10.2 C
Pontevedra
Venres, 29 de Marzo de 2024
Máis
    HomeVal MiñorNigránO Concello de Nigrán finaliza as obras do novo comedor no CEIP...

    O Concello de Nigrán finaliza as obras do novo comedor no CEIP Humberto Juanes

    O Concello de Nigrán rematou as obras de construción dun novo comedor no CEIP Humberto Juanes de Nigrán, estreándoo o alumnado esta mesma semana. Adicionalmente, está practicamente rematada a cociña escolar municipal, dimensionada para poder fornecer de menús a todos os centros educativos do municipio sen instalación propia e con sistema de catering, tal e como sempre comprometeu o goberno local.

    A totalidade das obras foi adxudicada a Construcciones Castro cun investimento de 288.194 € con cargo ao remanente de Tesourería do Concello (o orzamento base era de 378.605 €). O comedor, agora nun único espazo diáfano aillado acústicamente, está decorado nas paredes con textos e ilustracións de Olalla Fernández alusivos á boa alimentación.

    “Agradecemos o sacrificio de toda a comunidade escolar durante estes meses de obras xantando nas aulas, creemos sen dúbida que o esforzo pagou a pena e que se verá aínda máis recompensado cando funcione a cociña”, sinala o alcalde, Juan González, quen subliña a funcionalidade do novo espazo, que anteriormente se dividía en diferentes habitáculos. Adicionalmente, conta cunha nova entrada exterior mediante rampla para garantir a súa accesibilidade.

    LIBROS

    A pegada de «Ronsel»

    A editorial Galaxia vén de recuperar a súa vella colección «Ronsel», concibida nos anos 80 para darlle cabida «a novas voces e a novas temáticas das nosas letras», en palabras da propia editorial. Daquela, foi o espazo no que se deron a coñecer algúns autores que, andado o tempo, acadarían sona no noso sistema literario, como foi o caso de Darío Xohán Cabana ou Miguel Anxo Murado. Nesta nova andaina e, polo de agora, estréase con dúas publicacións, pero anuncian novas sorpresas ao longo de todo este ano.

    Dores Tembrás, «Enxertos»

    A nostalxia é unha materia prima habitual á hora de escribir poesía, mais non fai falla chegar a tanto. Se, a cotío, esa nostalxia leva implícita certa dose de tristura morriñenta para lembrar tempos pretéritos, non sempre ten que ser así, como demostra Dores Tembrás no seu último poemario, «Enxertos». Dores mergúllase na súa propia memoria, na súa infancia na aldea e na mocidade urbanita, para poñer en práctica unha modalidade de nostalxia leda e luminosa, alonxada de tristuras e saudades

    Queridos Reis Magos…

    Nas cartas aos Reis Magos de Oriente nunca debe faltar unha boa dose de literatura, sexa cal sexa a idade do receptor. Neste andel, como facemos sempre, queremos aportar algunhas recomendacións dirixidas aos máis pequenos da casa.