12 C
Pontevedra
Venres, 29 de Marzo de 2024
Máis
    HomeÉ NoticiaA Deputación de Pontevedra está a aplicar "con máximo rigor" o exhaustivo...

    A Deputación de Pontevedra está a aplicar “con máximo rigor” o exhaustivo protocolo de actuación nos casos de COVID-19

    A próxima semana celebrarase a reunión do Comité de Seguridade e Saúde para avaliar a situación e estudiar novas medidas cara á conciliación

    A Deputación de Pontevedra convocou ao Comité de Seguridade e Saúde a unha reunión a próxima semana para avaliar a adaptación dos protocolos e de novas medidas ante a nova situación da Covid19 e os casos positivos na institución, aínda que derivan de contaxios rexistrados no ámbito privado. Tanto os casos positivos como ás persoas que estiveron en contacto con eles están nas súas casas pasando a corentena, en aplicación inmediata do protocolo da Deputación, en canto se tivo coñecemento por parte do Servizo de Prevención de Riscos Laborais e de Recursos Humanos que son os departamentos responsables do seguimento.

    O protocolo para a actuación nun caso sospeitoso de contaxio, do que se deu coñecemento ao persoal e aos sindicatos, é o máis exhaustivo e avanzado que ten calquera administración pública, aínda que obviamente non hai risco cero: a persoa afectada quédase na casa; se lle fai a proba PCR; desenvólvese o seguimento das persoas coas que tivo contacto, quen tamén é enviada ao seu domicilio para iniciar a corentena; e procédese á limpeza e desinfección de todos os lugares, incluso daqueles onde estiveron as persoas sospeitosas dun posible contaxio que logo dan negativo.

    Amais, na reunión cos sindicatos da próxima semana, se tratarán novas decisións e propostas, cara á conciliación, para a adaptación da Resolución Presidencial aínda que está en vigor e xa contempla ata finais do mes de setembro a posibilidade de teletraballo para persoas con fillos e fillas en idade escolar para seguir a facilitar que as familias con menores poidan conciliar.

    O goberno provincial tamén volveu a instar ao persoal da Deputación de Pontevedra a extremar as medidas de responsabilidade persoal en canto á protección, limpeza e hixiene, en cumprimento da normativa sanitaria, tanto no desempeño da súa actividade profesional como no seu ámbito privado a fin de minimizar o risco de contaxios.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.