas de Honduras, México e Guatemala, que forman parte das máis de 2.000 mulleres defensoras organizadas en Mesoamérica.

    A colección pon en valor e visibiliza o imprescindible labor de mulleres defensoras de dereitos humanos que sementan o cambio e transforman o mundo a diario. Xunto ás súas historias, os libros falan do contexto social e político que está a provocar as situacións de desigualdade e inxustiza que afrontan as protagonistas. A colección está dirixida ao público xuvenil e ten un formato adaptado para que, desde os centros educativos e os espazos de educación non regrada como os centros socioculturais, se reflexione e traballe colectivamente o seu contido.

    A presidenta da Deputación de Pontevedra, Carmela Silva, enxalzou ás mulleres da Iniciativa Mesoamricana como Marusia. “A realidade é diferente depende de onde naces ou vivas porque hai lugares onde nin sequera as estruturas son democráticas, onde nacer xa é un risco para a supervivencia. Sodes un exemplo de vida, dixo, e merecedes un recoñecemento global”. A presidenta provincial, que avanzou que “faremos un esforzo enorme por achegar estes libros a todos os centros educativos porque son un regalo de vida e porque estas experiencias teñen que chegar a todas partes”, tamén recoñeceu un dobre sentimento: “a indignación que sempre temos porque é intolerable que tiñamos que defender os dereitos da metade da poboación, pero tamén a alegría de ver estas redes de mulleres, o vínculo que temos que crear porque a loita dunha muller é a loita de todas e a loita nun lugar é a loita en calquera lugar”. “Esta loita, afirmou, é unha loita planetaria e debe ter unha resposta global, porque non remata nun territorio”. Carmela Silva insistiu en que “a Deputación o que fai é unha obriga porque as administracións teñen que apoiar as iniciativas que nacen da sociedade civil e que buscan xustiza. Só somos un instrumento e temos a responsabilidade de dar respostas”. E rematou con optimismo. “É un longo camiño hacia o que de momento é unha utopía, pero a utopía se transforma en realidade cando rematas ese camiño no que temos que estar todas e todos”.

    Os libros, dirixidos ao público xuvenil, enmárcanse na iniciativa da Deputación de Pontevedra e a Coordinadora Galega de ONGD xunto á Iniciativa Mesoamericana de Mujeres Defensoras de Derechos Humanos

    Pola súa banda, a portavoz da Coordinadora Galega de ONGD, Lorena Seijo, subliñou a importancia de “tecer rede con organizacións de países onde traballamos as ONGD galegas e de dar coñecer, entre a mocidade de Galicia, as causas das inxustizas e desigualdade que viven as comunidades das protagonistas dos libros”.

    Miriam Suazo e a digna rabia(a partir de 12 anos) aborda a defensa dos dereitos das mulleres en Honduras; Estela Ángeles Mondragón e o camiño a Baqueachi (a partir de 14 anos) narra a loita polos dereitos territoriais da comunidade indíxena rarámuri do norte de México; e María Cuc Choc o corazón en alto(a partir de 15 anos) percorre a pugna pola recuperación das terras usurpadas por empresas extractivistas en Guatemala e a defensa dos dereitos das mulleres indíxenas maia q’eqchi’. Os tres libros distribuiranse gratuitamente a quen os solicite e poden atoparse en formato dixital nas distintas páxinas web das organizacións implicadas. A autora, Lara Dopazo é actualmente voluntaria da Asociación AGARESO que será quen acompañará os centros educativos que soliciten traballar os contidos dende as aulas. No acto de presentación, a escritora destacou “a valentía e forza das mulleres defensoras de dereitos malia as inxustizas e violencias que atravesan as súas vidas como consecuencia do seu traballo”. Segundo datos de IM-Defensoras, as alertas recibidas por esta organización dende o inicio da pandemia incrementáronse un 123%: medraron as detencións arbitrarias, as campañas de desprestixio, a represión e a criminalización. Dende marzo, 10 defensoras mesoamericanas foron asasinadas.

    ‘Defensoras de dereitos’, tamén contou nesta segunda edición cunha exposición fotográfica que ata o 20 de decembro poderá verse nos escaparates de 20 comercios de Gondomar e A Estrada. #Defensoras Semillas de Cambio recolle os retratos e as historias de vida de 15 mulleres defensoras de dereitos Humanos de Honduras, Guatemala, El Salvador, México e Nicaragua.

    COLABORACIÓNS

    Desplazados en la sanidad

    La sanidad pública se mantiene como uno de esos pocos motivos de orgullo que le quedan al contribuyente. Nuestros impuestos mantienen un complejo entramado de centros sanitarios y profesionales que tejen una invisible red de seguridad a nuestro alrededor. Con independencia del motivo de consulta, el deseo de cualquier usuario es que la asistencia sea fluida, ágil y precisa. Necesitamos percibir que somos escuchados con atención y tratados con respeto, diligencia y empatía.

    Samuel Merino (Pompa e Boato), «Guantanamera (Poema nun só acto)»

    Primeiro poemario en galego de Samuel Merino, logo de dous textos en castelán («Enésima patada con amor» e «Trementina») que son dúas auténticas esgazaduras polas que esborrexe, pinga a pinga, a alma do autor. Naqueles primeiros versos, asinados baixo o pseudónimo de «Pompa e Boato», o poeta semella reconstruirse logo dun particular descenso aos seus propios infernos.

    Sentir común

    Allá por el año 2014, el lema de una gran compañía "gallega" se dejó sentir por nuestro pueblos y ciudades. Si os fijáis, lo he puesto entre comillas lo de gallega porque, de eso, lo único que tiene es el dinero de todos nosotros. Comencemos por el principio y no vamos a dar nombres porque la mayor parte de nuestros lectores ya saben o empiezan a intuir a lo que nos vamos a referir.

    Ácido y Caracola

    Todo comenzó hace muchos, muchos años, cuando Caracola aun vivía feliz, en el fondo del mar. De todas las princesas marinas que habitaban en las profundidades, ella era la más querida y la preferida de Océano, el Señor de todos los mares, y como tal, poseía todo aquello que pudiera desear

    Colaboradores

    Alberto Aliaga Sola
    13 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    5 POSTS0 COMMENTS
    Manrique Fernández
    47 POSTS0 COMMENTS
    Paz de la Peña
    35 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    2 POSTS0 COMMENTS