16.5 C
Pontevedra
Martes, 4 de Outubro de 2022
Máis
    HomeÉ NoticiaA Deputación aposta pola compra de talento innovador de cara á mellora...

    A Deputación aposta pola compra de talento innovador de cara á mellora da xestión pública

    A Deputación de Pontevedra apura o proceso de Consulta Previa ao Mercado (CPM) para o programa Depoinnova, que se perfila como un macroconcurso de ideas e que agarda financiarse co PERTE de Dixitalización do ciclo da auga e un proceso de Compra Pública de Innovación do Ministerio de Ciencia e Investigación. O propósito é fomentar a innovación como ferramenta clave de desenvolvemento da provincia. A presidenta da Deputación, Carmela Silva, presentou esta primeira convocatoria dun programa que nace con espírito de continuidade e que xurdiu dun “gran traballo para delimitar as seis áreas que criamos que debían ter respostas innovadoras” para mellorar a xestión pública tanto dende a Deputación como dos concellos. “Imos moi en serio, puxemos isto en marcha porque queremos desenvolvelo”. A xornada contou cunha grande asistencia con máis de 100 especialistas do “ecosistema da innovación” que encheron o Salón de Plenos provincial e que xa están comezando a facer chegar as súas ideas no marco dos retos definidos pola Deputación.

    Carmela Silva debullou os seis grandes retos que foron identificados polas equipas técnicas da Administración provincial. O primeiro, a dixitalización do ciclo da auga, nace da necesidade de poñer fin aos problemas existentes “que realmente non son de futuro, senón de presente” coa xestión deste ben natural fundamental. Outro dos retos é a xestión dos residuos e a economía circular, pois “os planetas e as persoas que vivimos nel xa non podemos soportar o modelo antigo, hai que ter respostas para o que está acontecendo e que pon en perigo a propia existencia”, subliñou a Carmela Silva, que lembrou que “a pandemia ten moito que ver con como tratamos ao planeta, polo que debe estar entre as nosas prioridades”. O terceiro reto a resolver é a xestión das infraestruturas provinciais, xa que “son as administracións provinciais as que xestionan a maior parte dos quilómetros que percorren e vertebran o territorio e que son vías de conexión entre diferentes concellos” e que precisan “dunha resposta medioambiental, tecnolóxica, innovadora e intelixente”.

    A presidenta da Deputación presentou o cuarto dos retos, a transformación dixital da administración pública, botando a vista atrás e lembrando que “hai sete anos a maioría dos concellos da provincia non tiñan administración electrónica, aínda que había unha lei que obrigaba a tela –remarcou-. Mais era imposible sen recursos e sen medios, polo que foi esta Administración a que o fixo posible”. Pero aínda hai outras cuestións que precisan “propostas innovadoras, ademais de formar á cidadanía para rachar coa fenda dixital”. Depoinnova tamén pon o foco nos programas sociais e de emprego ante o reto demográfico, que sitúa á provincia nun presente cunha “poboación envellecida”, e, para poder atendela, é preciso “contar con elementos tecnolóxicos que dean información, permitan prestar un bo servizo, ter unha atención inmediata, etc.”.

    Por último, a Deputación busca levar ao Museo de Pontevedra ao século XXI. Carmela Silva definiuno como “o grande museo de Galicia” e explicou que na actualidade está facendo un importante cambio para que chegue a tecnoloxía. Desta maneira, defendeu o gran valor da “visita presencial, pois é unha marabilla desfrutar coa presencia física do museo” aínda que non esqueceu a necesidade de “democratizar o coñecemento, aproximando o museo ás persoas de diversas formas”, proceso para o que son vitais as novas tecnoloxías.

    A prazo para presentar propostas a Depoinnova (a través de www.depo.gal/-/depoinnova) continúa aberto ata o vindeiro 28 de setembro, e Carmela Silva animou a todas as persoas presentes, así como ás empresas, institutos tecnolóxicos, centros de investigación e universidades da provincia e de todo o Estado, a presentar as súas ideas. “Queremos ser unha administración innovadora, incorporar o talento que existe e favorecer o ecosistema tecnolóxico e innovador”, subliñou, ao tempo que incidiu en que “as Administracións teñen o deber e a obriga de liderar o cambio e de non quedar alleas”. “Unha Administración moderna non consiste nunha persoa nun despacho tomando as decisións. Temos que ter unha escoita activa, porque hai moito talento desexando axudar”.

    COLABORACIÓNS

    Heterodoxos

    A editorial Galaxia vén de sacar do prelo unha nova colección que, baixo a denominación xenérica de «Heterodoxos», pretende darlle voz a autores ou obras que, polas súas peculiaridades, non teñen cabida dentro das coleccións habituais das editoriais.

    Teatro para nen@s

    Sempre fun dos que defenden a valía do teatro como asignatura en todos os niveis da educación. Polas súas evidentes compoñentes pedagóxicas e pola súa capacidade para aprender a expresarnos en público e a empatizar con outros, tan distintos de nós, merecería un espazo de honra no noso curriculo educativo. Por iso non quero deixar pasar o inicio do novo curso escolar sen facer un par de recomendacións de pezas teatrais dirixidas aos máis pequenos da casa.

    Ramón D. Veiga, «Zoom»

    En ocasións, a literatura xorde dun puro divertimento, dun simple xogo que alicerza a escrita e do que o autor ou autora se fai partícipe dende o inicio. Hai exemplos numerosos ao respecto, ás veces concibidos como simples exercicios de estilo, outras, como argalladas transgresoras coas que experimentar un xeito determinado de escribir. O que hoxe traemos a este espazo parece encaixar perfectamente nese prantexamento lúdico.

    ¡Galicia negra!

    En estos últimos días, mejor dicho ya semanas, estamos volviendo a la cruda realidad de ver a nuestra Galicia de nuevo ennegrecida por el humo y por los incendios. No es algo que nos pille de sorpresa, por desgracia ya es algo habitual desde hace muchos años aunque, este año, se ha adelantando en el tiempo, ya que lo que solía ocurrir principalmente a finales de verano, debido a la climatología de este año, ya está sucediendo en estos meses.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    69 POSTS0 COMMENTS
    Paz de la Peña
    40 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    4 POSTS0 COMMENTS
    Avatar
    1 POSTS0 COMMENTS