15.2 C
Pontevedra
Sábado, 15 de Maio de 2021
Máis
    HomeÉ NoticiaA Deputación pon en marcha a quinta edición dos cursos de español...

    A Deputación pon en marcha a quinta edición dos cursos de español para persoas inmigrantes

    Aberto o prazo de inscrición nos tres cursos programados que teñen como obxectivo facilitar a obtención da proba DELE A2, indispensable para acadar a nacionalidade

    A Deputación de Pontevedra vén de lanzar a quinta edición dos cursos de español para persoas inmigrantes, a iniciativa coa que a institución provincial apoia á poboación non hispanofalante a preparar e superar a proba DELE A2 (Diploma de Español Como Lingua Estranxeira), indispensable para que poidan logo solicitar a nacionalidade española. Ao igual que o pasado ano, haberá un total de 55 prazas nos tres cursos de 40 horas de duración que se desenvolverán nesta edición, dous en Vigo e un en Pontevedra.

    Desde este luns 12 de abril e ata o día 30 deste mes (inclusive) as persoas interesadas poden inscribirse a través do formulario que poden atopar na web da Deputación (www.depo.gal). As actividades arrancarán o 24 de maio en Vigo, co primeiro curso que se prolongará ata o 11 de xuño, en horario de 15.30 a 18.10 horas, e que ten un total de 20 prazas. Tamén na cidade olívica desenvolverase a segunda actividade formativa, desde o 14 de xuño ao 2 de xullo, de 9.30 a 12.10 horas, con 15 prazas. E do 13 de setembro ao 1 de outubro terá lugar o curso en Pontevedra, con 20 prazas, en horario de 9.30 a 12.10 horas.

    As clases, ao igual que o pasado ano, desenvolveranse cun estrito protocolo anti Covid, que inclúe o uso obrigatorio de máscaras e a dotación de material de hixiene para garantir a seguridade. En caso de que a formación non se puidera impartir polas circunstancias de modo presencial, valorarase a posibilidade de realizala en remoto e, en todo caso, o seu desenvolvemento estará supeditada á normativa vixente en cada momento.

    Nestes cursos poden participar persoas maiores de 16 anos que estean empadroadas nalgún dos concellos da provincia e se atopen en situación regular. Unha vez finalizados os cursos, o alumnado presentarase ao exame do DELE A2 que levará a cabo o Instituto Cervantes en Vigo, que terá lugar o 10 de setembro para as persoas que participaron nos dous primeiros cursos e o 13 de novembro para as do terceiro curso.

    A Deputación de Pontevedra puxo en marcha esta iniciativa no ano 2017 co fin de facilitar lles ás persoas de países non falantes a consecución deste título e, por conseguinte, apoiar a súa integración na provincia como cidadanía de pleno dereito. Trátase dunha proba que require unha preparación previa e ten un custo económico que dificultan o acceso á nacionalidade española para un determinado sector da poboación e, polo tanto, favorecen procesos de exclusión social. A través deste programa, a institución provincial subvenciona o custo da formación e tamén o da matrícula no DELE A2. Nas catro edicións anteriores, estas actividades tiveron un total de 235  participantes.

    O pasado ano un total de 40 persoas superou a proba, o que supón un 80% do alumnado. A maioría das persoas participantes procedían de Marrocos, Brasil e Senegal, amais doutros países como Ghana, Mauritania, Quenia, Alxeria ou Nixeria.

    COLABORACIÓNS

    Bea Sanfa, unha visión moi persoal de plans, receitas, viaxes e moito máis

    A día de hoxe podemos dicir que contamos no noso xornal cunha nova colaboración moi interesante e auténtica a cargo da soberina Bea Sanfa. Para nós é unha ledicia poder contar con esta sección que de seguro vos axudará nestes tempos que estamos a vivir.

    Nee Barros Fernández, «Identidade»

    «Identidade» é unha peza teatral que chega a nós como o primeiro traballo de Nee Barros, e nos presenta a un autor ao que haberá que prestar atención na súa andaina polas nosas letras. Poderiamos falar, de primeiras, de que é un texto preñado de sinceridade e rotundidade, pois o título é bastante contundente e, por se houbese algúnha dúbida, leva un subtítulo aínda máis aclaratorio: «A normalidade do non-común». E tal é o alicerce sobre o que se constrúe a súa historia: a revelación da normalidade na construción dunha identidade.

    Movimiento máster, deporte para todas las edades

    Hace unas semanas, la Liga Europea de Natación (LEN) emitía un comunicado en el que anunciaba que el Campeonato de Europa de natación máster quedaba definitivamente cancelado. Previsto inicialmente para la primavera de 2020, se había pospuesto a mayo de 2021 en previsión de que la situación epidemiológica en esta fecha fuese más favorable, pero la realidad ha acabado imponiéndose a los deseos de organización y participantes.

    Colaboradores

    Alberto Aliaga Sola
    4 POSTS0 COMMENTS
    Ángel Covelo
    6 POSTS0 COMMENTS
    Bea Sanfa
    1 POSTS0 COMMENTS
    Manrique Fernández
    38 POSTS0 COMMENTS
    Paz de la Peña
    30 POSTS0 COMMENTS
    Roberto Mera
    1 POSTS0 COMMENTS