8.7 C
Pontevedra
Xoves, 28 de Marzo de 2024
Máis
    HomeVal MiñorNigránO Concello de Nigrán promove a compra de roscas de Pascua nas...

    O Concello de Nigrán promove a compra de roscas de Pascua nas panadarías do municipio

    O lema desta campaña desenvolvida xa o ano pasado é 'Agora máis que nunca compra os agasallos en establecementos locais. Merca a Pascua nas panadarías de Nigrán

    O Concello de Nigrán continúa coa súa campaña para promover o comercio de proximidade entre a veciñanza apostando novamente nesta semana Santa pola compra de Pascua nas panadarías do municipio, todas elas con longa tradición na elaboración de roscas e listas para recibir encargos. Como xa o fixo o ano pasado, o Concello de Nigrán elaborou unha cartelería específica que distribuirá en redes sociais e nos propios negocios baixo o lema ‘Agora máis que nunca compra os agasallos en establecementos locais. Merca a Pascua nas panadarías de Nigrán’ .

    O Concello ven incentivando a través de diferentes campañas a filosofía #VivoEnNigránComproEnNigrán para garantir entre todos a súa supervivencia futura do pequeno comercio ante a grave situación económica e sanitaria. “Cada un de nós ten a posibilidade de axudar ao pequeno comercio, queremos as rúas cheas de vida cando todo isto pase e para iso temos que apostar por eles agora. Son unha opción próxima ao noso domicilio, están abastecidos e non se forman aglomeracións e, sobre todo, son os nosos veciños e recibirannos cun sorriso”, sinala o alcalde, Juan González.

    “Porque xuntos venceremos esta crise. Porque somos veciños. Porque cando todo isto pase seguiremos mantendo con vida as rúas. Porque axudas as persoas emprendedoras a manter a boia os seus negocios. Porque a riqueza queda no pobo. Porque aínda que agora o tápe a máscara sempre temos un sorriso de agradecemento. Porque ti nos impórtas… :)”. Estes son algúns dos motivos que o Concello ofrece novamente nesta campaña para comprar no comercio de proximidade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.