Despois dun 2020 case sen competicións por mor da pandemia, esta fin de semana arrinca o Circuito Galego Junior de surf e bodyboard na Praia de Patos (Nigrán). O bo parte de ondas permitiu dar luz verde a esta primeira proba do ano que reunirá durante o sábado 13 e domingo 14 a novos surfeiros galegos na Praia de Patos, quen competirá nas categorías de sub12 mixto, sub14 feminino e masculino, sub16 feminino e masculino e bodyboard sub16 e sub18.
O evento está organizdo pola Federación Galega de Surf e Bodboard, Prado Surf Escola e o Concello de Nigrán. Ademais, a proba conta co apoio de Aguasana, Só Imprenta, Ozocare, Waira Surf, Alumisel, Hi Surf, Gadis, Deleitar, Mercedes Louzao, Xunta de Galicia e Deporte Galego.
Foron moitos meses de parón e os novos surfeiros chegan a esta primeira proba do ano con moitas ganas de demostrar o seu nivel. Para garantir a seguridade de todos os participantes e asistentes a Federación Galega de Surf creou un protocolo Covid-19, o uso da máscara será obrigatorio ata antes de entrar na auga.