16.8 C
Pontevedra
Mércores, 18 de Maio de 2022
Máis
    HomeÉ NoticiaA Deputación prorroga case un ano o prazo para rematar as obras...

    A Deputación prorroga case un ano o prazo para rematar as obras do Plan DepoRemse

    A Deputación de Pontevedra aprobará na sesión do seu primeiro Pleno telemático da historia, que se celebrará o próximo día 24, a modificación das bases do Plan de Remodelación e Mellora da Seguridade dos Viais Municipais (DepoRemse) pola que se prorrogará o prazo para o remate das 31 obras previstas nos concellos, cun montante total de 11 millóns de euros, e que supón un dos maiores impulsos á obra pública na provincia.

    A presidenta provincial, Carmela Silva, explicou esta medida “na convicción de que estamos a vivir uns momentos históricos e dunha complexidade extraordinaria, polo que as Administracións deben traballar xuntas, sumando esforzos, para facer todo o posible para protexer a saúde das persoas e, en segundo lugar, procurar que a economía se resinta o menos posible. A obra pública, dixo Silva, é un sector especialmente sensible polo seu peso na xeración de emprego.

    Ao mesmo tempo, o apoio aos concellos forma parte do modelo que representa a nova Deputación, polo que diante da actual crise só cabía reforzar a alianza co mundo local”. A presidenta cualificou aos municipios como “a verdadeira vangarda territorial na loita institucional contra a pandemia polo que diante deste escenario que nos toca vivir, non imos consentir que nin unha soa obra, financiada pola Deputación, deixe de executarse por razóns administrativas”.

    O acordo, que será sometido a votación no Pleno telemático do día 24 consiste nunha prórroga de 11 meses do prazo de execución das obras. A data límite actual estaba fixada no 30 de xuño deste ano e agora adíase ao 31 de maio de 2021. Ao mesmo tempo, o prazo de xustificación administrativa continuará a ser de catro meses dende o remate da obra, polo que pasa ao 30 de setembro de 2021. Carmela Silva explicou que a Deputación aposta polo “máximo legal permitido” en materia de subvencións ao obxecto de despexar incógnitas aos concellos. “Un acordo”, continuou, “que tamén vai ser positivo para veciñanza destes 31 concellos, pois en tódolos casos trátase de obras moi necesarias e que van mellorar a calidade de vida”. Neste senso lembrou que tódolos proxectos foron seleccionados, en concorrencia competitiva, polo persoal técnico provincial e atendendo sempre a criterios de mellora da seguridade viaria e humanización dos espazos públicos”.

    Os concellos beneficiarios do Plan DepoRemse son Bueu, Moraña, Barro, Poio, Campo Lameiro, As Neves, Salvaterra de Miño, A Cañiza, Crecente, Covelo, Ponteareas, Silleda, Vila de Cruces, Fornelos de Montes, Baiona, A Guarda, Ribadumia, A Illa de Arousa, Catoira e Cangas-Moaña (que presentaron senllos proxectos coordinados entre os dous municipios). De entre todos eles Barro, A Cañiza, Catoira, Covelo, A Illa de Arousa, Ribadumia, Salceda de Caselas e Silleda teñen rematadas as súas actuacións.

    Tamén están en execución, en distintos grados de madurez, os proxectos de Baiona, Bueu; Campo Lameiro, Cuntis, Crecente, Grove, Guarda, Fornelos de Montes, Moaña, Mondariz, Moraña, Neves, Poio, Salvaterra de Miño, Tomiño, Tui, Vila de Cruces e Vilagarcía de Arousa. En fase de licitación están os proxectos de Ponteareas, Pontecesures, O Porriño e, finalmente, pendentes de iniciar o expediente de contratación Cangas e Meaño.

    En canto á tipoloxía dos proxectos todos teñen en común a mellora da seguridade viaria nos seus termos municipais. Así, Moaña e Cangas compartiron a implantación do eixe de mobilidade amable e segura entre os seus centros urbanos. En Bueu optouse pola reurbanización integral da rúa A Pedra. En Moraña trabállase na mobilidade viaria na contorna dos centros culturais e educativos da Chan de Amil. En Barro, na seguridade viaria en lugares do municipio. En Poio, adaptación integral na contorna da Seara. En Campo Lameiro, na peonalización da rúa José Antonio e conexión da Casa do Concello coa Chanciña. Nás Neves, reforma da rúa Rosalía de Castro. En Salvaterra de Miño, pasos sobreelevados en vías municipais. Na Cañiza, humanización da contorna do colexio de Infantil e Primaria. En Crecente, accesibilidade nos accesos ao colexio, residencia de maiores e o centro de saúde. En Covelo, mellora de viais municipais. En Ponteareas, integración urbana da contorna da piscina, o centro deportivo e o Centro de Saúde. En Silleda, adaptación da contorna do Centro de Saúde e Residencia de Maiores. En Vila de Cruces, mellora da seguridade na contorna do colexio, escola infantil e polideportivo municipais. En Fornelos de Montes, reurbanización da praza da Igrexa e rúas de As Escolas. En Baiona, reforma da rúa Real Sabarís. Na Guarda, mobilidade segura nas rúas Vigo e Celta. En Ribadumia, adaptación dos accesos á escola infantil, colexio Julia Becerra, pavillón polideportivo e campo de fútbol de A Bouza. En A Illa de Arousa, reforma da contorna do Centro de Saúde. Finalmente, en Catoira, estase a mellorar a seguridade dos viais das parroquias de Abalo, Catoira e Dimo.

    COLABORACIÓNS

    ¡El mago de la electrónica, ha muerto!

    El personaje de la portada, es probable que a muchos lectores no le suene, quizás algunos al ver los cachibaches que está utilizando, se puedan hacer una pequeña idea, pero los seguidores de la música electrónica clásica y el Krautrock, seguro que si lo conocen perfectamente. Estamos hablando del mago de la electrónica, uno de esos pioneros que elevaron este estilo musical y la forma de hacer música al grado de celestial. Esta semana nos ha dejado el gran e inigualable, Klaus Schulze.

    Ledicia Costas, «O neno de lume»

    Ledicia Costas ten unha imaxinación poderosa e unha rara habilidade para a construción do que poderiamos chamar «relato marabilloso», ese que mistura realidade e fantasía, no que conviven persoas do común con seres sobrenaturais dotados de habilidades especiais.

    Mamá

    Cuatro letras de una de las palabras que primero aprendemos, que más pronunciamos a lo largo de nuestra vida y que más seguridad nos transmite.

    Brillante papel do CN Ponteareas nos campionatos de España de Torremolinos

    Torremolinos, en Málaga, foi a sede do XXII campionato de España “Open” Absoluto–XXXVIII Campionato de España júnior, que se disputou en piscina de 50 metros do 9 ao 13 de abril. O evento congregaba aos principais nadadores e nadadoras nacionais e foi retransmitido en directo pola canle Teledeporte.

    Colaboradores

    Alberto Aliaga Sola
    19 POSTS0 COMMENTS
    Bea Sanfa
    12 POSTS0 COMMENTS
    Manrique Fernández
    63 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS