14.7 C
Pontevedra
Domingo, 5 de Febreiro de 2023
Máis
    HomeÉ NoticiaA «Copa Deputación» masculina bate un novo récord con 128 equipos da...

    A «Copa Deputación» masculina bate un novo récord con 128 equipos da provincia

    O sorteo da primeira ronda para os 67 equipos da zona de Pontevedra tivo lugar hoxe mércores ás 20.30h e mañá xoves será para os 61 clubs da zona de Vigo

    A décimo terceira edición da Copa Deputación masculina de fútbol botou hoxe a andar coa celebración dos sorteos das eliminatorias da primeira ronda e do cadro de competición. Hoxe mércores tivo lugar no Edificio Administrativo o sorteo para os equpos da zona de Pontevedra, e o xoves 30 de xaneiro, ás 20.30h na Casa Galega da Cultura, no caso da zona de Vigo. Ambos actos estarán presididos por Gorka Gómez, deputado de Deportes.

    Nos bombos entrarán 67 equipos da zona de Pontevedra e 61 da zona de Vigo, o que supón un total de 128 equipos de Terceira División, Preferente, Primeira, Segunda e Terceira Autonómica, 9 equipos máis que na pasada edición, un novo récord de participación.

    Unha vez coñecidos os cruces, os equipos terán liberdade para fixar a data desta primeira eliminatoria, que empezará a xogarse a vindeira semana. O formato será o mesmo das últimas edicións, xogándose todas as eliminatorias a único partido que disputarase no campo do equipo de menor categoría e resolvéndose os empates cunha tenda de penaltis. A final xogarase a finais de maio nunha sede aínda por determinar.

    En canto á competición feminina, que este ano chega á sexta edición, o sorteo terá lugar durante o mes de febreiro. Pola súa banda, en categorías base, na que participan máis de 1.000 equipos, os partidos comezarán cando rematen as competicións oficiais.

    Nesta edición da Copa Deputación 2020 defenderán título o Valladares, en categoría feminina, e o Pontevedra ‘B’, en masculina. O conxunto vigués derrotou na final ao Umia, mentres que o filial granate venceu ao Pontellas.

    COLABORACIÓNS

    Antía Otero, «Barroco»

    É posible que todo viñese suxerido polo título do novo poemario de Antía Otero, «Barroco», pero ao mergullarme nas súas páxinas vivín a sensación de pasear por unha galería de arte na que cada un dos poemas era, en realidade, un cadro ou unha peza escultórica que a autora describía con detalle.

    Ponteareas e a filla pródiga: o novo espectáculo do Circo da Dereita

    Aínda que o pareza, non é un déjà vu, non. É real como a vida mesma. A dereita en Ponteareas regresa ao seu pasado, non sabemos se por convicción nostálxica ou, como parece máis evidente, por non atopar nada mellor que ofrecer. Se cadra, en realidade non hai tal regreso a un pasado que esa dereita nunca abandonou, por máis que durante os últimos anos algúns quixeran convencer a Ponteareas, pleno tras pleno e eleccións tras eleccións, de que aquel negro pasado nada tiña que ver con eles nin cun Partido Popular que, reescribindo a nosa historia política, tería nacido en 1998 coa chegada a Ponteareas dun Salvador chamado para redimir, como novo candidato popular, os imperdonabeis pecados orixinais da dereita ponteareán encarnada até ese momento por un alcalde orgulloso do seu pasado franquista.

    María Solar, «A culpa»

    A metade de camiño entre a novela negra e o thriller, María Solar vén de presentar un novo traballo para adultos no que pescuda nas interioridades da parte máis escura da alma humana a través dun trío de mulleres, protagonistas do relato.

    Antón Riveiro Coello, «Días de intemperie»

    A nova achega de Antón Riveiro Coello, «Días de imtemperie», é unha proposta que contén nove relatos de temática e transfondo diferentes, mais que teñen un elemento en común, como é a guerra no sentido máis amplo da palabra.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    78 POSTS0 COMMENTS
    Paz de la Peña
    41 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    6 POSTS0 COMMENTS
    Avatar
    1 POSTS0 COMMENTS