17.9 C
Pontevedra
Mércores, 5 de Outubro de 2022
Máis
    HomeÉ NoticiaA Deputación e a Ruta do Viño Rías Baixas redobran a súa...

    A Deputación e a Ruta do Viño Rías Baixas redobran a súa estratexia conxunta con tres novos proxectos

    A Deputación de Pontevedra e a Ruta do Viño Rías Baixas estreitaron aínda máis a súa relación de traballo conxunto e a súa vontade de colaboración para a posta en valor do potencial enoturístico da provincia e da propia Ruta, no transcurso da xuntanza que a presidenta provincial Carmela Silva mantivo  no Pazo Provincial co seu presidente, Juan Gil de Araújo; o vicepresidente, Ramón Huidobro, e a xerente, Lorena Vidal. Carmela Silva trasladoulles a felicitación da provincia polo premio FIJET 2022, outorgado pola Asociación de Xornalistas e Escritores de Turismo como mellor ruta do Estado e que será entregado en FITUR, o que agradeceu Juan Gil. O máximo responsable da Ruta cualificou o Premio como “un recoñecemento de todos/as” e destacou que o sector vitivinícola ten un gran futuro, poñendo en valor o crecemento da Ruta do Viño que xa é unha referencia mundial”. Carmela Silva enxalzou a traxectoria da Ruta Rías Baixas “que hoxe  está xa nas “medallas” en España, pero que como temos moita ambición aspiramos a que moi pronto sexa a primeira. O seu crecemento está a ser extraordinario, dos maiores de todo o estado”, enxalzou.

    No encontro, a Deputación e Ruta do Viño Rías Baixas concordaron no estudo de tres novos proxectos cara a impulsar o “a enorme potencia do enoturismo na provincia e da propia Ruta”. Ambos os dou organismos traballarán “da man” na elaboración dun proxecto de enogastronomía para captar financiación dos fondos Next Generation, co fin de poñer en primeira liña o gran potencial enoturístico da provincia. “Traballaremos nun proxecto que sexa un relato fermoso, cheo de paixón, e no que a Ruta do Viño sexa o corazón”, dixo Carmela Silva, que recibiu o agradecemento da directiva da Ruta “polo compromiso e a vontade de colaboración da Deputación cos sectores que tanto teñen que ver co turismo”. A presidenta provincial tamén avanzou a disposición da Deputación de Pontevedra a dar apoio, colaborar con asesoramento técnico e incluso participar na proposta que ACEVIN, a entidade que aglutina a todas as rutas do viño do estado incluída Rías Baixas, vai presentar á convocatoria de “Experiencias” dos Next Generation.

    Amais, Deputación e Ruta porán en marcha un canal de colaboración para a promoción da Ruta do Viño Rías Baixas, para visibilizar ao sector “aínda que irá moito máis aló”. Integraría con accións concretas ás adegas, establecementos hostaleiros e comerciais, amais dos 28 concellos das cinco subzonas de cultivo da Denominación de Orixe, é dicir, do  Salnés, Condado do Tea, O Rosal, Soutomaior e Ulla, con proxectos de visibilización das produtoras e produtores, e do valor engadido dos elementos ligados ao mundo do viño que engarzan o enoturismo cos Bens de Interese Cultural, o patrimonio etnográfico, a gastronomía, as festas tradicionais, etc. Nos vindeiros días articularase a proposta destinada a reforzar e mellorar o posicionamento de Pontevedra Provincia  como destino do enoturismo e ao fortalecemento do sector da viticultura “Temos o máximo interese en traballar co sector privado e coas asociacións sabendo que este tipo de proxectos compartidos son moi relevantes para o noso futuro turístico”, dixo a presidenta, que garantiu “un gran esforzo” de cara a conseguir novos recursos para o impulso dun turismo intelixente e sostible, “porque sabemos que son os que nos permitirán fortalecernos e crear a estrutura para o futuro”. “Non hai ningún lugar no mundo cuns valores ligados ao enoturismo comparables a outros destinos, “onde o mar está pegado ás viñas e as paisaxes de interior están tan vinculadas á cultura do viño“. A directiva da Ruta Rías Baixas sinalou a súa “emoción polo apoio da Deputación e vincularon a importancia de ligar o mundo do viño co turismo porque “ofrecemos non só visitas ás adegas e ás viñas, senón emocións únicas e experiencias enriquecedoras porque a provincia de Pontevedra e as Rías Baixas son un tesouro”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS