17.5 C
Pontevedra
Venres, 2 de Xuño de 2023
Máis
    HomeVal MiñorNigránO Concello de Nigrán crea na Ramallosa o seu primer horto urbán

    O Concello de Nigrán crea na Ramallosa o seu primer horto urbán

    Os interesados en participar deben inscribirse previamente a través dun formulario web en www.nigran.es ou presencialmente no parking da Ramallosa

    O Concello de Nigrán ven de habilitar no núcleo urbano da Ramallosa a súa primeira horta urbana comunitaria da man da cooperativa local ‘SomosTerra’, a quen o consistorio encargou tamén dirixir este curso os cultivos nos centros escolares de Nigrán. “Con este proxecto piloto queremos promover o autoconsumo nunha contorna que é moito máis urbana que o interior do municipio, xa que moitos veciños desta zona o desexaban pero non dispuñan desta posibilidade nos seus fogares”, explica o alcalde, Juan González, quen incide en que ao mesmo tempo se fomentan hábitos saudables e se potencia a sensibilidade ambiental e o sentimento de pertenza ao barrio, polo que é un modelo que o Concello aposta por implantar noutros núcleos do municipio.

    Así, esta iniciativa pioneira en Nigrán será levada adiante a partir do sábado 23 de abril na Praza Rosalía de Castro (ao carón da piscina mancomunada), onde xa están dispostos 13 bancais deseñados ex-profeso para o lugar pola empresa ‘Color Caléndula’. Todas as persoas interesadas en participar deben inscribirse previamente a través dun formulariona web pendurado en www.nigran.es ou presencialmente no parking municipal da Ramallosa, o prazo para participar estará sempre aberto e o único requirimento é estar empadroado en Nigrán e cumplir as pautas de funcionamento.

    A principal característica desta horta é que será comunitara, é dicir, todos os usuarios realizarán os traballos polo ben común e non en parcelas de uso individual, distribuíndose a posteriori a colleita de xeito equitativo entre os participantes. Para elo, Diana, Eva e Raquel, técnicas de SomosTerra, establecerán un calendario de tarefas que os usuarios deberán seguir e, en caso de acudir a facelo, deberán sinalalo nun taboleiro situado na propia horta co fin de estar todos coordinados. “Esta fórmula promove a importancia do traballo en equipo, fomenta a relación e convivencia entre os usuarios e ao mesmo tempo potencia a integración, non só se trata de cultivar, se non de crear un sentimento de identidade comunitaria”, xustifica González.

    “Cada mes estableceremos uns criterios de plantacións axeitadas á estación e asociacións e intolerancias entre plantas, faremos tamén un diario de campo e estaremos abertas a recibir propostas alternativas por parte dos inscritos”, explican desde SomosTerra. De feito, todos os sábados de 12:00 a 13:30 horas impartirán obradoiros gratuítos, comezando o día 23 de abril cunha sesión adicada ás prantas aromáticas e continuando nas posteriores con asuntos como compostaxe e vermicompostaxe, hortas verticais, plantas menciñais, control biolóxico de pragas, recollida de auga… A maiores, os luns (de 12:00 a 13:30 horas) e mércores (de 17:00 a 18:30 horas) estarán as técnicas presentes na horta para resolver presencialmente dúbidas, asesorar e colaborar.

    “Tal e como o Concello plantexa, queremos que este sexa un espazo de convivencia e de encontro entre veciños, por iso promoveremos tamén o intercambio de sementes e a creación dun banco que recompile as variedades locais”, explican.

    “Esta zona verde da Praza Carlos Casares, que non se empregaba para nada e pasaba totalmente desapercibida, se transformará nun punto de encontro onde florecerán os mellores valores e dos que como goberno nos sentimos máis orgullosos de promover”, conclúe o alcalde.

    COLABORACIÓNS

    Aperitivos de hojaldre sin gluten

    Mayo es el mes de las personas celíacas. El día 16 se celebró el Día Internacional de la Enfermedad Celíaca y hasta este año, el 27 de mayo se celebraba en España el Día Nacional (este año nos unimos al resto de los países y lo celebramos el día 16).

    Ponteareas diante das eleccións (II): a Xeración do cambio, un recordo para que a Historia non se repita

    “De onde vimos? quen somos? onde imos?”. O título do cadro de Paul Gauguin e a letra da coñecida canción de Siniestro Total son interrogantes filosóficos que, aplicados ao mundano proceso electoral no que estamos inmersos, serven para lembrarnos que os procesos histórico-políticos son dinámicos e, polo tanto, teñen unha xénese no pasado que explica un presente que, á súa vez, condicionará o futuro decorrer dos acontecementos. A recente historia de Ponteareas non é unha excepción e, a poucos días das eleccións municipais, convén lembrala para non estar condenados a repetila.

    Ponteareas diante das eleccións (I): David contra Goliat e a utopía feita realidade

    Botando unha ollada atrás un non pode deixar de sorprenderse da rapidez coa que transcorre o tempo e a vida. Unha velocidade vertixinosa que tamén acompaña aos acontecementos e procesos sociais e políticos e que explica a facilidade coa que a sociedade pode esquecer tan axiña o seu pasado e, sobre todo, en política, ignorar de onde vimos, onde estamos e cara onde nos diriximos. Esquecemento dos que viviron eses procesos, mais tamén descoñecemento comprensíbel por razóns biolóxicas e xeracionais dos que daquela non naceran ou eran uns cativos.

    “The Last Of Us”

    Hace unos días, terminé de ver la primera temporada de la serie "The Last Of Us", una serie basada en la historia de un videojuego inspirado en un mundo apocalíptico.

    Colaboradores

    Alberto Aliaga Sola
    20 POSTS0 COMMENTS
    Bea Sanfa
    14 POSTS0 COMMENTS
    Manrique Fernández
    83 POSTS0 COMMENTS
    Paz de la Peña
    42 POSTS0 COMMENTS
    Ricardo Canosa Bastos
    14 POSTS0 COMMENTS
    Roberto Mera
    8 POSTS0 COMMENTS
    Avatar
    1 POSTS0 COMMENTS