4.3 C
Pontevedra
Domingo, 4 de Decembro de 2022
Máis
    HomeÉ NoticiaA Deputación comezará a programación de Nadal o 1 de decembro

    A Deputación comezará a programación de Nadal o 1 de decembro

    Imaxe de arquivo

    A Deputación ten xa todo preparado para acender o vindeiro xoves, 1 de decembro, as luces de Nadal coas que arranca unha potente programación que se espallará ata o día de Reis. Amais do alumeado do Pazo, da sede de Vigo, do Edificio Administrativo, do Palacete das Mendoza e de Príncipe Felipe, os Castelos de Soutomaior e, por vez primeira, o de Sobroso, tamén serán protagonistas do acendido e no caso de Soutomaior cunha ampla axenda de actividades que inclúe o tradicional mercadiño, así como visitas teatralizadas  e obradoiros con prazas limitadas que poderán reservarse a partir deste venres, 25 de novembro, en www.castelodesoutomaior.com.

    O xoves, 1 de decembro, alumearanse as sedes de Vigo e Pontevedra. Ás 18.30 será a quenda da sede de Vigo, que contará con cortinas luminosas led de 1,5 metros de caída na súa contorna e motivos de Nadal, tamén led, similares a folerpas de neve que estarán instalados na fachada principal de pedra do edificio. A partir das 20.00 horas do 1 de decembro alumearase o Pazo provincial, o Edificio Administrativo e o Palacete das Mendoza en Pontevedra. O Pazo contará con cortinas luminosas led con efecto flashing, ao igual que o Edificio Administrativo, e motivos de Nadal, similares a folerpas de neve.  As árbores do seu xardín engalanaranse con 400 metros de grilanda de cor branca cálida e o magnolio decorarase con 20 mallas de luz e 50 unidades de bolas 3D tamén iluminadas.  O Palacete das Mendoza contará con iluminación na cornixa superior das tres fachadas principais do edificio e cortinas luminosas con 1,5 metros de caída. Amais a árbore-escultura dun dos seus laterais terá unha grilanda microled de cor branca cálida e efecto flashing. Tamén o xoves ás 19.00 horas alumearase Príncipe Felipe que contará cun abeto natural e tres estruturas de árbores luminosas no seu acceso. O seu centro infantil decorarase cunha estrela con cola de 2,5 metros e disporanse cortinas de luz con efecto flashing de 1,5 metros. O centro Agarimo presentará catro estrelas na súa fachada e tamén cortinas de luz de 1,5metros. Pola súa banda, a Escola Fogar, amais da cortina de luces de 1,5 metros de caída con efecto flashing, decorarase con 3 conos luminosos tipo árbore de Nadal e 6 bolas de 30 centímetros no xardín de entrada.

    Xa o venres 2 de decembro a partir das 18.30 terá lugar o acendido dos Castelos de Soutomaior e, por vez primeira, do de Sobroso. No caso de Soutomaior, a súa torre da homenaxe e a torre do Conde contarán con cortinas led de 1,5 , 6 e ata 9 metros de caída de cor branca cálida. Pola súa banda a Galería de Damas contará con cortinas luminosas de 1,5 metros que tamén alumearán a muralla exterior e a construción principal do castelo.  O Castelo de Sobroso incluirá cortinas luminosas led de 1,5 metros e tamén cervos que decorarán o recinto histórico.

    Amais, a Deputación ten previsto unha “sorprendente” decoración de Nadal que converterá o Pazo provincial, a sede de Vigo e o Edificio Administrativo de Pontevedra en escenarios que serán “auténticas postais de Nadal”. O vestíbulo do  Pazo incluirá unha recreación dunha cabana do bosque, en madeira, rodeada de céspede natural, cun sendeiro de acceso alumeado e elementos decorativos típicos do Nadal. A cabana, cuxo interior será visitable, terá dous laterais troquelados coas siluetas do castelo de Soutomaior e da ponte de Rande. A traseira da cabana, que contará coa expresión “Bo Nadal” con luces retroiluminadas sobre  un banco, mais o seu interior, cunha hamaca e estufa antiga, serán espazos destinados a photocall. Amais da cabana do bosque, o Pazo contará con arranxos vexetais nos arcos do vestíbulo e na balaustrada do primeiro andar.

    A sede de Vigo e o Edificio Administrativo seguirán a estela do Pazo. En ambos lugares recrearase a praza dun pobo, con representación de cabanas de madeira como fío condutor, e con letras retroiluminadas coa expresión “Bo Nadal” sobre un banco que servirá de photocall.  No Edificio Administrativo a recreación da praza presentarase no interior e na sede de Vigo no seu exterior.

    Programación de Nadal no Castelo de Soutomaior

    Para o Castelo de Soutomaior a Deputación ten prevista unha completa axenda de actividades de Nadal que comezarán o 2 de decembro, ás 18.30 horas, co acendido do alumeado. Amais das luces, terán lugar visitas teatralizadas dirixidas ás familias e obradoiros para nenas e nenos de entre 5 e 10 anos. A partir deste venres, 25 de novembro, será posible inscribirse en ambas actividades, que terán un custo de 8 euros por persoa, a través de www.castelodesoutomaior.com.

    As visitas teatralizadas, a cargo de Troula, terán lugar os días 3, 4, 6, 8, 10, 11, 17, 18, 23, 29 e 30 de decembro, ás 12 e 16.30 horas. Haberá 30 prazas por cada quenda. Nelas as familias deberán traballar arreo para axudar a recuperar o esplendor do Castelo onde o Nadal, dende que a Raíña de Corazóns o ten ocupado, non ten oco.

    Os obradoiros, a cargo de “Donde viven los cuentos”, terán lugar os días 5, 7, 27 e 28 de decembro e 3 e 4 de xaneiro ás 16.30 h, con 30 prazas por día. Esta actividade, dirixida a nenas e nenos de entre 5 e 10 anos e cunha duración de 60 minutos, estará baseada nos seres mitolóxicos de Galicia, como as pupeiriñas, o Apalpador, a moura ou os trasnos.  O primeiro obradoiro terá lugar o 5 de decembro co título “As pupeiriñas, obradoiro de pan galego”, para elaborar pan tradicional galego e deixar migas na fonte para as pupeiriñas; o día 7 terá lugar “O tesouro da moura. Escape-Room de Nadal”, cun percorrido polo castelo cheo de probas que servirán para coñecer as tradicións galegas; o 27 “Os trasnos. Obradoiro de moda de Nadal”, para deseñar roupa para regalar aos trasnos e evitar que molesten durante as festas, e o 28 de decembro “O Apalpador: contacontos solidarios”, con contos de Nadal, recollida de libros para doar e obradoiro artístico de decoración de agasallos. Xa en xaneiro terá lugar “O tizón de Nadal. Decoración de Nadal” o día 3, para crear elementos decorativos con elementos naturais, e o 4 o obradoiro “O Nubeiro. Experimentos de inverno” para fabricar neve e xogar con xeo, creando paisaxes de inverno.

    Amais das visitas teatralizadas e dos obradoiros, haberá, ao igual que o pasado ano, un mercadiño de Nadal, con produtos de quilómetro cero, que estará aberto entre o 2 e o 8 de decembro, e un “Buzón de soños” para recoller os desexos dos nenos e nenas, e tamén das e dos maiores, que terá tamén réplica, por vez primeira, no castelo de Sobroso. Tamén abrirá as súas portas o muíño das Afreitas, para que todas e todos coñezan o seu funcionamento e desfruten da última moenda para facer os doces típicos do Nadal. O muíño contará coa presenza dunha “familia misteriosa” que aledará a visita das familias.

    COLABORACIÓNS

    Despilfarro

    Según la RAE, despilfarro significa "Gasto excesivo y superfluo" y la verdad, que no se me ocurre un término mejor para definir lo que está ocurriendo en muchos de nuestros ayuntamientos con tantas plazas a arreglar y tanto peatonolizar.

    Alba Guzmán Falcón, «Xoaniña de Deus»

    Alba Guzmán era, ata o de agora, unha autora practicamente descoñecida para o gran público, a pesar de contar no seu haber cunha morea de premios en certames de poesía e tamén de narrativa.

    Henrique Dacosta, «O estraño caso da bicicleta amarela»

    Henrique Dacosta vén de entregar ao prelo unha nova proposta narrativa. E digo “narrativa” e non digo ben, pois este volume, «O estraño caso da bicicleta amarela», leva o clarificador subtítulo de «Oito contos e unha traxicomedia» e tal é o contido da obra: oito relatos breves de extensión variable e unha pequena peza teatral, a primeira da que teñamos constancia e da que falaremos máis adiante.

    Xavier Queipo, «Algoritmos»

    «Algoritmos» é un libro sorprendente, algo que, vindo de Xavier Queipo, xa deixou de ser unha novidade. Non estamos a falar dunha novela, nin sequera dunha colección de contos, senón de algo diferente.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    73 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    5 POSTS0 COMMENTS
    Avatar
    1 POSTS0 COMMENTS