18.1 C
Pontevedra
Sábado, 26 de Novembro de 2022
Máis
    HomeÉ NoticiaA Deputación facilitará especies vexetais desde Areeiro para plantar nos xardíns públicos...

    A Deputación facilitará especies vexetais desde Areeiro para plantar nos xardíns públicos da provincia

    Carmela Silva: “Queremos enriquecer a diversidade botánica e o patrimonio vexetal, mellorando o espazo público e preservando os valores ambientais”

    No marco da súa firme aposta pola defensa medioambiental, a Deputación de Pontevedra vai doar especies vexetais da Estación Fitopatolóxica de Areeiro para a súa plantación en xardíns públicos da provincia, co obxectivo de “enriquecer a diversidade botánica e o patrimonio vexetal, amais de mellorar o espazo público”, como destacou hoxe a presidenta, Carmela Silva. Trátase dunha nova iniciativa da institución que permitirá “mellorar a paisaxe e preservar os seu valores ambientais nun momento en que xa ninguén dubida de que hai que tomar decisións para defender a nosa contorna e loitar contra o cambio climático”.

    A iniciativa está dirixida a concellos, centros educativos, institucións, asociacións e particulares, que poderán solicitar estas especies para plantar nos seus espazos sempre que se trate de xardíns abertos ao público. Carmela Silva explicou que estas especies son excedentes das cultivadas no viveiro da Estación Fitopatolóxica de Areeiro, onde anualmente se reproducen con sementes e se propagan con esgallos especies vexetais para realizar diferentes estudos e conservar a diversidade vexetal da provincia. “Agora, imos promover que estas plantas, a maioría delas autóctonas, poidan estar no espazo público e o imos facer con transparencia, equidade e con criterios obxectivos a través dun procedemento de concorrencia non competitiva”, explicou.

    Neste ano 2021 haberá a disposición 41 especies, entre as que figuran piñeiros, carballos, chopos, tuias, feixoas, cipreses, abetos, palmeiras, hedras ou liquidámbar. Tamén se ofrecerán camelias, en concreto das especies xapónica, sasanqua, reticulata e cultivares híbridos entre outras. As plantas entregaranse ao longo do ano en dous períodos: dos meses de outubro a decembro e de febreiro a maio, coincidindo coas etapas favorables para a súa plantación, e as entidades e persoas interesadas terán que presentar unha única solicitude por convocatoria, na que poderán pedir ata 35 exemplares.

    Como explicou a presidenta provincial, con cada exemplar a Deputación entregará unhas fichas técnicas con información sobre cada especie, que deberán estar á vista das persoas visitantes dos xardíns, “de xeito que poderán ser utilizadas tamén como recurso educativo e didáctico” por parte das institucións e  concellos. Ademais, proporcionará o correspondente código QR para facilitar a consulta telemática da información de cada planta. As doazóns só estará condicionadas á presentación dunha memoria que incluirá un bosquexo (plano sinxelo) do lugar onde se localizarán os exemplares. Así mesmo, o persoal de Areeiro determinará tamén se as especies solicitadas son adecuadas para a zona de cultivo e poderá suxerirlle á persoa ou institución interesada cambialas por outras consideradas máis idóneas. As bases anunciaranse proximamente a través do Boletín Oficial da Provincia e as solicitudes se poderán realizar a partir do día seguinte ao da súa publicación.

    COLABORACIÓNS

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Visión a corto plazo

    Estos días, hablando con varios amigos sobre la situación global del mundo, pues caímos en la conclusión de algo que salta a la vista, pero que nos olvidamos continuamente, la falta de visión a largo plazo de nuestros políticos.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS