14 C
Pontevedra
Luns, 23 de Maio de 2022
Máis
    HomeÉ NoticiaA Deputación retoma a doazón de especies vexetais de Areeiro

    A Deputación retoma a doazón de especies vexetais de Areeiro

    Este ano as persoas e institucións interesadas poderán elixir entre 91 variedades de plantas, máis do dobre que o pasado ano, das que 45 son camelias

    A Deputación de Pontevedra ven de retomar a doazón de especies vexetais da Estación Fitopatolóxica de Areeiro para que concellos, centros educativos, entidades, institucións e particulares poidan seguir enriquecendo os xardíns abertos ao público na provincia. A institución puxo en marcha esta iniciativa o pasado ano co obxectivo de enriquecer a diversidade botánica e o patrimonio vexetal dos parques e xardíns, amais de mellorar o espazo público e preservar os valores ambientais. Amais, estas doazóns teñen tamén como finalidade servir de recurso educativo e turístico dos espazos onde se planten. Deste xeito, no 2021 foron preto de 800 as plantas cedidas, a maior parte a concellos, seguidos de asociacións, fundacións e centros escolares.

    En concreto, as especies vexetais que poderán solicitarse son excedentes das cultivadas no viveiro da Estación Fitopatolóxica de Areeiro, onde anualmente se reproducen con sementes e se propagan con esgallos especies vexetais para realizar diferentes estudos e conservar a diversidade vexetal da provincia. Este ano hai 91 especies para elixir, máis do dobre ofertado o ano pasado, entre as que figuran carballos, rododendros, tuias, feixoas, castiñeiros, carballos, araucarias, palmeiras, cipreses, sobreiras ou magnolios entre outras. Entre as plantas que se ofrecen hai 45 cultivares de camelias, en concreto diversas variedades de xapónicas, sasanqua, ou híbridos williamsii. 

    As entidades, concellos e centros escolares que dispoñan de xardíns abertos ao público e estean interesadas nestas especies deben presentar unha única solicitude na que poderán pedir ata 35 exemplares de diferentes especies. Poderán facelo ata o próximo 9 de maio, e para formalizalas terán que facelo de xeito telemático a través da sede electrónica da institución provincial. No caso das persoas físicas, poderán tramitalo de xeito presencial.

    Camelia williamsii Brigadoon
    Camelia Narumigata

    A doazón só estará condicionada á presentación dunha memoria que incluirá un bosquexo (plano sinxelo) e fotos do lugar onde se localizarán os exemplares. Así mesmo, o persoal de Areeiro determinará tamén se as especies solicitadas son adecuadas para a zona de cultivo e poderá suxerirlle á persoa ou institución interesada cambialas por outras consideradas máis idóneas.

    Trala entrega das especies vexetais, que terá lugar entre os meses de outubro a decembro coincidindo co período máis favorable para a súa plantación, as persoas beneficiarias deberán identificar os exemplares cunha placa de identificación, na que deberá figurar o xénero botánico e a especie da que se trata, o nome común e o Código QR para acceder á información da planta de maneira telemática. O citado código deberá xerarse, para cada unha das especies recibidas, a través dun enlace a web da Deputación. As placas poderán levar ademais o logo do concello, organismo, colexio ou asociación e, no caso de se trate dunha camelia, a placa deberá levar tamén o logo da colección de camelias da Deputación de Pontevedra. Estas fichas técnicas que se entregarán coas plantas, que inclúen a identificación das especies e información xeral, reforzarán o carácter educativo e turístico destes xardíns e das áreas integradas nestas doazóns.

    Doazóns do 2021

    O pasado 2021 a través desta iniciativa a Deputación doou preto de 800 especies vexetais (779) entre unha trintena de concellos, asociacións e fundacións e centros escolares da provincia. En concreto, foron 15 os municipios beneficiados cun total de 466 plantas: Mos, Cerdedo-Cotobade, Meaño, A Guarda, Catoira, a entidade local de Vilasobroso, Mondariz, Mondariz-Balneario, Moaña, Forcarei, Caldas de Reis, Gondomar, Vilaboa, O Grove e Vilagarcía de Arousa. No que atinxe aos centros escolares, beneficiáronse o IES e o CEIP Mestre Valverde de Mos e o IES Antonio Alonso Ríos de Tomiño de 83 plantas. E, por último, recibiron 230 plantas o Centro Social Cultural e Deportivo As Pedriñas (Mos), a Fundación Monte Castrove, a Fundación Pazo de Mos, a Comunidade de Montes de Tameiga (Mos), a Fundación CEO, Ciencia e Cultura, a Asociación Camiño Portugués, a Sociedade Galega de Historia Natural, a Comunidade de Montes de Vincios e o Obradoiro de Caldas de Reis.

    COLABORACIÓNS

    Diego Giráldez, «O meu sangue»

    Diego Giráldez regresa cunha novela bastante peculiar, que ben poderiamos considerar unha parodia do xénero negro levada a tal extremo que a piques está de se converter en si mesma nunha novela negra.

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    64 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS