8.9 C
Pontevedra
Venres, 29 de Marzo de 2024
Máis
    HomeÉ NoticiaA Deputación celebra a nominación da seria "Un asunto privado" no Festival...

    A Deputación celebra a nominación da seria “Un asunto privado” no Festival de Montecarlo

    Tamén foron escenarios de rodaxe as cidades de Pontevedra, Vigo, Tui, así como Combarro, Fornelos de Montes e Baiona

    A Deputación de Pontevedra vén de amosar a súa alegría e orgullo tras coñecer que “Un asunto privado”, de Bambú Producciones, competirá pola Ninfa de Ouro na categoría de ficción do Festival de Monte Carlo, o festival máis recoñecido de televisión en Europa, que se desenvolverá entre o 17 e o 21 de xuño. A institución provincial, na súa estratexia de promoción como destino de rodaxes no marco da Pontevedra Provincia Film Commission, cedeu o Pazo Provincial de xeito gratuíto e áxil para acoller escenas da serie, que se estreará proximamente en Prime Vídeo en máis de 240 países. Xunto ao Pazo, foron tamén escenarios de rodaxe da serie as cidades de Pontevedra, Vigo, Tui, así como Combarro, Fornelos de Montes e Baiona.

    Para a Deputación de Pontevedra a nominación de “Un asunto privado”, producida pola pontevedresa Teresa Fernández-Valdés a quen trasladou a felicitación, é un revulsivo para seguir apostando pola promoción de Rías Baixas como lugar de rodaxes de proxectos audiovisuais e cinematográficos no marco da Pontevedra Provincia Film Commission. Con este servizo público e gratuíto a institución provincial pretende incrementar o posicionamento da súa  imaxe de marca a nivel nacional e internacional e o crecemento económico da provincia, asesorando a empresas e profesionais do sector audiovisual que desexen rodar en Pontevedra, facilitándolles todos os trámites e necesidades para poder realizar os traballos.  “Un asunto privado” foi rodada na provincia en plena pandemia, entre  outubro de 2020 e mediados do 2021.  Sen ser aínda estreada xa ten sido nominada na 61 edición do Festival de Monte Carlo, converténdose na única española na competición oficial. Así, pelexará pola “Ninfa de Ouro” contra Ida´s Novel” (Hungría), “Made in Oslo” (Noruega), “Martha Liebemann” (Alemaña), “The Offer” (EEUU), “The terminal list” (EEUU), “The Tourist” (Gran Bretaña), “Torm” (Islas Feroe) e “Vincenzo Malinconico, Avvocato D´Insuccesso” (Italia).

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.