8.3 C
Pontevedra
Xoves, 28 de Marzo de 2024
Máis
    HomeVal MiñorNigránO Plan de Recuperación do Goberno pola modernización do turismo reafírmase en...

    O Plan de Recuperación do Goberno pola modernización do turismo reafírmase en Nigrán

    O delegado do Goberno en Galicia, José Miñones, reafirmou hoxe en Nigrán a aposta do Goberno pola cohesión territorial e o impulso ao turismo sostible de Galicia, coa achega dun millón e medio de euros do Ministerio de Industria para o desenvolvemento do Plan de Sostibilidade Turística en Destino (PSTD) ‘Xeodestino Ría de Vigo e Baixo Miño. Despensa de Galicia’. “O Plan de Recuperación do Goberno chega á Ría de Vigo e ao Baixo Miño e supón unha oportunidade única para transformar o turismo da nosa comunidade e proxectalo cara ao futuro, cun modelo verde, sostible, dixital e competitivo”, salientou o delegado.

    A presentación do proxecto tivo lugar no centro de negocios Porto do Molle coa participación do alcalde de Nigrán e representante institucional do Xeodestino Ría de Vigo e Baixo Miño, Juan González Pérez; e da presenta da Asociación de Desenvolvemento Galicia Suroeste Eu Rural e alcaldesa de Tomiño, Sandra González. Tamén asistiu a subdelegada do Goberno en Pontevedra, Maica Larriba. No acto, José Miñones expresou o seu convencemento de que esta inxección económica do Goberno servirá para “potenciar esta zona tan importante de Galicia e consolidala como un destino comprometido coa conservación do medio ambiente, innovador e dixitalizado, flexible e resiliente ante os novos retos”.

    O plan de sostibilidade turística do xeodestino Ría de Vigo e Baixo Miño é un dos 16 que seleccionou o Ministerio de Industria, Comercio e Turismo para financiar en Galicia con cargo á convocatoria extraordinaria dos Plans de Sostibilidade Turística en Destino 2022, que forma parte do Plan de Recuperación do Goberno. A lista definitiva dos proxectos foi aprobada en decembro pola Conferencia Sectorial de Turismo. Nesta convocatoria, Galicia recibirá 34.575.400 euros para o desenvolvemento dos proxectos aprobados na comunidade e que benefician á totalidade das provincias.

    José Miñones destacou que con estes investimentos o Goberno busca promover un turismo máis verde e unha mobilidade máis eficiente. Este ano, os plans céntranse no enoturismo. Os Plans de Sostibilidade Turística en Destino, valorou o delegado, “representan o mellor exemplo de colaboración entre administracións en beneficio da competitividade e a calidade de todos os nosos destinos turísticos”.

    O delegado incidiu en que os investimentos do Goberno consolidan a Galicia como un destino turístico verde, sostible e de calidade e concluíu: “Estamos a deseñar o turismo do futuro de Galicia. Para facer da nosa terra un destino sostible, competitivo e de calidade de primeiro nivel”.

    O Plan de sostibilidade turística ‘Despensa de Galicia’

    O PSTD ‘Xeodestino Ría de Vigo e Baixo Miño. Despensa de Galicia’ beneficia os 14 concellos que conforman este territorio nas comarcas do Val Miñor (Baiona, Gondomar e Nigrán), Baixo Miño (A Guarda, O Rosal, Oia, Tomiño e Tui), comarca e ría de Vigo (Fornelos de Montes, Pazos de Borbén, Redondela e Soutomaior) e A Louriña (Mos e O Porriño).

    A actuación estrutúrase en catro eixes:

    • Eixe 1. Transición verde e  sostible (Investimento entre 2023 e 2025: 300.000 €)
      • Actuacións de rexeneración e adecuación do destino para mitigar o cambio climático
      • Plan de xestión de residuos en festas gastronómicas de interese turístico
      • Creación dunha rede de miradoiros e fomento do turismo astronómico
    • Eixe 2. Mellora da eficiencia enerxética (Investimento entre 2023 e 2025: 575.000 €)
      • Iluminación artística e eficiente do patrimonio do xeodestino
      • Creación de rutas cicloturistas en contornas enogastronómicos
      • Homologacion de rutas de sendeirismo: “Entre campos e viñedos”
      • Oficina técnica de asesoramento a empresas turísticas para optimización enerxética
      • Instalación de puntos de recarga eléctrica en espazos turísticos
    • Eixe 3. Transición dixital (Investimento entre 2023 e 2025: 150.000 €)
      • Plan de sinalización intelixente de recursos enogastronómicos do destino
      • Creación de contidos dixitais vinculados coa enogastronomía
      • Realidade aumentada e/ou virtual para recreacións virtuais do patrimonio enogastronómico
    • Eixe 4. Competitividade (Investimento entre 2023 e 2025: 475.000 €)
      • Instalación de espazos promocionais do xeodestino e a súa gastronomía
      • Programación cultural en espazos gastronómicos
      • Axudas ao sector empresarial para impulsar a enogastronomía do destino
      • Creación de produto de turismo industrial vinculado á gastronomía
      • Sistema de avaliación do PSTD
      • Oficina técnica do PSTD

    Investimento total: 1.500.000 euros do Ministerio de Industria, Comercio e Turismo a cargo dos fondos do  Plan de Recuperación.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.