7.6 C
Pontevedra
Venres, 29 de Marzo de 2024
Máis
    HomeÉ NoticiaA banda ancha ultrarrápida estenderase a 278 concellos

    A banda ancha ultrarrápida estenderase a 278 concellos

    O delegado do Goberno, José Miñones, celebrou a confirmación de que o Goberno impulsará proxectos por valor de 30.183.840 euros para estender a cobertura de banda ancha ultrarrápida en 278 concellos de Galicia. Así se determina na resolución definitiva da convocatoria do Programa de Universalización de Infraestruturas Dixitais para a Cohesión ÚNICO-Banda Ancha, que forma parte do Plan de Recuperación, Transformación e Resiliencia do Goberno.  

    José Miñones enmarcou esta iniciativa no “compromiso do Goberno coa conectividade e a dixitalización, ademais do reto demográfico, tres alicerces das políticas progresistas e fundamentais para o futuro de Galicia”. O Ministerio de Asuntos Económicos e Transformación Dixital impulsa este programa polo que se beneficiarán 89.548 fogares e empresas en 278 concellos galegos.

    Nesta convocatoria, a extensión de redes de comunicacións electrónicas de banda ancha realizarase en 15.815 das chamadas “zonas brancas” de Galicia, é dicir, áreas que non dispoñen de cobertura de redes de velocidade de polo menos 30 Mbps, nin plans para a súa dotación no próximos tres anos.

    ProvinciaFogares/empresasNº de zonasNº de ConcellosInvestimento totalAxuda Programa UNICO
    CORUÑA (A)15.9231.890764.469.9943.497.951
    LUGO45.51410.3526416.382.81610.183.767
    OURENSE10.1381.273802.973.1562.358.405
    PONTEVEDRA17.9732.300586.357.8743.270.081
     89.54815.81527830.183.84019.310.204

    Reunións con beneficiarios e empresa

    O delegado do Goberno explicou que será Telefónica a empresa tecnolóxica que efectuará o despregamento en Galicia, e que cubrirá o restante do investimento. O Ministerio aportará máis de do 65% do programa, ata 19.310.204 euros.

    Ante a gran extensión do programa e a necesaria colaboración dos Concellos para a súa materialización, o delegado do Goberno trasladoulle ao presidente da FEGAMP, Alberto Varela, a intención de promover encontros cos gobernos locais beneficiados para estudiar a mellor forma de facer realidade este investimentos.

    Ademáis, José Miñones tamén mantivo unha reunión co director territorial de Telefónica en Galicia, Manuel Ángel Alonso. Durante o encontro, trasladoulle a relevancia que supón esta colaboración público-privada para o Goberno Central así como o impacto positivo que se prevé nas áreas seleccionadas.

    Programa UNICO-Banda Ancha

    O Programa de Universalización de Infraestruturas Dixitais para a Cohesión (ÚNICO) dá continuidade ao Programa de Extensión de banda ancha de Nova Xeración (PEBA-NGA), que permitiu que España sexa un dos países europeos con maior porcentaxe de cobertura de banda ancha.

    O programa UNICO canaliza unha dos principais investimentos do Plan de Recuperación na área da conectividade dixital co obxectivo de ampliar a cobertura de banda ancha ao 100% da poboación en 2025. Para iso, mobilizará 2.000 millóns de euros do Plan de Recuperación.

    Tras a execución dos proxectos seleccionados en ÚNICO-Banda Ancha e os proxectos en curso das convocatorias  PEBA-NGA, a cobertura de redes con velocidade superior a 100 Mbps alcanzará o 95% da poboación galega en 2023.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.