10.2 C
Pontevedra
Venres, 29 de Marzo de 2024
Máis
    HomeVal MiñorNigránO Concello de Nigrán pecha a programación de Nadal mañá mércores co...

    O Concello de Nigrán pecha a programación de Nadal mañá mércores co concerto de ‘Xardín Desordenado’

    O grupo, que tocará ás 19:00 no Auditorio Municipal, repasa cos seus temas diferentes poemas de Ricardo Carvalho Calero, autor a quen se adicou as Letras Galegas 2020

    O Concello de Nigrán ofrece como colofón final á programación cultural de Nadal o concerto de Xardín Desordenado mañá 6 de xaneiro ás 19:00 horas no Auditorio Municipal con entrada limitada ao aforo sanitario.

    Trátase dunha banda viguesa de músicos de distintas orixes pero co jazz como punto común, adicándose a musicar poetas galegos baixo ritmos desde o swing e blues ata a bossa nova e o bolero. Nesta ocasión desenvolverán un concerto homenaxe a Carvalho Calero, o autor ao que se lle adicou o Día dás Letras Galegas 2020 (o concerto estaba previsto para o maio e despois outubro pero foi suspendido en ambos casos por mor das restricións sanitarias).

    Os asistentes poderán gozar de poemas dos seus libros “Futuro condicional”, “Cantigas de amigo e outros poemas” e “Reticéncias”, ademais, o espectáculo complétase con poemas de escritores que tamén foron designados para o Día das Letras Gallegas noutras edicións.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.