8.5 C
Pontevedra
Xoves, 28 de Marzo de 2024
Máis
    HomeVal MiñorNigránO muralista Manuel Alaníz imparte un obradoiro no IES Proval

    O muralista Manuel Alaníz imparte un obradoiro no IES Proval

    O IES Proval recibíu o venres ao muralista nicaraguano Manuel Alaníz para ofrecer ao alumnado un obradoiro de debuxo urbano encadrado no proxecto europeo People & Planet.

    A actividade foi organizada polo Concello de Nigrán e o Fondo Galego de Cooperación e Solidariedade, entidade que o alcalde, Juan González, preside. Alaníz representa á Fundación de Apoyo al Arte Creador Infantil (FUNARTE), que emprega a arte para impulsar a participación social da xente nova, facéndoa partícipe do desenvolvemento comunitario.

    A través de murais públicos colectivos, avogan ademais polo cumprimento dos seus dereitos. O primeiro contacto de Alaníz coa pintura libre tivo lugar hai máis de tres décadas, cando era un neno de só 11 anos, e a súa traxectoria céntrase no muralismo. Como educador artístico, ten experiencia asemade en Guatemala, Francia, Irlanda, Bélxica ou Palestina. Agora acaba de chegar de Holanda, onde traballou con alumnado de distintos centros educativos sobre os Obxectivos de Desenvolvemento Sostible da man do Consello Nacional para Irmandamentos entre Cidades de Países Baixos e Nicaragua (LBSNN).

    Igualmente, Juan González recibíu tamén este venres na Alcaldía do Concello de Nigrán a Antón Leis García, director xeral da ‘Agencia Española de Cooperación Internacional y Desarrollo’ (AECID) para tratar de asuntos xerais sobre a cooperación municipalista, a nova lei de cooperación e que, máis en concreto, vinculan ao Fondo Galego.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.